Exodo 19:24 - Chol: I T’an Dios

²⁴ Lac Yum tsi' sube: Yom ma' cha' jubel. Pʌyʌ letsel Aarón awic'ot. Pero subeñob jini motomajob yic'ot winicob x'ixicob mach yomic mi' c'axelob ba'an mojon tac cha'an mi' tilelob ba' añon, ame mij contrajiñob, che'en lac Yum.

Chol de Tumbalá Bible

²⁴ Lac Yum tsi' sube: Yom ma' cha' jubel. Pʌyʌ letsel Aarón awic'ot. Pero subeñob jini motomajob yic'ot winicob x'ixicob mach yomic mi' c'axelob ba'an mojon tac cha'an mi' tilelob ba' añon, ame mij contrajiñob, che'en lac Yum.

Jiñi Tsiji' bʌ Wen T'añ cha'añ Estudio

²⁴ Pero lac Yum tsi' su'be: —Yom ma' ju'bel, ti wi'il pʌyʌ letsel Aarón a wic'ot; pero jiñi motomajob yic'ot jiñi wiñicob x'ixicob mach yomic mi' c'axelob ba'añ jiñi mojon tac cha'añ mi' tilelob ba'añon, ame c jisañob.

Exodo 19:24 Iomraidhean Croise

1 Cronicas 13:9

Pero che' bʌ tsa' c'otiyob ti Quidón ba' mi' jajts'el trigo, jini tat wacax tsa' caji i p'ojquiñob majlel i yoc. Colel i yajlel tac. Jini cha'an Uza ti ora tsi' sʌts'ʌ i c'ʌb cha'an mi' chuc jini Arca.

Exodo 19:12

Mi caj a mel mojon tac ya' ti' joytilel jini wits cha'an mach mi' ñumelob. Subeñob: “Chʌcʌ q'uele la' bʌ cha'an ma'anic mi la' letsel ti wits. Mach yomic ja'el mi la' tʌl jini wits. Majqui jach mi' tʌl jini wits wersa mi caj i chʌmel.

Exodo 19:25

Jini cha'an Moisés tsa' majli i subeñob winicob x'ixicob che' bajche' tsi' yʌlʌ Dios.

Exodo 24:1

Lac Yum tsi' sube Moisés: Yom ma' letsel tilel ba' añon awic'ot Aarón, Nadab, Abiú, awic'ot lujuntiquil i chʌnc'al xñoxo' bʌ ti Israel. Ñajt mi caj i ch'ujutesañoñob.

Exodo 24:9

Tsa' letsi majlel ti wits Moisés yic'ot Aarón yic'ot Nadab yic'ot Abiú, yic'ot lujuntiquil i chʌnc'al (70) ñoxo' bʌ israelob.

Levitico 10:3

Moisés tsi' sube Aarón: Jiñʌch tsa' bʌ i yʌlʌ lac Yum: “Jini mu' bʌ i lʌc'tesañoñob, wersa mi' q'ueloñob ti ch'ujul. Wersa mi cʌq'uentel c ñuclel ti' tojlelob winicob x'ixicob”, che'en lac Yum. Che' tsi' yʌlʌ Moisés. Che' jini ñʌch'ʌl tsa' cʌle Aarón.

Mateo 11:12

Ti' yorajlel Juan tsa' bʌ i yʌc'ʌ ch'ʌmja' c'ʌlʌl wʌle cabʌl winicob x'ixicob woli' tilelob ti pejtelel i pusic'al cha'an wersa yomob ochel ti' yumʌntel panchan. Jini mu' bʌ i cha'leñob wersa mi' yochelob.

Lucas 13:24

Cha'lenla wersa cha'an mi la' wochel ti ch'o'ch'oc bʌ i ti'. Come mic subeñetla cabʌlob mi caj i ñopob ochel pero ma'anic mi caj i mejlelob.

Lucas 16:16

Tsa' sujbi mandar yic'ot i t'an tac x'alt'añob jinto tsa' tili Juan. Wʌle wolix i sujbel i yumʌntel Dios. Pejtelel winicob x'ixicob mi' cha'leñob wersa cha'an mi' yochelob.

Juan 1:17

Come tsa' c'oti jini mandar ti' tojlel Moisés. Pero ti' caj Jesucristo tsa' tili i yutslel i pusic'al Dios yic'ot i sujmlel.

Romanos 4:15

I ñusʌntel mandar mi' tech mich'ajel, pero che' ma'anic mandar ma'anic mi' ñusʌntel.

Gálatas 3:19

¿Chuqui i ye'tel jini mandar che' jini? Dios tsi' yʌq'ueyonla jini mandar cha'an mi' tsictesʌbeñonla lac mul. Pero ma'anix i c'ʌjñibal jini mandar che' tilemix i P'olbal che' bajche' wʌn albil. Dios tsi' c'ʌñʌ i yángelob i yʌq'uen mandar Moisés i wenta xñusa t'an.

Gálatas 3:22

Pero i t'an Dios mi' yʌl woli' yajñelob ti' p'ʌtʌlel mulil pejtelel año' bʌ ti pañimil cha'an mi la cʌq'uentel jini albil bʌ ti Dios che' mi lac ñop Jesucristo, come majqui jach mi' ñop mi' coltʌntel.

Hebreos 12:29

Come Dios yujil jisaya che' bajche' c'ajc.

Hebreos 4:16

Jini cha'an yom ch'ejl lac pusic'al mi lac lʌc'tesan lac bʌ ba'an i buchlib Dios ba' mi' pʌsbeñonla i yutslel i pusic'al. Ya'i mi caj lac p'untʌntel. Mi caj laj coltʌntel ti' yutslel i pusic'al che' an wocol ti lac tojlel.