Exodo 19:6 - Chol: I T’an Dios

⁶ Mi caj la' wochel ti motomaj yic'ot ti ch'ujul. Mi caj la' yumʌntel”. Jiñʌch mu' bʌ caj a cha' subeñob israelob, che'en lac Yum.

Chol de Tumbalá Bible

⁶ Mi caj la' wochel ti motomaj yic'ot ti ch'ujul. Mi caj la' yumʌntel”. Jiñʌch mu' bʌ caj a cha' subeñob israelob, che'en lac Yum.

Jiñi Tsiji' bʌ Wen T'añ cha'añ Estudio

⁶ Jatetla mi caj la' wochel ti motomaj cha'añ mi la' cha'len yumʌntel yic'ot mi caj la' wajñel ti ch'ujul.” Jiñʌch jiñi t'añ mu' bʌ caj a su'beñob israelob.

Exodo 19:6 Iomraidhean Croise

1 Reyob 3:8

Wʌ' añon ti' tojlel a cha'año' bʌ yajcʌbilo' bʌ a cha'an. Wen cabʌlob. Mach mejlicob ti tsijquel cha'an cabʌlob.

1 Reyob 8:53

Come tsa' yajcayob ti' tojlel pejtel winicob, c Yum Dios, cha'an a cha'añʌch mi' yajñelob che' bajche' tsa' sube Moisés che' bʌ tsa' loc'sa c ñojte'el lojon ti Egipto.

1 Cronicas 17:22

Jatet tsa' wa'choco a tejclum Israel cha'an mi' yochel ti a tejclum ti pejtelel ora. Jatet c Yum tsa'ix ochiyet ti' Dios.

Salmos 114:2

Judá tsa' ochi ti' tejclum Dios. Ya' tsi' cha'le i yumʌntel Dios.

Exodo 15:26

Tsi' yʌlʌ: Mi xuc'ul mi la' jac'beñon c t'an cha'an mi la' wen mel chuqui uts'at, ma'anic mi caj cʌq'ueñetla jini c'amʌjel tac tsa' bʌ cʌq'ueyob egiptojob. Yom mi la' wen jac'beñon c mandar yic'ot pejtel j cʌntesʌbal, come joñon Yumʌlon mu' bʌ c lajmesañetla. Che' tsi' yʌlʌ lac Yum.

Exodo 22:31

Yom mi la' wajñel ti ch'ujul. Mi tsi' c'uxu a wʌlac' jini bʌte'el mach mi la' c'ux i colojbal i we'el che' mi la' taj ti jamil. Yom mi la' chocben ts'i'.

Exodo 28:36

Yom mi la' mel junq'uejl alʌ tsucu taq'uin melbil bʌ ti oro cha'an ma' ts'ijban ya'i: “Ch'ujul cha'an lac Yum”, che'en.

Isaias 43:4

Come c'uxbibiletla c cha'an, jini cha'an tsa cʌc'ʌyob ti chʌmel yaño' bʌ ti a q'uexol, come uts'atax mij q'uelet. Ñuquet tic wut.

Isaias 61:6

Jixcu jatetla mi caj la' pejcʌntel ti “motomajob i cha'an lac Yum” yic'ot “x'e'telob i cha'an Dios”. Jini wen chumulo' bʌ ti yan tac bʌ lum mi caj i yʌq'ueñet la' majtan. Mi caj i wen p'ojlel la' chubʌ'an. Wen ñuc mi caj la' q'uejlel.

Isaias 62:12

Mi caj i pejcʌntelob jini israelob ti Chujul bʌ Tejclum, yic'ot Coltʌbilo' bʌ i cha'an i Yum. Jixcu Jerusalén, mi caj i yotsʌbentel i c'aba' ti Sʌclʌbil bʌ Tejclum, yic'ot Tejclum mach bʌ Cʌybilic. Che' tsi' yʌlʌ lac Yum.

Isaias 66:21

Mi caj cotsan lamital ti motomajob yic'ot ti levíjob, che'en lac Yum.

Jeremias 13:11

Che' bajche' tsi' toyoyet jini cajchiñʌc', che'ʌch ja'el tsi' toyoyon Israel yic'ot Judá come c cha'añobʌch ili winicob. Tsa' cʌlʌ mux caj i q'ueloñob ti ñuc ti' tojlel pejtel tejclum tac. Pero ma'anic tsi' jac'ʌyob.

Jeremias 2:3

Che' jini ch'ujulob israelob tic wut che' bajche' jini ñaxan bʌ i wut pac'. Pejtel tsa' bʌ i jisayob c winicob tsi' tojoyob i mul. Tsa' tili ñuc bʌ wocol ti' tojlelob”, che'en lac Yum.

Jeremias 7:23

Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Levitico 20:26

Yom ch'ujul mi la' wajñel tic tojlel, come joñon la' Yumon, ch'ujulon. Ma'anic tsac yajca yambʌ winicob x'ixicob. Tsac yajcayetla cha'an mi la' wochel tic cha'an bʌ.

