Exodo 20:6 - Chol: I T’an Dios

⁶ Mic pʌsbeñob i yutslel c pusic'al bajc'ʌlob mu' bʌ i c'uxbiñoñob mu' bʌ i jac'beñon c mandar.

Chol de Tumbalá Bible

⁶ Mic pʌsbeñob i yutslel c pusic'al bajc'ʌlob mu' bʌ i c'uxbiñoñob mu' bʌ i jac'beñon c mandar.

Jiñi Tsiji' bʌ Wen T'añ cha'añ Estudio

⁶ yic'ot mic pʌsbeñob i yutslel c pusic'al bajc'ʌlob mu' bʌ i c'uxbiñoñob yic'ot mu' bʌ i jac'beñoñob c mandar.

Exodo 20:6 Iomraidhean Croise

Nehemias 1:5

Tsa cʌlʌ: C Yum Dios añet bʌ ti panchan, mic pejcañet. P'ʌtʌl bʌ Dioset cabʌl a ñuclel. Mic bʌc'ñañet lojon. Ma' pʌsbeñob a wutslel yic'ot i sujmlel a pacto pejtel mu' bʌ i jac'beñetob a mandar, mu' bʌ i c'uxbiñetob.

Salmos 103:17

Pero i yutslel lac Yum ti pejtelel ora an. Lac Yum mi' pʌsbeñob i yutslel yic'ot i tojel jini mu' bʌ i bʌc'ñañob yic'ot i p'olbalob ti lajm ti lajm

Exodo 34:7

Mic p'untan cabʌlob, mic ñusan mulil, yic'ot i ñusʌntel mandar, yic'ot jontolil, pero ma'anic mic ñusʌben i mul jini mu' bʌ i chʌn cha'len mulil cha'an i tsʌtslel i pusic'al. Mi cʌq'ueñob i tojob i mul tatʌlob, yic'ot i yalobilob, yic'ot i butsob, c'ʌlʌl ti' yuxlajmlel yic'ot i chʌnlajmlel i p'olbalob. Che' tsi' yʌlʌ lac Yum Dios.

Proverbios 3:1

Calobil, mach ñajʌyic ti a pusic'al j cʌntesʌbal. Chʌn ña'tan c mandar ti a pusic'al.

Jeremias 32:18

Jatet ma' pʌsbeñob i yutslel a pusic'al bajc'ʌl winicob. Ma' wʌq'ueñob i tojbeñob i mul i tatob, jini i yalobilob. Ñuquet, cabʌl a p'ʌtʌlel, Dios. I Yumet Panchan yic'ot Pañimil. Che'ʌch a c'aba'.

Daniel 9:4

Tsac pejca ti oración lac Yum Dios. Tsac sube c mul yic'ot i mul c pi'ʌlob israelob. Tsac sube: C Yum, ñuc bʌ Dioset, wen bʌc'ñʌbilet. Ma' chʌn ña'tan a t'an cha'an ma' ts'ʌctesʌbeñob jini mu' bʌ i c'uxbiñetob yic'ot jini mu' bʌ i jac'ob a mandar.

Numeros 14:18

Uts'at a pusic'al c Yum. Jal ma' cuchbeñon lojon c mul. Wen a wujil p'untaya. Ma' ñusʌbeñon lojon c mul yic'ot c jontolil lojon. Tojet ja'el. Wersa mi caj a wʌq'ueñob i tojol i mul jini xmulilob, yic'ot i yalobilob, yic'ot i butsob, yic'ot i p'olbalob i buts. Mi caj i tojbeñob i mul ti chʌnlajmlel.

Juan 14:15

Mi c'ux mi la' wubiñon, mi caj la' jac'beñon c mandar.

Juan 14:21

Jini mu' bʌ i cʌn c mandar, mu' bʌ i jac', jiñʌch mu' bʌ i c'uxbiñon. Jini mu' bʌ i c'uxbiñon, mi caj i c'uxbintel cha'an c Tat. Joñon mi caj j c'uxbin ja'el. Mi caj cʌq'ueñetla la' wen cʌñon. Che' tsi' yʌlʌ Jesús.

Hechos 2:39

Albilix, mi caj la' wʌq'uentel jini Espíritu jatetla yic'ot la' walobilob yic'ot año' bʌ ti ñajtʌl, che' bajche' jaytiquil mi' pʌjyelob tilel cha'an lac Yum Dios, che'en.

Deuteronomio 4:37

Lac Yum tsi' wen c'uxbi la' ñojte'el. Yajcʌbiletla come i p'olbaletla. Tsa'ix i loc'sayetla ti Egipto yic'ot pejtelel i p'ʌtʌlel.

Deuteronomio 5:29

Uts'atax muq'uic i bʌc'ñañoñob ti pejtelel ora cha'an mi' jac'beñonob c t'an yic'ot c mandar. Che'ic jini, muq'uix i ñusañob q'uin ti uts'at yic'ot i yalobilob ti pejtelel ora.

Deuteronomio 7:9

Ña'tanla che' jini Diosʌch lac Yum, jini jach bʌ Dios, xuc'ul bʌ ti pejtelel ora. Mi' chʌn ña'tan jini xuc'ul bʌ t'an tsa' tʌ i yʌc'ʌ ti lac tojlel. Mi' pʌsbeñob i yutslel i pusic'al jini mu' bʌ i jac'beñob i mandar c'ʌlʌl ti jump'ejl mil i lajm la' p'olbal.

Santiago 1:12

Tijicña jini mu' bʌ i cuch wocol ti uts'at, come che' ñumenix i yilʌbentel i pusic'al, mi caj i yʌq'uentel i cuxtʌlel i wenta corona che' bajche' albil i cha'an Dios. Dios mi caj i yʌq'ueñob pejtelel mu' bʌ i c'uxbiñob.

1 Juan 4:19

Jini cha'an mi laj c'uxbin Dios, come ñaxan tsi' c'uxbiyonla.

1 Juan 5:3

Come i c'uxbintel Dios jiñʌch i ch'ujbibentel i mandar. Mach wocolic i mandar.

2 Juan 1:6

Jiñʌch laj c'uxbiya che' mi lac cha'len xʌmbal che' bajche' mi' yʌl i mandar. Tsa' la' wubi jini mandar c'ʌlʌl ti' cajibal: Yom mi laj c'uxbin lac bʌ.