Exodo 19:18 - Chol: I T’an Dios

¹⁸ Tsa' joy ic'a ti buts' jini Sinaí wits, come lac Yum tsa' jubi tilel ti pam wits ti c'ajc. Jini buts' tomocña tsa' letsi che' bajche' i buts'il horno. Tsiltsilñayob ti bʌq'uen pejtelel winicob x'ixicob.

Chol de Tumbalá Bible

¹⁸ Tsa' joy ic'a ti buts' jini Sinaí wits, come lac Yum tsa' jubi tilel ti pam wits ti c'ajc. Jini buts' tomocña tsa' letsi che' bajche' i buts'il horno. Tsiltsilñayob ti bʌq'uen pejtelel winicob x'ixicob.

Jiñi Tsiji' bʌ Wen T'añ cha'añ Estudio

¹⁸ Tsa' joy ic'a ti buts' jiñi wits i c'aba' Sinaí, come lac Yum tsa' ju'bi tilel ti c'ajc ya' ti' pam wits. Jiñi buts' tomocña tsa' letsi che' bajche' i buts'il horno yic'ot jiñi wits bʌbʌq'uen tsi' ñijca i bʌ.

Exodo 19:18 Iomraidhean Croise

Genesis 11:5

Tsa' jubi tilel lac Yum i q'uel jini chan bʌ ts'ajc am bʌ ti tejclum tsa' bʌ i meleyob winicob.

Genesis 15:17

Che' bʌ tsa' bʌjli q'uin, che' ac'ʌlelix, awilan, jump'ejl tic'ʌjib am bʌ i buts'il yic'ot xutunte' woli bʌ ti lejmel tsa' ñumi ti ojlil, ba' t'oxbil ti ojlil jini majtan tac.

Genesis 19:28

Tsi' ñajti q'uele Sodoma yic'ot Gomorra yic'ot pejtel jini lum am bʌ ti joctʌl. Awilan, i buts'il jini lum woli' letsel che' bajche' i buts'il tic'ʌjib.

Nehemias 9:13

Tsa' jubiyet tilel ti pam wits i c'aba' Sinaí. Jatet añet bʌ ti panchan tsa' pejca winicob. Tsa' wʌq'ueyob toj bʌ tic'oñel yic'ot isujm bʌ cʌntesa yic'ot uts'at bʌ mandar yic'ot uts'at bʌ ley.

Salmos 104:32

Ma' q'uel pañimil. Tsilecña mi' ñijcan i bʌ jini lum. Ma' tʌl wits, mi' loq'uel buts'.

Salmos 114:4

Tsa' tijp'i majlel wits yilal, che' bajche' i tat chivo. Tsa' tijp'i majlel alʌ bujtʌl che' bajche' tiñʌme'.

Salmos 114:7

Jatet pañimil, yom tsiltsilñayet ti' tojlel lac Yum, ti' tojlel i Dios Jacob.

Salmos 144:5

C Yum, la' jubic panchan. La' ti pañimil. Jats'ʌ jini wits tac cha'an mi' loq'uel i buts'il.

Salmos 18:9

Lac Yum tsi' ju'sa tilel tocal, tsi' pʌsʌ i p'ʌtʌlel. Wen i'ic' ya' ti yebal i yoc.

Salmos 68:9

Jatet Dios tsa' choco tilel ch'ʌnch'ʌña bʌ ja'al. Tsa' cha' aq'ueyob i ñuclel i pusic'al a cha'año' bʌ che' ch'ijiyemob.

Salmos 77:18

Ya' ti sutujt ic' tsi' cha'le t'an chajc. Tsa' sʌc'a pañimil cha'an i c'ʌc'al chajc. Tsi' ñijca i bʌ pañimil, tsi' yujcu i bʌ.

Salmos 77:19

Tsa' pʌsbeyon lojon a bijlel ti colem ñajb. Jini alʌ bij a cha'an an ti colem ja' yilal. Mach tsiquilic i yejtal a woc ti bij.

Exodo 19:13

Mi caj la' jul ti xajlel jini am bʌ i mul, pero mach yomic mi la' tʌl. Mi tsa' letsi ti wits i bʌte'el mi caj la' jul ti jalʌjb. Mach mejlix i chʌn cuxtiyel”. Che' yom ma' subeñob. Che' mi' yubintel c'am bʌ i t'an trompeta, mi caj i ñochtañob ili wits, che'en lac Yum.

Exodo 19:17

Moisés tsi' pʌyʌyob loq'uel ba' jijlemob cha'an mi' tajob Dios. Ya' tsa' cʌleyob ti yebal wits.

Exodo 20:18

Pejtelel winicob x'ixicob tsi' q'ueleyob i xu'il chajc. Tomocña woli ti letsel i buts'il jini wits. Tsi' yubiyob i t'an chajc yic'ot i t'an trompeta. Tsiltsilñayob ti bʌq'uen che' bʌ tsi' q'ueleyob. Tsi' tʌts'ʌyob i bʌ. Ñajt tsa' wa'leyob.

Exodo 24:17

Jini israelob tsi' q'ueleyob i ñuclel lac Yum che' bajche' c'ajc woli bʌ ti lejmel ya' ti pam wits.

Exodo 3:2

I yAngel lac Yum tsi' pʌsʌ i bʌ ba'an Moisés ya' ba' woli ti lejmel c'ajc ba' wa'al alʌ te'. Tsi' q'uele woli ti lejmel jini alʌ te', pero ma'anic woli' jilel.

Exodo 34:2

Chajpan a bʌ, chejini, cha'an ijc'ʌl ma' letsel ya' ti wits i c'aba' Sinaí. Yom ma' c'otel tic tojlel ya' ti' pam jini wits.