Levitico 21:23

Pero tic'bil mi yochel ya' ti junwejlel tsalʌl bʌ pisil yic'ot ya' ba'an pulʌntib. Ti' caj cha'an mach c'oq'uic jini winic, mach mejlic ti ochel ame i bib'esan jini Ch'ujul bʌ Cajñib, come joñon i Yumon mu' bʌ c sʌq'uesañob, che'en lac Yum.

Amos 3:2

Jatet jach j cʌñʌyetla ti' tojlel pejtel tejclum tac ti pañimil. Jini cha'an mi caj c ju'sʌbeñetla la' pusic'al cha'an pejtelel la' jontolil.

Hageo 2:5

che' bajche' tsa' cʌq'ueyetla c t'an che' bʌ tsac pʌyʌyetla loq'uel ti Egipto, che'en i Yum Panchan yic'ot Pañimil. Jini quEspíritu mi' yajñel ti la' tojlel. Mach la' cha'len bʌq'uen.

Numeros 16:3

Che' jini tsa' majliyob i pejcan Moisés yic'ot Aarón: Jasʌlix chuqui woli la' mel, che'ob. Come laj ch'ujulonla ti Israel. Junlajalonla. Baqui jach añonla ya'an lac Yum la quic'ot. ¿Chucoch mi la' chʌn otsan la' bʌ ti yumʌl ti' tojlel i cha'año' bʌ lac Yum cha'an mic yumañet lojon? che'ob.

Romanos 12:1

Jini cha'an hermanojob, a wocolic mic subeñetla cha'an tsi' p'untayetla Dios, aq'uenla Dios la' bʌc'tal che' bajche' tsʌnsʌbil bʌ i majtan Dios anquese cuxulet to la. Jiñʌch ch'ujul bʌ i majtan Dios, uts'at bʌ mi' q'uel. Jiñʌch i ch'ujutesʌntel Dios ti isujm.

1 Corintios 3:17

Mi an majch mi' jisʌben i templo Dios, Dios mi caj i jisan jini winic, come ch'ujul i Templo Dios. Jatetla i templojetla.

Deuteronomio 14:21

Mach yomic mi la' c'ux jini chʌmen bʌ alʌc'ʌl mi bʌte'el. Mi mejlel la' wʌq'uen jini winicob parte bʌ i lumal chumulo' bʌ ti la' lum. Jini mi mejlel i c'uxob, che' ja'el mi mejlel la' chombeñob. Partejetla, ch'ujul bʌ i tejclumetla lac Yum Dios. Mach yomic mi la' ch'ʌx jini alʌ chivo ti' ya'lel i chu' i ña'.

Deuteronomio 26:19

Che' jini mi caj i ñumen aq'uetla ti ñuc cha'an ñumen mi la' taj la' c'uxbintel yic'ot la' wenlel ti' tojlel yambʌ tejclum tac. Mi caj la' wochel ti ch'ujul bʌ i tejclum lac Yum Dios che' bajche' tsi' yʌlʌ.

Deuteronomio 28:9

Lac Yum mi caj i wa'chocoñet ti ch'ujul bʌ i tejclumet che' bajche' tsi' wʌn alʌ, mi ts'ʌcʌl ma' jac'ben i mandar lac Yum Dios cha'an ma' cha'len xʌmbal ti' bijlel.

Deuteronomio 7:6

Jatetla ch'ujul bʌ tejclumetla i cha'an lac Yum Dios. Come lac Yum Dios tsa'ix i yajcayetla ti' tojlel pejtel winicob ti pejtelel lum cha'an mi' yotsañetla ti' cha'an bʌ c'uxbibil bʌ i cha'an.

1 Tesalonicenses 5:27

Mic xic'beñetla ti lac Yum cha'an mi la' pejcʌbeñob ili jun pejtelel hermanojob i cha'año' bʌ Dios.

1 Pedro 2:5

Jatetla ja'el lajaletla bajche' cuxul bʌ xajlel. Woli la' wa'chocontel ti' yotot Dios. Yom ch'ujul bʌ motomajetla i cha'an Jesucristo cha'an mi la' wʌq'uen ch'ujul bʌ i majtan Dios mu' bʌ i mulan.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

Apocalipsis 1:6

Tsi' yotsayonla ti rey yic'ot ti motomaj ti' tojlel Dios i Tat. La' aq'uentic Jesucristo i ñuclel yic'ot i p'ʌtʌlel ti pejtelel ora. Amén.

Apocalipsis 20:6

Tijicñayob mu' bʌ i tejchelob ch'ojyel ti ñaxan. Ch'ujulob. Ma'anic mi caj i chʌmelob ti' cha'yajlel. Mi caj i yochelob ti motomaj ti' tojlel Dios yic'ot ti' tojlel Cristo. Mi caj i tem cha'leñob yumʌl yic'ot Cristo lujunc'al i yuxbajc' jab.

Apocalipsis 5:10

Tsa' wotsayon lojon ti rey yic'ot ti motomaj ti' tojlel Dios. Mi caj c cha'len lojon yumʌl ti pañimil, che'ob.