Exodo 20:7 - Chol: I T’an Dios

⁷ Mach a lon tajben i c'aba' a Yum a Dios, come a Yum ma'anic mi caj i ñusʌben i mul jini mu' bʌ i lon tajben i c'aba'.

Chol de Tumbalá Bible

⁷ Mach a lon tajben i c'aba' a Yum a Dios, come a Yum ma'anic mi caj i ñusʌben i mul jini mu' bʌ i lon tajben i c'aba'.

Jiñi Tsiji' bʌ Wen T'añ cha'añ Estudio

⁷ Mach a lon tajben i c'aba' a Yum Dios, come ma'añic mi caj i ñusʌben i mul jiñi mu' bʌ i lon tajben i c'aba'.

Exodo 20:7 Iomraidhean Croise

Genesis 27:20

Isaac tsi' sube i yalobil: Calobil, ¿bajche' tsa' mejli a bʌc' taj? che'en. Tsi' yʌlʌ: Come lac Yum tsi' coltayon, che'en.

1 Reyob 2:9

Jini cha'an mach ma' to'ol ñusʌben i mul, come a wujilix bajche' yom ma' mel. La' chʌmic cha'an i mul anquese ñoxix. Che' tsi' yʌlʌ David.

2 Reyob 5:20

Giezi jini x'e'tel i cha'an Eliseo, i winic Dios, tsa' caji i ña'tan ti' pusic'al: Ma'anic chuqui tsi' ch'ʌmʌ c yum ti pejtelel majtañʌl tsa' bʌ i ch'ʌmʌ tilel Naamán. Wʌle mi caj c majlel ti ajñel cha'an mic ch'ʌmben ts'ita' jini majtañʌl, che'en.

Salmos 139:20

Jini mu' bʌ i contrajiñet ti maña jax bʌ t'an, Mi' lon chañ'esan i bʌ.

Proverbios 30:9

ame c ñusañet che' ñajonix, ame c sub ¿bac'an tsiquil lac Yum? ame cho'onic, ame cajicon ti xujch' mi pobrejon, ame c p'ajben i c'aba' lac Dios.

Jeremias 34:16

Pero tsa' la' cha' q'uexta la' t'an. Tsa' la' bib'esa j c'aba' che' bʌ tsa' la' cha' chucu ti la' wenta jini yomo' bʌ ajñel ti libre. Tsa' la' cha' cʌchʌyob cha'an mi' wersa melob la' we'tel.

Jeremias 4:2

Wa'chocon a t'an tic tojlel ti' c'aba' jini cuxul bʌ a Yum. Subu chuqui isujm. Cha'len toj bʌ meloñel. Ñopox chuqui uts'at tic wut. Che' jini pejtel winicob ti yan tac bʌ lum mi caj i cʌñoñob cha'an a Yumon. Mi caj i q'ueloñob ti ñuc, che'en lac Yum.

Ezequiel 39:7

Mi caj cʌc' ti tsictiyel jini ch'ujul bʌ j C'aba' ti' tojlel c tejclum Israel. Ma'anix mi caj c chʌn ñusʌbeñob i mul jini mu' bʌ i p'ajob. Che' jini mi caj i ña'tañob ti pejtelel pañimil Yumʌlon, Ch'ujulon Bʌ i cha'an Israel.

Levitico 19:12

Mach la' lon wa'chocon la' t'an cha'an jini mach bʌ isujmic, ame che'ic mi la' juch' tec'beñon j c'aba', come la' Yumon, la' Dioson.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

2 Corintios 1:23

La' i q'uel c pusic'al Dios come isujm maxto anic tsa' tiliyon ti Corinto ba' añetla come mach comic c tsʌts pejcañetla.

Deuteronomio 10:20

Wersa yom mi la' bʌc'ñan lac Yum Dios. Jini jach mi caj la' yuman. Yom mi la' tsajcan. Cojach ti' caba' lac Yum yom mi la' wʌc' la' t'an.

Deuteronomio 5:11

Mach a lon tajben i c'aba' a Yum Dios cha'an chuqui mi caj a mel, come a Yum ma'anic mi caj i ñusʌben i mul jini mu' bʌ i lon tajben i c'aba'.

Deuteronomio 6:13

Yom mi la' bʌc'ñan lac Yum Dios. Cojach jini mi caj la' Yuman, cojach jini mi caj la' ch'ujutesan.

Santiago 5:12

Quermanojob, jiñʌch ñumen uts'at bʌ che' ma'anic mi la' lon taj ti t'an panchan mi pañimil mi yambʌ t'an cha'an mi la' wa'chocon la' subal. Jasʌl jach mi la' wʌl che'ʌch yom o mach che'ic yom ame la' taj la' mul ti' tojlel Dios. Mi mach isujmic, mach i sujmic, che'etla, cha'an ma'anic mi la' pʌjyel la' mel la' bʌ.

Josue 2:12

Jini cha'an mij c'ajtibeñetla ti wocol t'an cha'an mi la' wa'chocobeñon la' t'an ti' tojlel la' Yum. Che' bajche' tsac p'untayetla che'ʌch yom mi la' melbeñon yic'ot c pi'ʌlob ti' yotot c tat. Pʌsbeñon mi isujm mi caj la' coltañon.

Josue 2:17

Jini winicob tsi' subeyob: Mi mach isujmic a t'an, librejon lojon cha'an jini t'an tsa' bʌ cʌlʌ lojon.

Josue 9:20

Tsi' yʌlʌyob: La' ajnicob la quic'ot ame tilic i mich'ajel Dios ti lac tojlel cha'an jini t'an tsa' bʌ lac tem mele ti' c'aba' lac Yum, che'ob.