Exodo 19:11 - Chol: I T’an Dios

¹¹ Yom chajpʌbilobix chabi. Come chabi lac Yum mi caj i jubel ya' ti Sinaí ti' tojel pejtelel winicob x'ixicob.

Chol de Tumbalá Bible

¹¹ Yom chajpʌbilobix chabi. Come chabi lac Yum mi caj i jubel ya' ti Sinaí ti' tojel pejtelel winicob x'ixicob.

Jiñi Tsiji' bʌ Wen T'añ cha'añ Estudio

¹¹ yom chajpʌbilobix cha'bi, come ti jiñi q'uiñ mi caj c ju'bel tilel cha'añ mij c'otel ya' ti' pam wits i c'aba' Sinaí ti' wut pejtelel wiñicob x'ixicob.

Exodo 19:11 Iomraidhean Croise

Genesis 11:5

Tsa' jubi tilel lac Yum i q'uel jini chan bʌ ts'ajc am bʌ ti tejclum tsa' bʌ i meleyob winicob.

Nehemias 9:13

Tsa' jubiyet tilel ti pam wits i c'aba' Sinaí. Jatet añet bʌ ti panchan tsa' pejca winicob. Tsa' wʌq'ueyob toj bʌ tic'oñel yic'ot isujm bʌ cʌntesa yic'ot uts'at bʌ mandar yic'ot uts'at bʌ ley.

Salmos 144:5

C Yum, la' jubic panchan. La' ti pañimil. Jats'ʌ jini wits tac cha'an mi' loq'uel i buts'il.

Salmos 18:9

Lac Yum tsi' ju'sa tilel tocal, tsi' pʌsʌ i p'ʌtʌlel. Wen i'ic' ya' ti yebal i yoc.

Exodo 19:16

Che' ti sʌc'ajel ti' yuxp'ejlel q'uin tsa' caji ti tojmel tac chajc. An i xu'il tac chajc yic'ot i'ic' bʌ tocal ya' ti wits, yic'ot c'am bʌ i t'an trompeta. Tsiltsilñayob ti bʌq'uen pejtelel winicob x'ixicob ya' ti xchumtʌl.

Exodo 19:18

Tsa' joy ic'a ti buts' jini Sinaí wits, come lac Yum tsa' jubi tilel ti pam wits ti c'ajc. Jini buts' tomocña tsa' letsi che' bajche' i buts'il horno. Tsiltsilñayob ti bʌq'uen pejtelel winicob x'ixicob.

Exodo 19:20

Tsa' jubi tilel lac Yum ti' pam Sinaí wits. Lac Yum tsi' pʌyʌ letsel Moisés ya' ti pam wits. Che' bʌ tsa' letsi Moisés, lac Yum tsi' sube:

Exodo 24:16

Ya'an i ñuclel lac Yum ti' pam wits Sinaí. Jini tocal tsi' mʌcʌ jini wits wʌcp'ejl q'uin. Che' ti wucp'ejlel q'uin Dios tsi' pejca Moisés ya' ti' yojlil jini tocal.

Exodo 24:17

Jini israelob tsi' q'ueleyob i ñuclel lac Yum che' bajche' c'ajc woli bʌ ti lejmel ya' ti pam wits.

Exodo 3:8

Tsa'ix jubiyon tilel cha'an mic loc'sañob ti jini lum cha'an mic pʌyob ochel ti wen bʌ lum ba'an cabʌl lech yic'ot chab. Jiñʌch i lumal cananeojob, yic'ot heteojob, yic'ot amorreojob, yic'ot ferezeojob, yic'ot heveojob yic'ot jebuseojob.

Exodo 34:2

Chajpan a bʌ, chejini, cha'an ijc'ʌl ma' letsel ya' ti wits i c'aba' Sinaí. Yom ma' c'otel tic tojlel ya' ti' pam jini wits.

Exodo 34:5

Lac Yum tsa' jubi tilel ti Tocal. Tsa' ajni ya'i yic'ot Moisés. Lac Yum tsi' yʌlʌ: Joñon Diosoñʌch, Yumʌloñʌch mu' bʌ c cha'len p'untaya, che'en.

Numeros 11:17

Che' jini mi caj c jubel tilel cha'an mic pejcañet. Mi caj cʌq'ueñob jini Espíritu che' bajche' tsa cʌq'ueyet. Che' jini temel mi caj la' cuch ili wocol. Mi caj i coltañetob ili lujuntiquil i chʌnc'al winicob.

Juan 3:13

Ma'anic majch tsa' letsi ti panchan, cojach jini tsa' bʌ jubi tilel ti panchan, jiñʌch i Yalobil Winic am bʌ ti panchan.

Juan 6:38

Come tsa' jubiyon tilel ti panchan cha'an mic mel chuqui yom c Tat tsa' bʌ i chocoyon tilel. Ma'anic tsa' tili c mel chuqui com tic bajñel pusic'al.

Deuteronomio 33:2

Lac Yum tsa' tili ba' añonla ya' ti Sinaí wits. Tsi' pʌsʌ i bʌ ti Seir wits, Tsa' tsictiyi i ñuclel ya' ti Parán wits, Joyol ti bajc'ʌl ch'ujul bʌ ángelob Año' bʌ ti' ñoj che' bajche' lemlemña bʌ c'ajc.

Deuteronomio 4:10

Mach yomic mi' ñajʌyel la' cha'an jini q'uin che' wa'aletla ti' tojlel la' Yum Dios ya' ti Horeb. Lac Yum tsi' subeyon: Tempʌbeñon jini winicob cha'an mi yubiñob c t'an. Wersa mi caj i ñopob i bʌc'ñañon ti pejtelel ora che' wʌ'to añob ti pañimil. Che'ʌch yom mi' cʌntesañob i yalobilob ja'el, che'en lac Yum.

Josue 3:5

Josué tsi' sube winicob: La' i sʌq'uesañetla lac Yum, come mi caj i wen pʌs i ñuclel ijc'ʌl ti la' tojlel, che'en.