Exodo 19:3 - Chol: I T’an Dios

³ Moisés tsa' letsi ti wits cha'an mi' taj Dios. Lac Yum tsi' pejca ya' ti wits. Tsi' yʌlʌ: Subeñob i p'olbal Jacob, jini israelob:

Chol de Tumbalá Bible

³ Moisés tsa' letsi ti wits cha'an mi' taj Dios. Lac Yum tsi' pejca ya' ti wits. Tsi' yʌlʌ: Subeñob i p'olbal Jacob, jini israelob:

Jiñi Tsiji' bʌ Wen T'añ cha'añ Estudio

³ Moisés tsa' letsi ti jiñi wits cha'añ mi' taj Dios. Lac Yum tsi' pejca ya' ti wits, tsi' yʌlʌ: —Mi caj a su'beñob i p'olbal Jacob, jiñi israelob, che' bajche' iliyi:

Exodo 19:3 Iomraidhean Croise

Exodo 19:20

Tsa' jubi tilel lac Yum ti' pam Sinaí wits. Lac Yum tsi' pʌyʌ letsel Moisés ya' ti pam wits. Che' bʌ tsa' letsi Moisés, lac Yum tsi' sube:

Exodo 20:21

Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Exodo 24:12

Lac Yum tsi' sube Moisés: La' ti wits ba' añon. Pijtañon ilayi. Mi caj cʌq'ueñet wechel bʌ xajlel ba' tsac ts'ijba jini mandar tac cha'an ma' cʌntesan jini winicob x'ixicob, che'en.

Exodo 24:13

Tsa' majli Moisés yic'ot Josué i winic. Moisés tsa' letsi ti wits ba'an Dios.

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Exodo 3:4

Che' bʌ lac Yum tsi' q'uele woli' majlel Moisés cha'an mi' q'uele', Dios tsi' pejca ti jini alʌ te': Moisés, Moisés, che'en. Tsi' jac'ʌ: Wʌ' añon, che'en.

Exodo 34:2

Chajpan a bʌ, chejini, cha'an ijc'ʌl ma' letsel ya' ti wits i c'aba' Sinaí. Yom ma' c'otel tic tojlel ya' ti' pam jini wits.

Exodo 34:4

Moisés tsi' chajpa jini cha'q'uejl xajlel lajal bajche' jini ñaxan bʌ tsa' bʌ i top'o. Tsa' ch'ojyi ti sʌc'ajel. Tsa' letsi ya' ti wits i c'aba' Sinaí che' bajche' tsi' sube lac Yum. Tsi' ch'ʌmʌ majlel ti' c'ʌb jini cha'q'uejl xajlel.

Levitico 1:1

Lac Yum tsi' pejca Moisés che' bʌ ya'an ti Tabernáculo.

Hechos 7:38

Jiñʌch Moisés am bʌ yic'ot jini tempʌbilo' bʌ ti jochol bʌ lum. Jini ángel tsi' pejca ya' ti Sinaí wits yic'ot lac ñojte'el. Tsi' yubi jini t'an cha'an laj cuxtʌlel cha'an mi' cha' aq'ueñonla.