Exodo 20:17 - Chol: I T’an Dios

¹⁷ Mach a mulʌben i yotot a pi'ʌl, mi i yijñam mi i winic, mi i criada, mi i wacax, mi i burro, mi yambʌ chuqui tac an i cha'an. Che' tsi' yʌlʌ Dios.

Chol de Tumbalá Bible

¹⁷ Mach a mulʌben i yotot a pi'ʌl, mi i yijñam mi i winic, mi i criada, mi i wacax, mi i burro, mi yambʌ chuqui tac an i cha'an. Che' tsi' yʌlʌ Dios.

Jiñi Tsiji' bʌ Wen T'añ cha'añ Estudio

¹⁷ Mach a mulʌben i yotot a pi'ʌl, mi i yijñam, mi i wiñic, mi i criada, mi i tat wacax, mi i burro, mi yam bʌ chuqui tac añ i cha'añ.”

Exodo 20:17 Iomraidhean Croise

Genesis 14:23

Ma'anic chuqui mi caj c ch'ʌm ti a c'ʌb mi junt'ujmic puy, mi i ch'ajñal xʌñʌb, mi yan tac bʌ a cha'an ame a wʌl: “Tsa cʌq'ue i chubʌ'an Abram; jini cha'an wen chumul”, ame che'iquet, che'en.

Genesis 3:6

Tsi' q'uele jini x'ixic uts'at i wut jini te' cha'an mi' c'ux, i t'ojol jax. Tsi' q'uele an i c'ʌjñibal cha'an mi' yʌq'uen i ña'tʌbal. Tsi' tuc'u i wut. Tsi' c'uxu. Tsi' yʌq'ue i ñoxi'al. Tsi' c'uxu ja'el.

Genesis 34:23

¿Mach ba muq'uic i yochel i yʌlac' ba'an lac cha'an yic'ot i chubʌ'an yic'ot pejtel i yʌlac' yujil bʌ cuchijel? Cojach yom mi lac jac'ben i t'an. Che' jini mux i chumtʌlob la quic'ot, che'ob.

Job 31:1

Tsa'ix c mele trato yic'ot c wut cha'an mi caj j cʌntan c wut ti' tojlel xch'oc.

Job 31:9

Tsa'ic c pejca x'ixic, tsa'ic c chijta c pi'ʌlob ti xchumtʌl,

Salmos 10:3

Jini jontol bʌ mi' chañ'esan i bʌ che' an chuqui yom ti' pusic'al. Jini xujch' mi' cha'len p'ajoñel, mi' ts'a'len Dios.

Salmos 119:36

Yom ma' wʌc' c pusic'al ti jini tsa' bʌ a wʌlʌ, Ame mi cʌc' c pusic'al ti' mulʌntel taq'uin.

Proverbios 4:23

Cʌntan a pusic'al ti jump'ejl jach, come bajche' jach an lac pusic'al che'ʌch añonla.

Proverbios 6:29

Che' ja'el mux i toj i mul majqui jach mi' pi'len i yijñam yambʌ.

Eclesiastes 4:8

Wʌ'an winic am bʌ ti' bajñel. Ma'anic i pi'ʌlob, ma'anic i yalobil. Pero cabʌl mi' cha'len e'tel cha'an mi' tempan taq'uin. Mach jasʌlic mi' yubin. Che' chʌmenix, ¿majqui mi caj i ch'ʌm? ¿Chucoch wen p'ump'un mi' tic'lan i bʌ? Lolom jach jini.

Isaias 33:15

Lac Yum tsi' jac'ʌ: Jini mu' bʌ i mel chuqui uts'at, mu' bʌ i cha'len toj bʌ t'an, jini mach bʌ yujilic xujch', mach bʌ anic mi' ch'ʌm majtañʌl tac cha'an chuqui tac mi' mel, jini mach bʌ yomic i yubin leco bʌ t'an, jini mach bʌ anic mi' coltan stsʌnsa, jini mach bʌ anic mi' jac'ob i pʌyol ti mulil.

