Exodo 20:3 - Chol: I T’an Dios

³ Mach a ñop yambʌ dios. Yom jach ma' ñopon.

Chol de Tumbalá Bible

³ Mach a ñop yambʌ dios. Yom jach ma' ñopon.

Jiñi Tsiji' bʌ Wen T'añ cha'añ Estudio

³ Mach a ñop yam bʌ dios tac, cojach joñon.

Exodo 20:3 Iomraidhean Croise

1 Reyob 11:4

Che' anix i jabilel Salomón, i yijñamob tsi' xiq'uiyob cha'an mi' ch'ujutesan i diosob. Ma'anic tsi' ñopo lac Yum Dios che' bajche' tsi' ñopo i tat David.

Salmos 29:2

Suben i ñuclel lac Yum come ñuc i c'aba'. Ch'ujutesan lac Yum am bʌ ch'ujul bʌ i t'ojlʌwib.

Salmos 73:25

Cʌxti anic yambʌ mu' bʌ c ñop ti panchan. Com jach jatet ti pañimil, mach comic yambʌ.

Salmos 81:10

Joñon a Yumon, a Dioson, Tsa' bʌ c pʌyʌyet loq'uel ti' lumal Egipto. Yom ma' wen c'ajtibeñon chuqui tac a wom. Mi caj cʌq'ueñet, cho'on.

Salmos 81:9

Mach yomic dioste' ti a tojlel. Ma'anic mi caj a ch'ujutesan dioste'.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Exodo 20:23

Mach la' mel la' dios tac mi ti plata mi ti oro.

Exodo 22:19

Mi an mu' bʌ i pi'len alʌc'ʌl wersa mi' tsʌnsʌntel.

Exodo 23:24

Mach yomic mi la' ch'ujutesan i dioste' tac. Mach yomic mi la' cha'libeñob i ye'tel. Mach yomic mi la' mel che' bajche' i melbalob. Yom mi la' jisañob ti pejtelelob. Yom mi la' jem pejtelel i dioste' tac.

Exodo 32:8

Ti ora jach tsa' sajtiyob ya' ti bij ba' tsac pʌsbeyob. Tsa'ix i meleyob juncojt alʌ wacax ti oro. Tsa'ix i ch'ujutesayob. Tsa'ix i yʌq'ueyob i majtan tac. Tsa'ix i yʌlʌyob israelob: “Jiñʌch iliyi lac dios tsa' bʌ i loc'sayonla ti' lumal Egipto”, che'ob. Che' tsi' yʌlʌ lac Yum.

Exodo 34:14

Mach comic mi caj la' ch'ujutesan yambʌ dios, come mic mich'leñetla che' mi la' ch'ujutesan. Joñon jach yom mi la' ch'ujutesañon.

Isaias 26:4

Ñopo lac Yum ti pejtelel ora, come lac Yum Dios a p'ʌtʌlelʌch ti pejtelel ora.

Isaias 42:8

Yumʌlon. Jiñʌch j c'aba'. Ma'anic mi cʌq'uen c ñuclel yambʌ. Ma'anic mi caj cʌq'uen dioste' i pejcʌntel ti ñuc.

Isaias 43:10

Pero testigojetla, israelob, la' waj coltayajon. C winiquetla. Tsac wʌn yajcayetla cha'an mi la' cʌñon, cha'an mi la' ñopon, cha'an mi la' wen ña'tan ma'anic yambʌ ti pejtelel ora mi ti wajali mi ti tal to bʌ ora. Joñon jach la' Yumon la' Dioson.

Isaias 44:8

Mach la' cha'len bʌq'uen. Mach yomic mi' toj sajtel la' pusic'al. ¿Mach ba anic tsac tsictesʌbeyet chuqui mi' caj ti ujtel c'ʌlʌl ti oñiyi? C testigojetla, ma'anic yambʌ Dios. Joñon jach Dioson, a Xajlelon. Ma'anic yambʌ, che'en lac Yum.

Isaias 46:9

Ña'tanla c melbal ti' tojlel Israel ti wajali. Dioson. Joñon jach Dioson. Ma'anic yambʌ.

Jeremias 25:6

Mach yomic mi la' ñop jini dios tac. Mach la' ch'ujutesan. Mach yomic mi la' wʌc' ti mich'ajel lac Yum, ame muq'uic i chocbeñetla tilel ñuc bʌ wocol”, che'ob.

Jeremias 35:15

Tsac chocbeyetla tilel pejtel c winicob x'alt'año' bʌ. C'ʌlʌl wʌle wolic chocob tilel cha'an mi' pejcañetla ti wocol t'an. Tsi' yʌlʌyob: “Sujtenla. A wocolic mic subeñetla, cʌyʌ la' jontolil. Cha' ñopoxla chuqui uts'at. Mach la' tsajcan yambʌ dios tac. Mach la' ch'ujutesan. Muq'uic la' mel che' bajche' mic subeñetla, mi caj la' chumtʌl ti la' lum tsa' bʌ cʌq'ueyob la' tat. Che' woli' yʌl lac Yum”, che'ob. Pero ma'anic tsa' la' ñich'tʌbeyon c t'an. Ma'anic tsa' la' jac'ʌ.

