Exodo 22:14 - Chol: I T’an Dios

¹⁴ Majqui jach mi' majñan alʌc'ʌl ti' tojlel i pi'ʌl, wersa mi caj i tojben i yum mi tsa' lojwi, o mi tsa' chʌmi che' mach ya'ic an i yum.

Chol de Tumbalá Bible

¹⁴ Majqui jach mi' majñan alʌc'ʌl ti' tojlel i pi'ʌl, wersa mi caj i tojben i yum mi tsa' lojwi, o mi tsa' chʌmi che' mach ya'ic an i yum.

Jiñi Tsiji' bʌ Wen T'añ cha'añ Estudio

¹⁴ Pero mi añ majqui mi' majñan alʌc'ʌl ti' tojlel i pi'ʌl, wersa mi caj i tojben i yum mi tsa' lojwi, o mi tsa' chʌmi che' mach ya'ic añ i yum,

Exodo 22:14 Iomraidhean Croise

Nehemias 5:4

Yaño' bʌ tsi' yʌlʌyob: Tsac beta lojon taq'uin cha'an c tojoñel lojon ba'an jini rey. Wersa tsac choño lojon c lum yic'ot c ts'usubil cha'an mic toj lojon.

Salmos 37:21

Jini jontol bʌ mi' c'ajtin ti bet. Ma'anix mi' chʌn tilel i toj. An i yutslel i pusic'al jini toj bʌ. Mi' yʌc' i chubʌ'an.

Exodo 21:34

i yum pozo mi caj i tojben i yum alʌc'ʌl. Che' jini i cha'anix i bʌc'tal alʌc'ʌl come tsi' tojo.

Exodo 22:11

wersa mi la' majlel la' mel la' bʌ ba' mi' yujtel meloñel cha'an mi' tsictiyel mi tsi' chilbeyet a chubʌ'an. Mi ma'anic tsi xujch'i, la' i sub ti' tojlel Dios. Wersa mi caj a ñopben i t'an. Ma'anic mi caj i yʌq'ueñet i tojol.

Exodo 22:13

Mi tsi' c'uxu bʌte'el, la' i ch'ʌmbeñet tilel i colojbal cha'an mi' tsictesan. Che' jini ma'anic mi caj i toj.

Exodo 22:15

Mi ya'ʌch an i yum alʌc'ʌl, ma'anic mi caj i toj. Che' ja'el mi tsi' yʌq'ue taq'uin cha'an mi' poj c'ʌn ti e'tel, jasʌl jach.

Levitico 24:18

Che' an winic mu' bʌ i lowe' juncojt i yʌlac' yambʌ, wersa mi caj i q'uextʌbentel.

Mateo 5:42

Aq'uen chuqui mi' c'ajtibeñet. Che' an chuqui mi' c'ajtibeñet ti majan, mach ma' to'o ac' ti sujtel.

Lucas 6:35

Pero c'uxbinla la' contrajob. Melela chuqui wen. Aq'uenla ti majan. Mach mi la' cha'len pensar cha'an mi la' cha' sutq'uibentel. Che' jini mi caj la' ch'ʌm la' chobejtʌbal. Che' jini tsiquil i yalobiletla jini C'ax Ñuc Bʌ, come mi' c'uxbin jini mach bʌ añobic i yutslel i pusic'al yic'ot jini jontolo' bʌ.

Deuteronomio 15:2

Che' bajche' jini mi caj la' mel. Jini tsa' bʌ i yʌc'ʌ i taq'uin ti majan ti' tojlel i pi'ʌlob mi caj i jisʌben i bet. Mach mejlic i chʌn c'ajtiben i pi'ʌl, come tsa'ix ñusʌbenti i bet, come i yorajlelix i ñusʌntel che' bajche' tsi' yʌlʌ lac Yum.