Exodo 19:9 - Chol: I T’an Dios

⁹ Lac Yum tsi' sube: Awilan, talon ba' añet ti i'ic' bʌ tocal, cha'an mi' yubiñob jini israelob che' mic pejcañet, cha'an mi' q'ueletob ti ñuc ti pejtelel ora.

Chol de Tumbalá Bible

⁹ Lac Yum tsi' sube: Awilan, talon ba' añet ti i'ic' bʌ tocal, cha'an mi' yubiñob jini israelob che' mic pejcañet, cha'an mi' q'ueletob ti ñuc ti pejtelel ora.

Jiñi Tsiji' bʌ Wen T'añ cha'añ Estudio

⁹ Lac Yum tsi' su'be: —Talon ba'añet ti pim bʌ tocal, cha'añ mi' yu'biñob jiñi israelob che' mic pejcañet, cha'añ mi' q'ueletob ti ñuc ti pejtelel ora. Moisés tsi' su'be Dios i t'añ jiñi israelob.

Exodo 19:9 Iomraidhean Croise

1 Reyob 8:12

Salomón tsi' cha'le oración: C Yum, a melbalʌch jini q'uin ti panchan, pero tsa' wʌlʌ jiñʌch a wajñib jini pim bʌ tocal. C Yum, tsa'ix c wa'chocobeyet wen uts'atax bʌ a wotot, a wajñib ba' mi mejlel a chumtʌl ti pejtelel ora. Che' tsi' cha'le oración Salomón.

2 Cronicas 20:20

Che' ti sʌc'ajel tsa' loq'uiyob majlel. Tsa' c'otiyob ti colem bʌ i tiquiñal lum i c'aba' Tecoa. Che' woli' loq'uelob majlel, Josafat tsa' wa' cʌle. Tsi' yʌlʌ: Ñich'tanla winicob chumulet bʌ la ti Jerusalén yic'ot ti Judá. Xuc'chocon la' pusic'al ti' tojlel lac Yum Dios. Che' jini mi caj la' coltʌntel, che'en.

2 Cronicas 6:1

Salomón tsa' caji i pejcan lac Yum ti oración. Tsi' yʌlʌ: C Yum, tsa' wʌlʌ ya' chumulet ba' i'ic' pañimil.

Salmos 97:2

Ti' joytilel lac Yum an tocal yic'ot ic'yoch'an bʌ pañimil. Xuc'ul mi' yajñel ti' buchlib cha'an yujil meloñel ti isujm. Toj mi' mel i ye'tel.

Salmos 99:7

Ya' ti wa'al bʌ tocal tsi' cʌntesayob. Tsi' jac'beyob i t'an yic'ot jini mandar tsa' bʌ i yʌq'ueyob.

Exodo 14:31

Che' bʌ tsi' q'ueleyob jini ñuc bʌ i melbal Dios ti' tojlelob, tsi' ch'ujtesayob lac Yum. Tsi' ñopoyob lac Yum. Tsi' ñopoyob i winicʌch lac Yum jini Moisés.

Exodo 19:16

Che' ti sʌc'ajel ti' yuxp'ejlel q'uin tsa' caji ti tojmel tac chajc. An i xu'il tac chajc yic'ot i'ic' bʌ tocal ya' ti wits, yic'ot c'am bʌ i t'an trompeta. Tsiltsilñayob ti bʌq'uen pejtelel winicob x'ixicob ya' ti xchumtʌl.

Exodo 20:21

Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Exodo 34:5

Lac Yum tsa' jubi tilel ti Tocal. Tsa' ajni ya'i yic'ot Moisés. Lac Yum tsi' yʌlʌ: Joñon Diosoñʌch, Yumʌloñʌch mu' bʌ c cha'len p'untaya, che'en.

Exodo 4:31

Jini ñoxo' bʌ tsi' ñopoyob che' bʌ tsi' yubiyob mux caj i coltañob lac Yum come q'uelel i cha'an pejtel i wocol jini israelob. Tsi' lijiyob i bʌ cha'an mi' ch'ujutesañob Dios.

Exodo 4:5

Lac Yum tsi' yʌlʌ: Che' jini mi caj i ña'tañob tsac pʌsʌ c bʌ ba' añet. A Yumon, i Dioson a tatob, Abraham yic'ot Isaac yic'ot Jacob, che'en.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Isaias 7:9

Jini colem tejclum ti Efraín ba' mi' cha'len yumʌl Peka jiñʌch Samaria. Ya' jach jaxʌl i yumʌntel. Ma'anic mi caj i ñuc'an. Mi mach xuc'ulic a pusic'al tic t'an, mach xuc'ulic mi caj a wajñel”. Che'ʌch yom ma' suben Acaz, che'en lac Yum.

Numeros 12:5

Lac Yum tsa' jubi tilel ti Tocal. Tsa' wa'le ti' ti' Tabernáculo. Tsi' pʌyʌ Aarón yic'ot Miriam. Tsi' lʌc'tesayob i bʌ ti' cha'ticlel.

Mateo 17:5

Che' woli to ti t'an, awilan, tsi' mosoyob wen sʌsʌc bʌ tocal. Tsa' loq'ui t'an ti tocal. Tsi' yʌlʌ: Jiñʌch Calobil mu' bʌ j c'uxbin. Tijicña c pusic'al mij q'uel. Ubinla i t'an, che'en.

Marcos 9:7

Tsa' tili tocal. Tsi' mosoyob. Tsa' tili t'an ti tocal. Tsi' yʌlʌ: Jiñʌch calobil, c'ux bʌ mi cubin. Ñich'tanla, che'en.

Lucas 10:16

Jini c'ux bʌ mi yubiñetla c'ux mi' yubiñon. Jini mu' bʌ i ts'a'leñetla, mi' ts'a'leñon. Jini mu' bʌ i ts'a'leñon mi' ts'a'len jini tsa' bʌ i chocoyon tilel. Che' tsi' yʌlʌ Jesús.

Deuteronomio 4:10

Mach yomic mi' ñajʌyel la' cha'an jini q'uin che' wa'aletla ti' tojlel la' Yum Dios ya' ti Horeb. Lac Yum tsi' subeyon: Tempʌbeñon jini winicob cha'an mi yubiñob c t'an. Wersa mi caj i ñopob i bʌc'ñañon ti pejtelel ora che' wʌ'to añob ti pañimil. Che'ʌch yom mi' cʌntesañob i yalobilob ja'el, che'en lac Yum.

Deuteronomio 4:36

Ya' ti panchan tsi' pejcayetla. Tsa' c'ʌlʌ c'oti i t'an ba'añetla cha'an mi la' cʌntesʌntel. Tsi' pʌsbeyetla i yejtal i c'ʌc'al ila ti pañimil. Tsa' wubibe i t'an ti' yojlil jini c'ajc.

Apocalipsis 1:7

Awilan, tal ti tocal. Pejtelel winicob yic'ot jini tsa' bʌ i jeq'ueyob mi caj i q'uelob. Mi' cajelob ti cabʌl uq'uel jujunchajp winicob x'ixicob ti pañimil che' mi' tilel Cristo. Che'ʌch yom. Amén.