Exodo 2:20 - Chol: I T’an Dios

²⁰ Reuel tsi' sube i yalobilob: ¿Bacan jini winic? ¿Chucoch tsa' la' cʌyʌ? Pʌyʌla tilel cha'an mi' c'ux waj, che'en.

Chol de Tumbalá Bible

²⁰ Reuel tsi' sube i yalobilob: ¿Bacan jini winic? ¿Chucoch tsa' la' cʌyʌ? Pʌyʌla tilel cha'an mi' c'ux waj, che'en.

Jiñi Tsiji' bʌ Wen T'añ cha'añ Estudio

²⁰ Reuel tsi' c'ajtibe i yalobilob: —¿Baqui añ? ¿Chucoch tsa' la' wʌc'ʌ ti majlel jiñi wiñic? Pʌyʌla tilel cha'añ mi' c'ux waj.

Exodo 2:20 Iomraidhean Croise

Genesis 18:5

La' c ch'ʌm tilel ts'ita' waj, cha'an mi la' cha' p'ʌt'an. Ti wi'il mi mejlel la' cha' majlel. Jini cha'an tsa' juliyetla wʌ' ba'an la' winic. Che' tsi' yʌlʌ Abraham. Tsi' yʌlʌyob: Mele che' bajche' tsa' wʌlʌ, che'ob.

Genesis 29:13

Che' bʌ tsi' yubi Labán ya'an Jacob i yalobil i yijts'in, ti ajñel tsa' majli i taje'. Tsi' meq'ue. Tsi' ts'ujts'u. Tsi' pʌyʌ majlel ti' yotot. Jacob tsi' laj sube Labán chuqui tsa' ujti ti bij.

Genesis 31:54

Jacob tsi' tsʌnsʌbe i majtan Dios ya' ti wits. Tsi' pʌyʌ i pi'ʌlob ti we'el. Tsi' c'uxuyob waj. Jump'ejl ac'ʌlel tsa' jaleyob ti wits.

Genesis 43:25

I pi'ʌlob José tsi' chajpʌbeyob i majtan, come tal che' ti xinq'uiñil, come tsi' yubiyob pʌybilob tilel ti c'ux waj yic'ot.

Job 31:32

Ma'anic tsaj cʌyʌ ti bij jini ñajt bʌ ch'oyolob. Tsac jambeyob i ti' cotot. Tsac pʌyʌyob ochel.

Job 42:11

Pejtel i yalobilob i tat yic'ot i cʌñʌyo' bʌ tsa' bʌ i pi'leyob ti yambʌ ora tsa' tiliyob ti' yotot Job. Tsi' c'uxuyob waj yic'ot. Tsi' pejcayob ti uts bʌ t'an cha'an mi' ñuq'uesʌbeñob i pusic'al, cha'an tsi' ñusa pejtel jini wocol tsa' bʌ i chocbe tilel lac Yum. Ti jujuntiquil tsi' yʌq'ueyob jujunq'uel taq'uin yic'ot jujunxojt mʌtc'ʌbʌl ti' majtan jach.

Exodo 2:19

Tsi' jac'ʌyob: Juntiquil winic ch'oyol bʌ ti Egipto tsi' coltayon lojon. Jini cha'an ma'anic tsi' mʌctayonla jini xcʌnta tiñʌme'ob. Jini winic tsi' luchbeyon lojon ja'. Tsi' yʌq'ue i jap la cʌlac', che'ob.

Exodo 2:21

Moisés tsi' jac'ʌ majlel ya' ti' yotot Reuel. Ya'ix tsa' cʌle. Jini winic tsi' yʌq'ue Moisés xch'oc bʌ i yalobil i c'aba' Séfora cha'an i yijñam.

1 Timoteo 5:10

Yom mi' tsictiyel ti' tojlel i pi'ʌlob mi an wen bʌ i melbal, mi tsi' cosa i yalobilob, mi tsi' cha'le p'untaya, mi tsi' pocbeyob i yoc i cha'año' bʌ Dios, mi tsi' colta jini tsa' bʌ i tajayob wocol, mi tsi' yʌc'ʌ i bʌ ti pejtelel wen bʌ i melbal.

Hebreos 13:2

Mach ñajʌyic ti la' pusic'al la' p'untan jini xñumelob mach bʌ cʌñʌlobic la' cha'an. An i tajol tsi' mʌc'layob ángelob lac tatob che' mach cʌmbilobic i cha'añob.