Isaias 6:4

Ti jujuntiquil tsi' cha'leyob t'an. Ti jujunyajl tsa' ñijcuyi i ts'ajquil tac otot cha'an i t'an che' woli ti c'ay. Tsa' bujt'i i mal otot ti buts'.

Isaias 64:1

Uts'atax muq'uic a jam jini panchan cha'an ma' jubel tilel. Che' jini mux i ñijcan i bʌ jini wits ti bʌq'uen che' ma' t'uchtan.

Jeremias 4:24

Tsaj q'uele tsiltsilña jini wits. Awilan woli ti ejmel jini bujtʌl.

Habacuc 3:6

Dios mi' poj wa'tʌl cha'an mi' can q'uel pañimil. Ti ora mi' yʌc' ti jilel i yumʌntel winicob. Mi' top' jini wits tac mach bʌ yujilic ñijcuyel ti pejtelel ora. Mi' pʌcchocoñob i bʌ jini bujtʌl tac ti' tojlel. Lajalʌch lac Yum wʌle che' bajche' ti pejtelel ora.

Zacarias 14:5

Mi caj la' puts'el ya' ti joctʌl ti' ñʌc' jini wits, come jini joctʌl mi caj i c'ʌlʌl c'otel ti' ti' Jerusalén. Mi caj la' puts'el che' bajche' tsa' puts'iyob la' tatob che' ti' yorajlel yujquel lum che' woli ti yumʌntel Uzías ya' ti Judá. Ti jim bʌ ora mi caj i tilel lac Yum Dios yic'ot pejtel i cha'año' bʌ.

Mateo 24:7

Come jini año' bʌ ti jumpejt lum mi caj i techob guerra ti' contra año' bʌ ti yambʌ lum. Jini año' bʌ ti' wenta juntiquil yumʌl mi caj i techob guerra ti' contra jini año' bʌ ti' wenta yambʌ yumʌl. Tal wocol yic'ot cabʌl wi'ñal yic'ot i yujquel lum ti cabʌl lum.

Deuteronomio 33:2

Lac Yum tsa' tili ba' añonla ya' ti Sinaí wits. Tsi' pʌsʌ i bʌ ti Seir wits, Tsa' tsictiyi i ñuclel ya' ti Parán wits, Joyol ti bajc'ʌl ch'ujul bʌ ángelob Año' bʌ ti' ñoj che' bajche' lemlemña bʌ c'ajc.

Deuteronomio 4:36

Ya' ti panchan tsi' pejcayetla. Tsa' c'ʌlʌ c'oti i t'an ba'añetla cha'an mi la' cʌntesʌntel. Tsi' pʌsbeyetla i yejtal i c'ʌc'al ila ti pañimil. Tsa' wubibe i t'an ti' yojlil jini c'ajc.

Deuteronomio 5:22

Jiñʌch tsa' bʌ i yʌlʌ lac Yum che' wa'al ti c'ajc che' joyol ti tocal yic'ot ic'ch'ipan bʌ pañimil, ya' ti wits i c'aba' Sinaí. Ma'anic tsi' yʌc'ʌ yambʌ mandar. Tsi' ts'ijba ti cha'q'uejl xajlel. Che' jini tsi' yʌq'ueyon.

Deuteronomio 5:4

Ya' ba wa'al lac Yum ti' yojlil c'ajc tsi' pejcayetla.

2 Tesalonicenses 1:7

Mi caj i yʌq'ueñetla la' c'aj la' wo quic'ot lojon che' mi' pʌstʌl lac Yum Jesús ti panchan yic'ot jini ángelob am bʌ i p'ʌtʌlel.

2 Tesalonicenses 1:8

Mi caj i tilel yic'ot c'ajc cha'an mi' q'uextʌbeñob i jontolil jini mach bʌ anic mi' cʌñob Dios yic'ot jini mach bʌ anic mi' ch'ujbibeñob i wen t'an lac Yum Jesucristo.

Hebreos 12:18

Come mach pʌybileticla ti wits che' bajche' israelob ba' mi la' wubin c'ajc, yic'ot sutujt ic', yic'ot ic'yoch'an bʌ pañimil, yic'ot bʌbʌq'uen bʌ ja'al,

Hebreos 12:26

Che' bʌ tsi' cha'le t'an Dios ya' ti wits tsi' ñijca pañimil ti' t'an. Pero wʌle che' bʌ tsi' yʌq'ueyonla i t'an tsi' yʌlʌ: “Junyajl to mi caj c ñijcan pañimil yic'ot panchan, mach jinic jach pañimil”. Che' tsi' yʌlʌ.

2 Pedro 3:10

Mi caj i tilel i q'uiñilel lac Yum che' bajche' xujch' ti ac'ʌlel. Ti c'am bʌ i t'an mi' caj ti jilel panchan. Mi' caj ti ulmʌl ti c'ajc pejtelel chuqui tac an. Mi' caj ti laj pulel pañimil yic'ot pejtelel melbil tac bʌ ti pañimil.

Apocalipsis 15:8

Tsa' bujt'i jini Templo ti buts' cha'an i ñuclel Dios yic'ot cha'an i p'ʌtʌlel. Ma'anic majqui tsa' mejli ti ochel ti Templo jinto tsa' ujti jini wucchajp wocol tsa' bʌ i ch'ʌmʌyob tilel jini wuctiquil ángelob.

Apocalipsis 9:2

Tsi' jambe i ti' jini tam bʌ ch'en. Tsa' loq'ui buts' ti ch'en lajal bajche' i buts'il colem c'ajc. Tsa' ic'a jini q'uin yic'ot pañimil cha'an jini buts' loq'uem bʌ ti ch'en.

Juezob 5:5

Tsa' nijcʌyi Sinaí wits ti' tojlel lac Yum Cha'an ya'an lac Yum, i Dios Israel.