Exodo 20:18 - Chol: I T’an Dios

¹⁸ Pejtelel winicob x'ixicob tsi' q'ueleyob i xu'il chajc. Tomocña woli ti letsel i buts'il jini wits. Tsi' yubiyob i t'an chajc yic'ot i t'an trompeta. Tsiltsilñayob ti bʌq'uen che' bʌ tsi' q'ueleyob. Tsi' tʌts'ʌyob i bʌ. Ñajt tsa' wa'leyob.

Chol de Tumbalá Bible

¹⁸ Pejtelel winicob x'ixicob tsi' q'ueleyob i xu'il chajc. Tomocña woli ti letsel i buts'il jini wits. Tsi' yubiyob i t'an chajc yic'ot i t'an trompeta. Tsiltsilñayob ti bʌq'uen che' bʌ tsi' q'ueleyob. Tsi' tʌts'ʌyob i bʌ. Ñajt tsa' wa'leyob.

Jiñi Tsiji' bʌ Wen T'añ cha'añ Estudio

¹⁸ Pejtelel wiñicob x'ixicob tsi' q'ueleyob i xu'il chajc yic'ot tomocña bʌ i buts'il jiñi wits yic'ot tsi' yu'biyob i t'añ trompeta yic'ot chajc. Che' bʌ tsi' q'ueleyob iliyi, jiñi wiñicob x'ixicob tsi' cha'leyob bʌq'uen yic'ot ñajt tsa' wa'leyob.

Exodo 20:18 Iomraidhean Croise

Genesis 15:17

Che' bʌ tsa' bʌjli q'uin, che' ac'ʌlelix, awilan, jump'ejl tic'ʌjib am bʌ i buts'il yic'ot xutunte' woli bʌ ti lejmel tsa' ñumi ti ojlil, ba' t'oxbil ti ojlil jini majtan tac.

Genesis 3:10

Tsi' yʌlʌ ili winic: Tsa cubi woliyet ti t'an ti pʌc'ʌbʌl. Tsac cha'le bʌq'uen come pits'ilon. Tsac mʌcʌ c bʌ, che'en ili winic.

Salmos 81:7

Jatet tsa' pejcayon che' woliyet ti wocol, tsa cʌc'ʌyet ti libre. Tsac jac'beyet ya' ti tocal ba' woli ti t'an chajc. Tsa quilʌbeyet a pusic'al ya' ti ja' i c'aba' Meriba.

Jeremias 23:23

Um ba' añon ti lʌc'ʌl, che'en lac Yum. ¿Mach ba ya'ic añon ja'el ti ñajtʌl?

Deuteronomio 18:16

Come tsa' la' sube Dios ya' ti Horeb ti jini q'uin che' bʌ tsa' la' tempa la' bʌ: “Mach comix c chʌn ubiben lojon i t'an lac Yum Dios. Mach comix c chʌn q'uel lojon jini c'ajc, ame chʌmicon lojon”, che'etla.

Deuteronomio 4:36

Ya' ti panchan tsi' pejcayetla. Tsa' c'ʌlʌ c'oti i t'an ba'añetla cha'an mi la' cʌntesʌntel. Tsi' pʌsbeyetla i yejtal i c'ʌc'al ila ti pañimil. Tsa' wubibe i t'an ti' yojlil jini c'ajc.

Deuteronomio 5:23

Tsa' la' wubi jini c'am bʌ t'an ya' baqui ic'ch'ipan. Tsa' la' q'uele woli ti lejmel jini c'ajc ya ti pam wits. Jini cha'an tsa' laj tiliyob ba' añon jini ñuctaco' bʌ i ye'tel.

Deuteronomio 5:25

Pero bʌbʌq'uen mi lac chʌmel che' mi' cha' pejcañonla. ¿Yom ba mi lac chʌmel? Come ili c'ajc mi caj i jisañonla.

Deuteronomio 5:5

Xinlʌpʌlon ti la' tojlel yic'ot ti' tojlel lac Yum, come jatetla tsa' la' bʌc'ña jini c'ajc. C bajñel tsa' letsiyon ti wits, ma'anic tsa' letsiyetla. Lac Yum tsi' pejcayon. Joñon tsac cha' subeyetla i t'an. Jiñʌch tsa' bʌ i yʌlʌ: