Exodo 19:5 - Chol: I T’an Dios

⁵ Mi xuc'ul mi la ñich'tʌbeñon c t'an, mi uts'at mi la' jac' jini xuc'ul bʌ c t'an, mi caj la' wochel tic cha'an ti' tojlel pejtelel colem tejclum tac, come c cha'añʌch pejtelel pañimil.

Chol de Tumbalá Bible

⁵ Mi xuc'ul mi la ñich'tʌbeñon c t'an, mi uts'at mi la' jac' jini xuc'ul bʌ c t'an, mi caj la' wochel tic cha'an ti' tojlel pejtelel colem tejclum tac, come c cha'añʌch pejtelel pañimil.

Jiñi Tsiji' bʌ Wen T'añ cha'añ Estudio

⁵ Jiñi cha'añ, mi xuc'ul mi la' ñʌch'tʌbeñob c t'añ, mi uts'at mi la' jac' jiñi xuc'ul bʌ c t'añ, mi caj la' wochel tic cha'añ ti' tojlel pejtelel tejclum tac, come c cha'añʌch pejtelel pañimil.

Exodo 19:5 Iomraidhean Croise

Genesis 17:9

Dios tsi' cha' sube Abraham: An ti a wenta cha'an mi la' jac' jini xuc'ul bʌ c t'an jatet yic'ot a p'olbal ti pejtelel ora.

1 Reyob 8:53

Come tsa' yajcayob ti' tojlel pejtel winicob, c Yum Dios, cha'an a cha'añʌch mi' yajñelob che' bajche' tsa' sube Moisés che' bʌ tsa' loc'sa c ñojte'el lojon ti Egipto.

1 Cronicas 17:22

Jatet tsa' wa'choco a tejclum Israel cha'an mi' yochel ti a tejclum ti pejtelel ora. Jatet c Yum tsa'ix ochiyet ti' Dios.

Job 41:11

¿Am ba ba' tsajniyon ti c'ajtiya? ¿Am ba chuqui tsac majña mu' bʌ caj c cha' sutq'uin? Pejtel chuqui an ti yebal panchan c cha'añʌch.

Job 41:3

¿Mu' ba i c'ajtibeñet ti wocol t'an cha'an ma' p'untan? ¿Mu' ba i pejcañet ti uts bʌ t'an?

Salmos 135:4

Come lac Yum tsi' yajca Jacob cha'an che' yom i pusic'al, Tsi' yajca israelob cha'an mi' yochelob ti' cha'an bʌ.

Salmos 24:1

Jini pañimil i cha'añʌch lac Yum yic'ot pejtel i bʌl, yic'ot pejtel jini chumulo' bʌ ti pañimil.

Salmos 25:10

An i c'uxbiya lac Yum, an i sujmlel. Mi' yʌq'ueñob i cʌn mu' bʌ i jac'beñob i t'an.

Exodo 15:26

Tsi' yʌlʌ: Mi xuc'ul mi la' jac'beñon c t'an cha'an mi la' wen mel chuqui uts'at, ma'anic mi caj cʌq'ueñetla jini c'amʌjel tac tsa' bʌ cʌq'ueyob egiptojob. Yom mi la' wen jac'beñon c mandar yic'ot pejtel j cʌntesʌbal, come joñon Yumʌlon mu' bʌ c lajmesañetla. Che' tsi' yʌlʌ lac Yum.

Exodo 23:22

Mi uts'at mi la' jac'ben i t'an, cha'an mi la' mel che' bajche' tsi' subeyetla, mi caj j contrajin la' contrajob. Mi caj c tic'lan jini mu' bʌ i tic'lañetla.

Exodo 24:7

Tsi' ch'ʌmʌ jini jun cha'an xuc'ul bʌ t'an. C'am tsi' pejca ti' tojlel winicob x'ixicob. Tsi' jac'ʌyob: Mi caj c mel lojon ti pejtelel che' bajche' tsi' yʌlʌ lac Yum, che'ob.

Exodo 34:9

Tsi' yʌlʌ Moisés: Mi tsa'ix c taja i yutslel a pusic'al, c Yum, yom ma' majlel tic tojlel lojon, come wen tsʌtsob i pusic'al jini tejclum. Ñusʌbeñon lojon contolil yic'ot pejtelel c mul lojon. Ch'ʌmʌyon lojon che' bajche' a cha'an bʌ, che'en.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Exodo 8:22

Ti jim bʌ ora ma'anic mi caj i tic'lʌntelob c cha'año' bʌ chumulo' bʌ ti' lumal Gosén. Ma'anic mi caj i yajñel jaj ya'i. Che' jini mi caj a ña'tan joñon Yumʌlon ti pañimil.

Exodo 9:29

Moisés tsi' sube: Che' mic loq'uel ti tejclum, mi caj c sʌts' j c'ʌb ba'an lac Yum. Mi caj i lajmel i t'an chajc yic'ot tuñija' cha'an ma' ña'tan i cha'añʌch lac Yum jini pañimil.

Cantares 8:12

Pero mi caj c junyajlel aq'uen c ts'usubil Salomón ti chejachi. La' i lot jini mil peso c cha'an bʌ. Mi caj cʌq'uen ja'el lujunc'al peso jini mu' bʌ i cʌntañob.

Isaias 1:19

Mi la' wom la' wʌq'ueñon la' pusic'al cha'an mi la' jac'beñon c t'an, mi caj la c'ux jini c'ax sumuc bʌ pʌc'ʌbʌl.

Isaias 41:8

Ubin, Israel, c winiquet. Ubin, Jacob. Tsac yajcayet ti oñiyi. I p'olbalet Abraham, jini wen cʌñʌ bʌ c cha'an.

Isaias 43:1

Pero wʌle woli' yʌl lac Yum tsa' bʌ i mele Jacob: Mach a cha'len bʌq'uen Israel, come joñon tsac mʌñʌyet. Tsa cotsʌbeyet a c'aba'. C cha'añet.

Isaias 56:4

Jini winic mu' bʌ i p'is ti' wenta i q'uiñilel c'aj o, mu' bʌ i mel jini com bʌ, mi xuc'ul mi' yajñel ti trato bʌ c t'an,

Jeremias 10:16

Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Jeremias 13:11

Che' bajche' tsi' toyoyet jini cajchiñʌc', che'ʌch ja'el tsi' toyoyon Israel yic'ot Judá come c cha'añobʌch ili winicob. Tsa' cʌlʌ mux caj i q'ueloñob ti ñuc ti' tojlel pejtel tejclum tac. Pero ma'anic tsi' jac'ʌyob.

Jeremias 7:23

Jump'ejl jach mandar tsa cʌq'ueyob: “Jac'ʌla c t'an. Che' jini la' Dioson, c winiquetla. Cha'lenla xʌmbal che' bajche' mic subeñetla cha'an tijicñayetla”, cho'on tsac subeyob.

Ezequiel 16:8

Che' bʌ tsa' cha' ñumiyon ti a t'ejl, tsaj q'uele x'ixiquetix cajel. Che' jini tsac pʌyʌyet. Tsac bʌc'ʌyet tic pislel. Tsa cʌq'ueyet a pislel cha'an ma' lʌp. Tsac pejcayet, tsa' ochiyonla ti trato. Che' jini tsa' ochiyet tic cha'an.

Levitico 20:24

Tsa'ix c subeyetla cha'an mi la' ch'ʌmbeñob i lum. Tsa'ix cʌq'ueyetla jini wen bʌ lum ba' mi' colel ti uts'at pejtelel pʌc'ʌbʌl. Joñoñʌch la' Yumon la' Dioson tsa' bʌ c yajcayetla. Ma'anic tsac yajca yambʌ winicob x'ixicob.

Amos 3:2

Jatet jach j cʌñʌyetla ti' tojlel pejtel tejclum tac ti pañimil. Jini cha'an mi caj c ju'sʌbeñetla la' pusic'al cha'an pejtelel la' jontolil.

Amos 6:1

Mi caj i yubiñob wocol jini wen chumulo' bʌ ti Jerusalén yic'ot ti Samaria, yic'ot jini ñuco' bʌ año' bʌ i ye'tel ti' tojlel israelob.

Malaquias 3:17

C cha'añobʌch ba' ora mic tempañob tilel tic tojlel che' bajche' i t'ojol jax bʌ ujʌl, che'en i Yum Panchan yic'ot Pañimil. Mi caj c ñusʌbeñob i mul che' bajche' winicob mi' ñusʌbeñob i mul i yalobil mu' bʌ i jac'ben i t'an.

1 Corintios 10:26

Come i cha'an lac Yum jini lum yic'ot pejtelel i bʌl.

1 Corintios 10:28

Mi an majch mi' subeñetla: Tsa'ix aq'uenti dioste' tac, mi che'en, mach mi la' c'ux ame tejchic t'an ti' pusic'al jini tsa' bʌ i subeyetla,

Deuteronomio 10:14

Come laj i cha'añʌch lac Yum Dios jini panchan c'ʌlʌl ti' chanlel yic'ot pejtelel chuqui an ti pañimil yic'ot pejtelel mu' bʌ laj q'uel.

Deuteronomio 11:27

An la' bendición tilem bʌ ti Dios mi tsa' la' chʌn jac'be i t'an lac Yum Dios woli bʌ c subeñetla wʌle.