Isaias 57:17

Cha'an i wo'lel ti chubʌ'añʌl tsa' jumuc' mich'ayon. Tic mich'ajel tsac lowoyob. Tsac mʌybeyob c wut. Tsi' xoyoyob i bijlel. Tsi' meleyob chuqui tac jach yomob.

Jeremias 22:17

Pero mach lajaletic bajche' a tat. Pejtel chuqui tac ma' q'uel yic'ot pejtel chuqui tac ma' mulan ma' wersa ch'ʌm, anquese mach tojic bajche' ma' taj. Ma' wʌc' ti chʌmel jini mach bʌ anic i mul. Ma' tic'lan a pi'ʌlob. Ma' chilbeñob i chubʌ'an.

Jeremias 5:8

Lajalob bajche' tat caballo yom bʌ i ch'oclel che' mi' yujtel ti buc'bal. Jujuntiquil mi' sʌclan x'ixic am bʌ i ñoxi'al.

Ezequiel 33:31

Che' jini motocña mi' tilelob ti a tojlel. Mi' buchtʌlob cha'an mi' yubiñob a t'an, pero ma'anic mi' jac'ob. Mach yomobic i mel chuqui mic subeñob. “Uts'at i t'an”, lon che'ob, pero ti' pusic'alob woli jach i ña'tañob bajche' mi' tajob taq'uin.

Miqueas 2:2

Che' mi' mulañob lum, mi' cha'leñob lot yic'ot tic'laya cha'an mi' chilbeñob i lum i pi'ʌlob yic'ot pejtelel chuqui an i cha'añob.

Habacuc 2:9

Obol a bʌ cha'an tsa' p'ojlesa a chubʌ'an ti' caj a jontolil. Ma' lon ña'tan mi mejlel a puts'tan jini ñuc bʌ wocol mu' bʌ caj i tajet.

Mateo 20:15

¿Mach ba anic mi mejlel c cha'len chuqui jach com yic'ot c chubʌ'an? ¿Am ba i ts'i'lel la' wut cha'an chubʌ'añʌl come p'ewon?” che'en.

Mateo 5:28

Pero joñon mic subeñetla, majqui jach mi' q'uel x'ixic ti' colosojlel i pusic'al tsa'ix i cha'le ts'i'lel ti' pusic'al yic'ot.

Lucas 12:15

Tsi' subeyob: Chʌcʌ q'uele la' bʌ cha'an ma'anic chuqui tac mi la' tsʌjyun. Mach cuxulobic winicob cha'an ti cabʌl i chubʌ'an, che'en.

Lucas 16:14

Jini fariseojob ja'el mu' bʌ i mulañob taq'uin tsi' yubiyob pejtelel jini t'an. Tsa' caji i wajleñob.

Hechos 20:33

Ma'anic tsac mulʌbeyetla chuqui an la' cha'an, mi plata, mi oro, mi pisil.

Hechos 5:4

Che' bʌ maxto anic tsa' choño, ¿mach ba a cha'anic? Che' bʌ tsa'ix a choño, ¿mach ba a wentajic jini i tojol? ¿Chucoch tsa' tejchi lot ti a pusic'al? Ma'anic tsa' loti winicob, tsa' loti Dios, che'en.

Romanos 13:9

Come mi' yʌl jini mandar: “Mach a cha'len ts'i'lel, mach a cha'len tsʌnsa, mach a cha'len xujch', mach a tsʌjyun chubʌ'anʌl”, che'en. Jini mandar tac yic'ot pejtelel yan tac bʌ mandar mi' ts'ʌctiyel che' mi lac jac' ili jump'ejl mandar: “C'uxbin a pi'ʌlob che' bajche' ma' bajñel c'uxbin a bʌ”.

Romanos 7:7

¿Chuqui yom mi cʌl, che' jini? ¿Mulil ba jini mandar? Mach mulilic. Machic an mandar, ma'anic tsaj cʌñʌ mulil. Machic tsi' subu mandar: “Mach a tsʌjyuben i chubʌ'an a pi'ʌlob”, ma'anic tsac ña'ta mulilʌch che' bʌ tsac tsʌjyube i chubʌ'an c pi'ʌlob.

