Exodo 22:21 - Chol: I T’an Dios

²¹ Mach ma' lotin jini mach bʌ a pi'ʌlic ch'oyol bʌ ti yambʌ lum, come parte ba' ch'oyoletla che' bʌ ya' añetla ti Egipto.

Chol de Tumbalá Bible

²¹ Mach ma' lotin jini mach bʌ a pi'ʌlic ch'oyol bʌ ti yambʌ lum, come parte ba' ch'oyoletla che' bʌ ya' añetla ti Egipto.

Jiñi Tsiji' bʌ Wen T'añ cha'añ Estudio

²¹ Mach ma' lotin jiñi mach bʌ ya'ic ch'oyol ti a lumal mi yomic ma' c'ʌn ti e'tel, come jatetla ja'el tsa' chumleyetla ba' mach la lumalic, che' bʌ ya'añetla ti Egipto.

Exodo 22:21 Iomraidhean Croise

Job 6:27

Lajaletla bajche' jini mu' bʌ i tic'lañob meba' alʌlob. Lajaletla bajche' winicob mu' bʌ i ñopob i chon ti jubem bʌ i tojol jini amigo i cha'an.

Salmos 146:9

Lac Yum mi' cʌntan jini ch'oyolo' bʌ ti yambʌ lum. Mi' coltan meba' x'ixicob yic'ot meba' alʌlob, Pero mi' jisʌbeñob i tijicñʌyel jini jontolo' bʌ. Mi' tajob wocol ti' jilibal.

Exodo 23:9

Mach yomic ma' tic'lan jini ch'oyol bʌ ti yambʌ lum. La' wujil bajche' yubil che' añetla ti yambʌ lum, come tsa' ajniyetla ti Egipto.

Isaias 1:17

¡Ñopox la' mel chuqui uts'at! Cʌntesan la' bʌ ti' melol jini toj bʌ ti' tojlel yaño' bʌ. Tiq'uila xjontolilob, coltanla jini p'ump'uño' bʌ yic'ot jini meba' alobob yic'ot meba' x'ixicob, che'en.

Jeremias 22:3

Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Jeremias 7:6

Mach la' chilbeñob i chubʌ'an jini ñajt bʌ ch'oyolob yic'ot meba' alʌlob, yic'ot meba' x'ixicob. Cʌyʌx la' cha'len tsʌnsa. Cʌyʌx la' c'uxbin jini mach bʌ Diosobic, come jini cha'an woliyetla ti wocol.

Ezequiel 22:7

Jini ch'itoñob yic'ot xch'ocob mi' ts'a'leñob i tatob yic'ot i ña'ob. Mi la' tic'lan jini ñajt bʌ ch'oyolob yic'ot jini meba' alʌlob yic'ot meba' x'ixicob.

Levitico 19:13

Mach mi la' p'ump'un tic'lan la' pi'ʌlob. Mach mi la' xujch'iben chuqui an i cha'an. Mach yomic mi' cʌytʌl ti bet i tojol i ye'tel.

Levitico 19:33

Che' chumul ti la' tojlel jini ñajt bʌ ch'oyol, mach mi la' tic'lan.

Levitico 19:34

Yom lajal mi la' q'uel jini ñajt bʌ tilem che' bajche' mero la' pi'ʌl. Yom c'ux mi la' wubin che' bajche' mi la' bajñel c'uxbin la' bʌ, come ti yambʌ ora ya' añetla ti Egipto ba' mach mero la' lumalic. Joñoñʌch la' Yumon la' Dioson.

Levitico 25:35

Che' p'ump'un jax a pi'ʌl, an ti a wenta cha'an ma' coltan mi israel o mi parte ba' ch'oyol. Yom ma' pʌy tilel ti a wotot cha'an mi' yajñel a wic'ot.

Zacarias 7:10

Mach la' tic'lan meba' x'ixicob yic'ot meba' alobob yic'ot jini ñajt bʌ ch'oyolob yic'ot jini p'ump'uño' bʌ. Mach la' tech jontolil ti la' pusic'al ti' contra la' pi'ʌlob.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Deuteronomio 1:16

Ti jini jach bʌ ora tsac subeyob la' juezob: Yom mi la' ñich'tʌben i t'an la' pi'ʌlob. Yom toj mi la' cha'len meloñel ti' tojlelob. Yom junlajal mi la' mel la' pi'ʌlob, yic'ot jini ñajt bʌ ch'oyolob.

Deuteronomio 10:18

Lac Yum mi' coltan meba' alʌlob yic'ot meba' x'ixicob. Mi caj i melob mu' bʌ i tic'lañob. Mi' c'uxbin ja'el jini ñajt bʌ ch'oyolob mu' bʌ i cʌyob i lumal cha'an mi' chumtʌlob ti lac tojlel. Muq'uix i yʌq'uenob i bʌl i ñʌc' yic'ot i pislel.

Deuteronomio 10:19

Che'ʌch yom mi la' mel jatetla ja'el. Yom mi la' c'uxbin jini winicob parte bʌ i lumal, come ti yambʌ ora ya' chumuletla ti Egipto mach bʌ mero la' lumalic.

Deuteronomio 15:15

Yom mi la' ña'tan bajche' añetla ti yambʌ ora che' añetla ti la' yum ti Egipto, pero lac yum Dios tsi' loc'sayetla. Jini cha'an wersa yom ma' jac' ili mandar.

Deuteronomio 23:16

Yom ma' wʌc' ti chumtʌl ya' ti a lum baqui mi' mulan. Mach yomic ma' tic'lan.

Deuteronomio 23:7

Mach yomic mi la' ts'a'len jini edomob, come la' pi'ʌlob. Mach mi la' ts'a'len jini egiptojob, come ti yambʌ ora ya' chumuletla ti' lumal.

Deuteronomio 24:17

Mach yomic ma' tic'lan jini mach bʌ mero anic i lumal ti la' tojlel yic'ot jini meba'o' bʌ. Mach yomic ma' ch'ʌmben i pislel jini meba' x'ixic cha'an i q'uexol i bet.

Deuteronomio 27:19

“La' aq'uentic wocol jini mach bʌ anic mi' mel ti uts'at jini ñajt bʌ chumulob, yic'ot meba' x'ixicob yic'ot alʌlob”, che'ob. Pejtelel jini año' bʌ ti tejclum mi caj i yʌlob: “Amén”, che'ob.