Jeremias 7:9

Mi la' cha'len xujch'. Mi la' cha'len tsʌnsa. Mi la' cha'len ts'i'lel. Mi la' wa'chocon lot tij c'aba'. Mi la' pulben pom jini Baal, mi la' ñop jini mach bʌ Diosobic mach bʌ la' cʌñʌyic. Mach che'ic tsaj cʌntesayetla.

Daniel 3:18

Mi yom i coltañon lojon o mi mach yomic, ma'anic mi caj c ñocchocon lojon c bʌ cha'an mic ch'ujutesan a diosob mi i yejtalic winic melbil bʌ ti oro tsa' bʌ a wa'choco, che'ob.

Oseas 13:4

Joñon jach a Dioson, a Yumon, c'ʌlʌl che' bʌ tsac pʌyʌyet loq'uel ti Egipto. Ma'anic yambʌ Dios. Ma'anic yambʌ xColtaya, joñon jach.

Mateo 4:10

Jesús tsi' sube: Cucu, Satanás, come ts'ijbubil: “Yom ma' ch'ujutesan a Yum Dios. Cojach jini yom ma' yuman”, che'en.

1 Corintios 8:4

¿Yom ba mi laj c'ux we'elʌl aq'uebil bʌ dioste' tac ti' majtan? La cujil ma'anic i c'ʌjñibal dioste' tac ti pañimil, come ma'anic yambʌ Dios, juntiquil jach.

1 Corintios 8:6

pero ti lac tojlel an juntiquil jach Dios, jiñʌch lac Tat. Ya' ch'oyol pejtelel chuqui tac an. Tsi' meleyonla cha'an mi lac ñuq'uesan. An juntiquil jach lac Yum, jiñʌch Jesucristo. Ti' p'ʌtʌlel tsa' mejli pejtel chuqui tac an. Joñonla ja'el añonla cha'an Cristo.

Efesios 5:5

Come la' wujil ti isujm, ma'anic mi caj i yochel ti' yumʌntel Cristo yic'ot Dios jini mu' bʌ i cha'len ts'i'lel mi jini am bʌ i bibi'lel i pusic'al, mi jini tsʌytsʌyña bʌ i pusic'al cha'an chubʌ'añʌl. Come i tsʌytsʌyniyel lac pusic'al cha'an chubʌ'añʌl lajalʌch bajche' i c'uxbintel dioste'.

Deuteronomio 5:7

Mach a ñop yambʌ dios cha'an ma' xʌb otsan yambʌ tic tojlel.

Deuteronomio 6:14

Mach mi la' majlel ba'an i diosob yaño' bʌ winicob yambʌ i lumal,

Deuteronomio 6:5

C'uxbin lac Dios ti pejtelel la' pusic'al, ti pejtelel la' ch'ujlel, yic'ot ti pejtelel la' p'ʌtʌlel.

Filipenses 3:19

Mi caj i jisʌntelob come woli' diosiñob chuqui yom i bʌc'tal. Mi' lon q'uelob i bʌ ti ñuc cha'an i melbalob anquese quisintic. Mi' yʌc'ob ti' pusic'al chuqui jach an ti pañimil.

Colosenses 2:18

Jini mu' bʌ caj la' wʌq'uentel mach mi la' wʌc' ti chijlel cha'an jini mu' bʌ i lon pʌsob i bʌ ti pec', mu' bʌ i ch'ujutesañob ángelob. Mi' lon alob an chuqui tsi' q'ueleyob ti espíritu. Mi' lon chañ'esañob i bʌ cha'an i bajñel ña'tʌbal.

Apocalipsis 19:10

Tsac pʌcchoco c bʌ ti' tojel i yoc cha'an mic ch'ujutesan jini ángel. Pero tsi' subeyon: Q'uele, mach che'ic yom ma' cha'len. I winicon Dios lajal bajche'et yic'ot a wermanojob mu' bʌ i jac'beñob i t'an Jesús. Ch'ujutesan Dios, che'en. Come jini Espíritu tsa' bʌ i pejcayonla ti Jesús mi' ñijcañonla ti subt'an.

Apocalipsis 22:9

Tsi' subeyon: Q'uele mach che'ic yom ma' cha'len, come i winicon Dios lajal bajche'et yic'ot a wermanojob jini x'alt'añob, yic'ot jini mu' bʌ i jac'beñob i t'an jini jun. Ch'ujutesan Dios, che'en.

Juezob 6:10

Tsac subeyetla: A Yumon, a Dioson. Mach mi' la' bʌc'ñan i diosob amorreojob ba' woliyetla ti chumtʌl, cho'on, pero ma'anic tsa' la' jac'ʌ c t'an”. Che' tsi' yʌlʌ lac Yum, che'en jini x'alt'an.