Exodo 19:16 - Chol: I T’an Dios

¹⁶ Che' ti sʌc'ajel ti' yuxp'ejlel q'uin tsa' caji ti tojmel tac chajc. An i xu'il tac chajc yic'ot i'ic' bʌ tocal ya' ti wits, yic'ot c'am bʌ i t'an trompeta. Tsiltsilñayob ti bʌq'uen pejtelel winicob x'ixicob ya' ti xchumtʌl.

Chol de Tumbalá Bible

¹⁶ Che' ti sʌc'ajel ti' yuxp'ejlel q'uin tsa' caji ti tojmel tac chajc. An i xu'il tac chajc yic'ot i'ic' bʌ tocal ya' ti wits, yic'ot c'am bʌ i t'an trompeta. Tsiltsilñayob ti bʌq'uen pejtelel winicob x'ixicob ya' ti xchumtʌl.

Jiñi Tsiji' bʌ Wen T'añ cha'añ Estudio

¹⁶ Che' ti sʌc'ajel ti' yuxp'ejlel q'uiñ tsa' caji ti tojmel tac chajc yic'ot i xu'il tac yic'ot tsi' moso ti pim bʌ tocal jiñi wits, yic'ot tsi' yu'biyob c'am bʌ i t'añ trompeta. Pejtelel wiñicob x'ixicob ya' ti jiñi xchumtʌl tsiltsilña tsa' cajiyob ti bʌq'uen.

Exodo 19:16 Iomraidhean Croise

2 Samuel 22:10

Lac Yum tsi' ju'sa tilel tocal, tsi' pʌsʌ i p'ʌtʌlel. Wen i'ic' ya' ti' yebal i yoc.

Job 38:25

Subeñon majqui tsi' mele joctʌl ba' cholocña mi' cha'len xʌmbal majlel ja' che' mi' yujtel wen ja'al. ¿Majqui tsi' melbe i bijlel chajc yujil bʌ t'an?

Salmos 50:3

Tal lac Dios. Mach ñʌch'ʌlic che' mi' tilel. Mi' lejmel c'ajc ti' tojel i wut. An p'ʌtʌl bʌ ic' ti' joytilel.

Salmos 77:18

Ya' ti sutujt ic' tsi' cha'le t'an chajc. Tsa' sʌc'a pañimil cha'an i c'ʌc'al chajc. Tsi' ñijca i bʌ pañimil, tsi' yujcu i bʌ.

Salmos 81:8

Ubinla winicob x'ixicob c cha'an. Mi caj c subeñet, Israel, mi a wom a ch'ujbibeñon c t'an:

Salmos 97:4

Mi' choc majlel chajc mu' bʌ i sʌq'uesan pañimil. Tsiltsilñayob mi' q'uelob jini año' bʌ ti pañimil.

Exodo 19:11

Yom chajpʌbilobix chabi. Come chabi lac Yum mi caj i jubel ya' ti Sinaí ti' tojel pejtelel winicob x'ixicob.

Exodo 19:15

Moisés tsi' subeyob: Yom chajpʌbiletix la chabi. Mach yomic mi la' ñochtan x'ixicob, che'en.

Exodo 19:17

Moisés tsi' pʌyʌyob loq'uel ba' jijlemob cha'an mi' tajob Dios. Ya' tsa' cʌleyob ti yebal wits.

Exodo 19:9

Lac Yum tsi' sube: Awilan, talon ba' añet ti i'ic' bʌ tocal, cha'an mi' yubiñob jini israelob che' mic pejcañet, cha'an mi' q'ueletob ti ñuc ti pejtelel ora.

Exodo 20:18

Pejtelel winicob x'ixicob tsi' q'ueleyob i xu'il chajc. Tomocña woli ti letsel i buts'il jini wits. Tsi' yubiyob i t'an chajc yic'ot i t'an trompeta. Tsiltsilñayob ti bʌq'uen che' bʌ tsi' q'ueleyob. Tsi' tʌts'ʌyob i bʌ. Ñajt tsa' wa'leyob.

Exodo 20:21

Ñajt tsa' wa'leyob winicob x'ixicob. Moisés tsa' majli ba'an Dios ya' ba'an ic'ch'ipan bʌ.