1 Corintios 6:10

Jini xchiloñelob, jini xchʌclelob, jini xyʌc'ajelob, jini xp'ajoñelob, jini xujch'ob ma'anic mi caj i yochelob ti' yumʌntel Dios.

Efesios 5:3

Mach yomic mi la' taj la' wixic. Mach la' cha'len chuqui bibi'. Mach la' tsʌjyun chubʌ'añʌl. Che' leco chuqui mi' yujtel ti la' tojlel, mach yomic mi la' chʌn al, come mach i t'ojolic ti' tojlel i cha'año' bʌ Dios.

Efesios 5:5

Come la' wujil ti isujm, ma'anic mi caj i yochel ti' yumʌntel Cristo yic'ot Dios jini mu' bʌ i cha'len ts'i'lel mi jini am bʌ i bibi'lel i pusic'al, mi jini tsʌytsʌyña bʌ i pusic'al cha'an chubʌ'añʌl. Come i tsʌytsʌyniyel lac pusic'al cha'an chubʌ'añʌl lajalʌch bajche' i c'uxbintel dioste'.

Deuteronomio 5:21

Mach a mulʌben i yijñam a pi'ʌl, mi i yototic, mi i lumic, mi i winiquic, mi i criadajic, mi i wacaxic, mi i burrojic. Pejtelel chuqui an i cha'an, mach yomic ma' mulʌben”.

Deuteronomio 7:25

Yom mi la' laj pulbeñob i diosob. Mach mi la' mulʌbeñob i plata, mi oro cha'an mi la' ch'ʌmben, ame chujquiquetla che' bajche' ti yac. Ts'a'lebil cha'an lac Yum Dios jini melbil tac bʌ dios.

Filipenses 3:19

Mi caj i jisʌntelob come woli' diosiñob chuqui yom i bʌc'tal. Mi' lon q'uelob i bʌ ti ñuc cha'an i melbalob anquese quisintic. Mi' yʌc'ob ti' pusic'al chuqui jach an ti pañimil.

Colosenses 3:5

Jini cha'an ti junyajlel chocola pejtelel i cha'an bʌ pañimil am bʌ ti la' pusic'al: la' ts'i'lel, la' bibi'lel, la' jontolil, i colosojlel la' pusic'al, yic'ot i ts'i'lel la' wut, come lajal i ts'i'lel lac wut bajche' i ch'ujutesʌntel dioste'.

Hebreos 13:5

Mach mi la' tsʌjyun taq'uin. Yom tijicña mi la' wajñel yic'ot chuqui tac an la' cha'an. Come Dios tsi' yʌlʌ: “Ma'anic mi caj a cʌytʌl ti meba'. Ma'anic mi caj j cʌyet”, che'en.

Josue 7:21

Ya' ti Jericó tsaj q'uele pisil wen letsem bʌ i tojol, ch'oyol bʌ ti Babilonia, yic'ot lujump'ejl kilo plata bʌ taq'uin, yic'ot jump'ejl jʌlʌl bʌ oro, ñumen ti ojlil kilo. Tsac mula. Tsac ch'ʌmʌ. Ya'ʌch mucbil c cha'an ti mal lum ya' ti mal jini pisil bʌ cotot, che'en.

1 Samuel 12:3

Wʌ'ix añon wʌle. Yomix mi la' sub ti' tojlel lac Yum, yic'ot ti' tojlel jini yajcʌbil bʌ rey, mi an chuqui leco tsac melbeyetla. Subula mi an juntiquil tsa' bʌ c tic'la, mi tsac ch'ʌmʌ la' wacax, mi la' burro, mi mach tojic tsac meleyetla, mi tsac ch'ʌmʌ c majtan cha'an mij coltan jini am bʌ i mul. Subuxla wʌle. Che' tsi' yʌlʌ Samuel.

1 Samuel 15:19

¿Chucoch ma'anic tsa' jac'be i t'an lac Yum? Tsa' loto jini chubʌ'añʌl. Che' jini tsa'ix a cha'le ñuc bʌ mulil ti' contra lac Yum, che'en.