Exodo 22:18 - Chol: I T’an Dios

¹⁸ Yom mi' tsʌnsʌntel xwujt.

Chol de Tumbalá Bible

¹⁸ Yom mi' tsʌnsʌntel xwujt.

Jiñi Tsiji' bʌ Wen T'añ cha'añ Estudio

¹⁸ Jiñi x'ixic mu' bʌ i cha'len wujt, yom mi' tsʌnsʌntel.

Exodo 22:18 Iomraidhean Croise

Isaias 19:3

Mi caj i sʌc sojquelob i pensar pejtel jini egiptojob, come mi caj c jisʌbeñob i ña'tʌbal. Che' jini mi caj i lon majlelob ba'an i dioste' tac yic'ot ba'an jini xwutob, yic'ot ba'an xpejca cruzob yic'ot ba'an payxo bʌ x'alt'añob.

Jeremias 27:10

Pero lot jach chuqui woli' subeñetla. Jini cha'an mi caj la' chojquel loq'uel ti la' lum. Joñon mi caj c choquetla loq'uel, che'en lac Yum.

Jeremias 27:9

Jini cha'an mach yomic mi la' ñich'tan jini x'alt'añob la' cha'an yic'ot año' bʌ i ña'tʌbal cha'an mucul tac bʌ, yic'ot xñajalob yic'ot xpejca cruzob yic'ot xwujtob año' bʌ ti la' tojlel. Ti pejtelelob mi' yʌlob mach yomic mi la' yuman i rey Babilonia.

Levitico 18:23

Che' ja'el mach mi la' pi'len jini alʌc'ʌl. Jinic x'ixic mach mi' yʌc' i bʌ ti pi'lentel yic'ot chuqui tac an ti pañimil, come jiñʌch ñuc bʌ mulil.

Levitico 19:26

Mach mi la' c'ux jini we'elʌl yic'ot i ch'ich'el. Mach mi la' lon ñop winic mu' bʌ i sub chuqui mi caj ti ujtel tac. Mach mi la' wotsan la' bʌ ti xwujt.

Levitico 19:31

Mach majliquetla ba'an jini payxo x'alt'añob cha'an mi la' c'ajtiben i sujmlel chuqui tac mi' yujtel, come joñoñʌch la' Yumon la' Dioson.

Levitico 20:27

Che' an winic mi x'ixic mu' bʌ i pejcʌben i ch'ujlel jini xchʌmel, o mi' lon ña'tan chuqui tac mi' caj ti yujtel, wersa mi' caj ti jujlel ti xajlel. Jini mulil mi' cʌytʌl ti' wentajob. Che' tsi yʌlʌ lac Yum.

Levitico 20:6

Che' ja'el jini winic mu' bʌ i majlel ba'an payxo x'alt'añob yic'ot ba'an xwujtob cha'an mi' tsajcʌbeñob i melbal, mi caj j contrajin jini winic. Mi caj c choc loq'uel ti' tojlel i pi'ʌlob.

Hechos 19:19

Cabʌl tsa' bʌ i cha'leyob wujt tsi' tempayob i jun. Tsi' puluyob ti' wut winicob x'ixicob. Tsi' tsicbeyob i tojol, lujump'ejl i yuxc'al mil sʌsʌc taq'uin.

Gálatas 5:20

Mi' ch'ujutesañob dios tac, mi' cha'leñob wujt, yujilob ts'a'leya yic'ot leto. Tsʌytsʌyña jax i pusic'al cha'an chubʌ'añʌl. Yujilob mich'ajel yic'ot a'leya. Mi' t'oxob i bʌ ti leto yic'ot ti yambʌ i ñopbal.

Deuteronomio 27:21

“La' aq'uentic wocol jini mu' bʌ i i pi'len jini alʌc'ʌl tac”, che'ob. Pejtelel jini año' bʌ ti tejclum mi caj i yʌlob: “Amén”, che'ob.

Apocalipsis 22:15

Ya' ti jumpat an ts'i' yic'ot xwujt yic'ot jini mu' bʌ i cha'leñob ts'i'lel yic'ot stsʌnsajob yic'ot jini mu' bʌ i ñopob dioste' yic'ot jini mu' bʌ i mulañob lot yic'ot jini mu' bʌ i cha'leñob lot.

1 Samuel 28:3

Chʌmenix Samuel. Tsi' yuc'tayob jini israelob. Tsi' mucuyob ya' ba'an i yotot ti Ramá. Chocbilix loq'uel ti jini lum pejtelel xch'ʌcoñelob yic'ot xwujtob cha'an ti' mandar Saúl.

1 Samuel 28:9

Jini x'ixic tsi' sube: Awujil chuqui tsi' mele Saúl. Tsi' laj choco loq'uel xwujtob yic'ot jini mu' bʌ i pejcañob ch'ujlelʌl. ¿Chucoch che' jini, ma' tilel cha'an ma' chucon ti yac cha'an mic chʌmel? che'en.