Deuteronomio 14:2

Come ch'ujul bʌ i tejclumetla lac Yum Dios. Yajcʌbiletla i cha'an, cha'an mi la' wajñel ti ch'ujul ti' tojlel lac Yum. Mach che'iquetla bajche' yaño' bʌ tejclumob ti pañimil.

Deuteronomio 14:21

Mach yomic mi la' c'ux jini chʌmen bʌ alʌc'ʌl mi bʌte'el. Mi mejlel la' wʌq'uen jini winicob parte bʌ i lumal chumulo' bʌ ti la' lum. Jini mi mejlel i c'uxob, che' ja'el mi mejlel la' chombeñob. Partejetla, ch'ujul bʌ i tejclumetla lac Yum Dios. Mach yomic mi la' ch'ʌx jini alʌ chivo ti' ya'lel i chu' i ña'.

Deuteronomio 26:18

Tsa'ix i yʌc'ʌ i t'an lac Yum ja'el. Tsa'ix i yʌlʌ sajmʌl cha'an i tejclumet che' bajche' tsi' wʌn subeyet. Jini cha'an mi caj a jac'ben pejtel i mandar.

Deuteronomio 26:19

Che' jini mi caj i ñumen aq'uetla ti ñuc cha'an ñumen mi la' taj la' c'uxbintel yic'ot la' wenlel ti' tojlel yambʌ tejclum tac. Mi caj la' wochel ti ch'ujul bʌ i tejclum lac Yum Dios che' bajche' tsi' yʌlʌ.

Deuteronomio 28:1

Mi uts'at ma' wubiben i t'an lac Yum Dios, mi ts'ʌcʌl ma' mel pejtel jini mandar woli bʌ c subeñetla wʌle, lac Yum Dios mi caj i ñumen aq'uet ti ñuc ti' tojlel pejtel yan tac bʌ tejclum ti pañimil.

Deuteronomio 28:9

Lac Yum mi caj i wa'chocoñet ti ch'ujul bʌ i tejclumet che' bajche' tsi' wʌn alʌ, mi ts'ʌcʌl ma' jac'ben i mandar lac Yum Dios cha'an ma' cha'len xʌmbal ti' bijlel.

Deuteronomio 4:20

Pero lac Yum tsi' loc'sayetla ya' baqui tsa' la' cha'le wocol e'tel ti Egipto. Tsi' yajcayetla cha'an mi la' wajñel ti' tejclum lac Yum che' bajche' wʌle.

Deuteronomio 5:2

Come lac Yum Dios tsi' pejcayonla ti Horeb. Tsi' subeyonla chuqui mi caj i cha'len ti lac tojlel. Mach ti' tojlelobic lac ñojte'elob tsi' subu jini t'an, pero ti lac tojlel. Tsa' la cubibe i t'an joñonla cuxulonto bʌ la.

Deuteronomio 7:6

Jatetla ch'ujul bʌ tejclumetla i cha'an lac Yum Dios. Come lac Yum Dios tsa'ix i yajcayetla ti' tojlel pejtel winicob ti pejtelel lum cha'an mi' yotsañetla ti' cha'an bʌ c'uxbibil bʌ i cha'an.

Deuteronomio 9:29

Pero a cha'añobʌch jini israelob, yajcʌbilo' bʌ a cha'an. Tsa' loc'sayob ti Egipto cha'an cʌbʌl a p'ʌtʌlel. Tsa' pʌsbeyob i yejtal tac a p'ʌtʌlel, cho'on tsac pejca Dios.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Hebreos 11:8

Abraham tsi' ñopo Dios. Jini cha'an tsi' jac'ʌ i pʌyol. Tsa' majli i taj i lum tsa' bʌ subenti mi caj i yʌq'uentel. Tsa' loq'ui anquese mach ña'tʌbilic i cha'an baqui woli' majlel.

Hebreos 8:9

Mach lajalic bajche' jini xuc'ul bʌ t'an tsa' bʌ c mele yic'ot i ñojte'elob, che' bʌ tsac chucbeyob i c'ʌb cha'an mic pʌyob loq'uel ti' lumal Egipto. Ma'anic tsi' wen jac'ʌyob. Jini cha'an tsac tʌts'ʌ c bʌ.

Josue 24:24

Jini winicob tsi' subeyob: Mi caj lac ch'ujutesan lac Yum Dios. Mi caj lac jac'ben i t'an, che'ob.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

1 Samuel 15:22

Samuel tsi' yʌlʌ: ¿Tijicña ba mi' q'uel lac Yum jini pulbil bʌ i majtan yic'ot tsʌnsʌbil bʌ i majtan che' ma'anic wola' jac'ben i t'an? Yom cu mi la cʌq'uen tsʌnsʌbil bʌ i majtan Dios. Pero ñumen yom mi lac jac'ben i t'an.