Exodo 20:21 - Chol: I T’an Dios

²¹ Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Chol de Tumbalá Bible

²¹ Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Jiñi Tsiji' bʌ Wen T'añ cha'añ Estudio

²¹ Che' ñajt wa'alob wiñicob x'ixicob, Moisés tsi' lʌc'tesa i bʌ ba'añ Dios ya' ba'añ ic'yoch'an bʌ tocal.

Exodo 20:21 Iomraidhean Croise

1 Reyob 8:12

Salomón tsi' cha'le oración: C Yum, a melbalʌch jini q'uin ti panchan, pero tsa' wʌlʌ jiñʌch a wajñib jini pim bʌ tocal. C Yum, tsa'ix c wa'chocobeyet wen uts'atax bʌ a wotot, a wajñib ba' mi mejlel a chumtʌl ti pejtelel ora. Che' tsi' cha'le oración Salomón.

2 Cronicas 6:1

Salomón tsa' caji i pejcan lac Yum ti oración. Tsi' yʌlʌ: C Yum, tsa' wʌlʌ ya' chumulet ba' i'ic' pañimil.

Salmos 104:2

Jini a pislel jiñʌch i c'ʌc'al pañimil. Jini panchan tsʌye'el a cha'an che' bajche' pisil.

Salmos 18:12

Jini chajc tsi' yʌc'ʌ ti tsictiyel i sʌclel lac Yum ba' pim tocal. Tsa' yajli tuñija' yic'ot abʌc woli bʌ ti lejmel.

Salmos 18:9

Lac Yum tsi' ju'sa tilel tocal, tsi' pʌsʌ i p'ʌtʌlel. Wen i'ic' ya' ti yebal i yoc.

Salmos 97:2

Ti' joytilel lac Yum an tocal yic'ot ic'yoch'an bʌ pañimil. Xuc'ul mi' yajñel ti' buchlib cha'an yujil meloñel ti isujm. Toj mi' mel i ye'tel.

Exodo 19:3

Moisés tsa' letsi ti wits cha'an mi' taj Dios. Lac Yum tsi' pejca ya' ti wits. Tsi' yʌlʌ: Subeñob i p'olbal Jacob, jini israelob:

Deuteronomio 5:22

Jiñʌch tsa' bʌ i yʌlʌ lac Yum che' wa'al ti c'ajc che' joyol ti tocal yic'ot ic'ch'ipan bʌ pañimil, ya' ti wits i c'aba' Sinaí. Ma'anic tsi' yʌc'ʌ yambʌ mandar. Tsi' ts'ijba ti cha'q'uejl xajlel. Che' jini tsi' yʌq'ueyon.

Deuteronomio 5:5

Xinlʌpʌlon ti la' tojlel yic'ot ti' tojlel lac Yum, come jatetla tsa' la' bʌc'ña jini c'ajc. C bajñel tsa' letsiyon ti wits, ma'anic tsa' letsiyetla. Lac Yum tsi' pejcayon. Joñon tsac cha' subeyetla i t'an. Jiñʌch tsa' bʌ i yʌlʌ:

1 Timoteo 6:16

jini cojach bʌ mach bʌ anic mi' chʌmel, jini chumul bʌ ti' sʌclel ba' mach mejlic lac lʌc'tesan lac bʌ, jini mach bʌ q'uelbilic i cha'an winicob mi juntiquilic, mach bʌ mejlic laj q'uel ja'el. La' q'uejlic ti ñuc. La' yumʌntic ti pejtelel ora. Amén.