Exodo 20:26 - Chol: I T’an Dios

²⁶ Mach mi la' melben i quejb tac pulʌntib ame mi' tsictiyel i mal la' bujc”, che'en.

Chol de Tumbalá Bible

²⁶ Mach mi la' melben i quejb tac pulʌntib ame mi' tsictiyel i mal la' bujc”, che'en.

Jiñi Tsiji' bʌ Wen T'añ cha'añ Estudio

²⁶ Mach mi la' melben i quejp tac jiñi pulʌntib cha'añ ma' letsel ya'i ame tsictiyic i mal a bujc.”

Exodo 20:26 Iomraidhean Croise

Salmos 89:7

Jini ángelob año' bʌ i ye'tel mi' bʌc'ñañob Dios. Wen ñuc Dios ya' ti' tojlel pejtel año' bʌ ti' joytilel.

Exodo 28:42

Yom ma' melbeñob i borwex ti fino bʌ pisil. Yom i ch'ajñal ti' ñʌc' mero ts'ita' tam cha'an ya' jaxʌl mi' c'otel ti' chañelal i pix. Yom jalbil ja'el, jiñʌch cha'an mi' lʌpob ya' ti' mal pʌl bʌ i bujc jini motomaj.

Exodo 28:43

Aarón yic'ot i yalobilob mi caj i lʌpob che' mi' yochelob ya' ti Tabernáculo yic'ot che' mi' wa'tʌlob ti' tojlel jini pulʌntib, che' mi' cha'leñob que'tel ya' ti Ch'ujul bʌ Ajñibʌl. Che' jini ma'anic mi caj i tajob i mul cha'an ma'anic mi caj i chʌmelob. Che'ʌch yom mi' chʌn melob ti pejtelel ora c'ʌlʌl ti' yorajlel i p'olbalob.

Eclesiastes 5:1

Tsajalet me. Yom ñʌch'ʌlet che' mi la' wochel ti Templo. Yom jamʌl a chiquin cha'an ma' wubin. Mach a mel bajche' tontojo' bʌ. Mi' yʌq'ueñob i majtan Dios, pero mach yujilobic che' woli' ñusʌbeñob i t'an.

Ezequiel 43:17

Jini ajñibʌl ba'an i pam jini pulʌntib an wucp'ejl metro i ñajtlel, junlajal jach ti chʌnxujclel. I pimlel i ti'il che' bajche' jo'p'ejl i cha'c'al centímetro. I buchlib i pam jini pulʌntib an i quejp ti' joytʌlel che' bajche' ojlil metro. An quejpʌctic bʌ ba' mi' letselob ya' ti tojel i pasibal q'uin.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

1 Pedro 1:16

Come ts'ijbubil: “Ajñenla ti ch'ujul, come ch'ujulon”, che'en lac Yum.