Exodo 40:34

Jini Tocal tsa' ajni yic'otob. Tsi' moso jini otot ba' mi' tempañob i bʌ. I ñuclel lac Yum tsa' bujt'i ti jini otot.

Exodo 9:23

Moisés tsi' letsa i te'. Lac Yum tsi' choco tilel chajc yic'ot tuñija'. Tsi' cha'le t'an chajc ti pejtelel Egipto. Lac Yum tsi' choco tilel tuñija' ti' lumal egiptojob.

Jeremias 5:22

¿Chucoch ma'anic mi la' bʌc'ñañon? che'en lac Yum. ¿Chucoch mach tsiltsilñayeticla tic tojlel? Tsa cʌc'ʌ jini ji'il che' bajche' bujtʌl ti' ti'il colem ja' cha'an ya' jaxʌl mi' c'otel ja'. Mach mejlic ti ñumel ti pejtelel ora anquese we'ecña ja', anquese chan mi' mel i bʌ. Wersa mi' jac'beñon c t'an.

Nahum 1:3

Jal mi' tejchel i mich'ajel lac Yum. Cabʌl i p'ʌtʌlel. Ma'anic mi' to'ol q'uel ti toj jini am bʌ i mul. Lac Yum mi' pʌs i p'ʌtʌlel ti sutujt ic' yic'ot ti p'ʌtʌl bʌ ic'. Lac Yum mi' pʌs i p'ʌtʌlel ti tocal.

Mateo 24:31

Mi caj i choc tilel i yángelob yic'ot c'am bʌ i t'an trompeta. Mi caj i tempañob tilel ti chʌnwejlel pañimil jini yajcʌbilo' bʌ i cha'an ti junwejl panchan c'ʌlʌl ti yambʌ junwejl.

Deuteronomio 5:5

Xinlʌpʌlon ti la' tojlel yic'ot ti' tojlel lac Yum, come jatetla tsa' la' bʌc'ña jini c'ajc. C bajñel tsa' letsiyon ti wits, ma'anic tsa' letsiyetla. Lac Yum tsi' pejcayon. Joñon tsac cha' subeyetla i t'an. Jiñʌch tsa' bʌ i yʌlʌ:

Hebreos 12:21

C'ax bʌbʌq'uen chuqui tsi' q'ueleyob. Moisés tsi' yʌlʌ: “Woli' toj sajtel c pusic'al. Tsiltsilñayon ti bʌq'uen”, che'en.

Apocalipsis 1:10

Tsa' bujt'i c pusic'al ti' yEspíritu Dios ti jini q'uin che' mi lac ch'ujutesan lac Yum. Tsa cubi c'am bʌ t'an tic pat che' bajche' trompeta.

Apocalipsis 11:19

Tsa' jajmi i templo Dios ya' ti panchan. I caxajlel jini trato bʌ i t'an Dios tsa' q'uejli ti' mal templo. Tsa' caji ti tsictiyel i xu'il chajc tac, yic'ot c'am bʌ t'an tac, yic'ot i t'an tac chajc, yic'ot yujquel lum, yic'ot colem tuñija'.

Apocalipsis 4:1

Ti wi'il tsaj q'uele: Awilan, jambil jump'ejl i ti' panchan. Jini ñaxan bʌ t'an tsa' bʌ cubi lajalʌch bajche' i t'an trompeta. Tsi' subeyon: La' ti letsel ilayi. Mi caj c pʌsbeñet chuqui tac wersa mi' caj ti ujtel, che'en.

Apocalipsis 4:5

Tsa' loq'ui chajc yic'ot cabʌl t'an yic'ot i t'an chajc ti' buchlib Dios. Woli ti lejmel wucp'ejl lámpara ya' ti' tojel ili buchlibʌl. Jiñʌch i yejtal jini wuctiquil espíritu i cha'an Dios.

Apocalipsis 8:5

Jini ángel tsi' ch'ʌmʌ i yajñib pom. Tsi' but'u ti' nich c'ajc loq'uem bʌ ti pulʌntib. Tsi' choco jubel ti pañimil. Tsa' tili i t'an chajc, yic'ot cabʌl t'an tac, yic'ot chajc yic'ot yujquel lum.