Exodo 2:16 - Chol: I T’an Dios

¹⁶ Ya' tsa' buchle ti' ti' pozo. An wuctiquil xch'oc bʌ i yalobilob jini motomaj ti Madián. Tsa' tiliyob ti luch ja' jini xch'ocob. Tsi' but'uyob i yajnib ja' cha'an mi' japob jini tiñʌme' i cha'an i tat.

Chol de Tumbalá Bible

¹⁶ Ya' tsa' buchle ti' ti' pozo. An wuctiquil xch'oc bʌ i yalobilob jini motomaj ti Madián. Tsa' tiliyob ti luch ja' jini xch'ocob. Tsi' but'uyob i yajñib ja' cha'an mi' japob jini tiñʌme' i cha'an i tat.

Jiñi Tsiji' bʌ Wen T'añ cha'añ Estudio

¹⁶ Añ wuctiquil xch'oc bʌ i yalobilob jiñi motomaj ti Madián, tsa' tiliyob ti luch ja' jiñi xch'octacob, tsi' but'uyob i yajñib ja' cha'añ mi' yʌq'ueñ i jap i tʌñʌme' i tat.

Exodo 2:16 Iomraidhean Croise

Genesis 14:18

Melquisedec, jini rey ti Salem, tsi' yʌq'ue waj yic'ot vino. I motomajʌch jini C'ax Ñuc bʌ Dios.

Genesis 24:11

Tsi' yʌc'ʌ ti pʌctʌl i camello ti' ti' jini tejclum ya' ba'an jump'ejl pozo am bʌ i yʌbʌnlel. Och'ajelix q'uin. I yorajlelix che' mi' tilelob ti luch ja' x'ixicob.

Genesis 24:13

Awilan, wa'alon ti' t'ejl ts'ajquibil bʌ ja'. Talob ti luch ja' xch'ocob chumulo' bʌ ti tejclum.

Genesis 29:2

Tsi' can q'uele pañimil. Tsi' q'uele ya'an pozo ti jamil. Ya' pʌcʌlob uxmojt tiñʌme' ti' t'ejl pozo ba' mi' luchob ja' winicob cha'an mi' yʌq'ueñob i jap tiñʌme'. Wen ñuc jini xajlel am bʌ ti' ti' jini pozo.

Genesis 41:45

Faraón tsi' yotsʌbe yambʌ i c'aba' José am bʌ i sujmlel, “an i p'ʌtʌlel cha'an mi' yʌq'ueñonla laj cuxtʌlel”. Tsi' yʌq'ue i yijñam José, i c'aba' Asenat. Asenat i yalobilʌch Potifera. Potifera jiñʌch motomaj ya' ti On. Tsa' caji ti ñumel José ti pejtelel i lumal egiptojob.

Exodo 18:1

Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Exodo 18:12

Jetro i nij'al Moisés tsi' yʌq'ue Dios pulbil bʌ yic'ot tsʌnsʌbil bʌ i majtan. Tsa' tili Aarón yic'ot pejtelel xñoxob año' bʌ ti Israel ba'an i nij'al Moisés cha'an temel mi' c'uxob waj ti' tojlel Dios.

Exodo 3:1

Moisés tsa' caji' cʌntʌben i yʌlac' i nij'al i c'aba' Jetro. Jiñʌch motomaj am bʌ ti Madián. Tsi' pʌyʌ majlel jini tiñʌme' ba'an colem bʌ i tiquiñal pañimil ya' ba' mi' bʌjlel q'uin. Tsa' c'oti ya' ti Horeb jini wits yajcʌbil bʌ i cha'an Dios.

1 Samuel 9:11

Che' bʌ woli' letselob majlel ya' ti' witslel tejclum, tsi' tajayob xch'ocob woli bʌ i tilelob ti luch ja'. Saúl tsi' c'ajtibeyob: ¿Wʌ' ba an jini am bʌ i ña'tʌbal? che'en.