Exodo 19:1 - Chol: I T’an Dios

¹ Che' loq'uemobix israelob ti Egipto, che' ti' yuxp'ejlel uw ti jini naxan bʌ tsic, tsa' c'otiyob ya' ti colem bʌ i tiquiñal lum i c'aba' Sinaí.

Chol de Tumbalá Bible

¹ Che' loq'uemobix israelob ti Egipto, che' ti' yuxp'ejlel uw ti jini ñaxan bʌ tsic, tsa' c'otiyob ya' ti colem bʌ i tiquiñal lum i c'aba' Sinaí.

Jiñi Tsiji' bʌ Wen T'añ cha'añ Estudio

¹ Che' ti' yuxp'ejlel uw i loq'uelob israelob ti Egipto, ti jiñi jach bʌ q'uiñ tsa' c'otiyob ya' ti' tiquiñal lum i c'aba' Sinaí.

Exodo 19:1 Iomraidhean Croise

Exodo 12:2

Ili uw i tejchibalix jini tsiji' bʌ jabil la' cha'an.

Exodo 12:51

Ti jini jach bʌ q'uin lac Yum tsi' pʌyʌ loq'uel israelob ti' lumal egiptojob ti mojt ti mojt.

Exodo 12:6

Cʌntanla jinto mi' ts'ʌctiyel lujump'ejl tsic ti ili uw. Che' ti ili tsic yom mi' tsʌnsañob tiñʌme' tac pejtelel israelob mu' bʌ i tempañob i bʌ. Che' ti ic'ajel mi caj i tsʌnsañob.

Exodo 16:1

Pejtelel jini israelob tempʌbilo' bʌ ti mojt ti mojt tsa' loq'uiyob ti Elim. Tsa' majliyob ti colem bʌ i tiquiñal lum i c'aba' Sin am bʌ ti ojlil ba'an Elim yic'ot Sinaí. Tsa' c'otiyob che' ti jo'lujump'ejlel tsic che' ti cha'p'ejlel uw che' loq'uemobix ti Egipto.

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Ezequiel 20:10

Che' bʌ tsac loc'sayob ti Egipto, tsac pʌyʌyob majlel ti colem bʌ i tiquiñal pañimil.

Numeros 1:1

Che' wolix i majlel i cha'p'ejlel jab i loq'uelob ya' ti Egipto jini israelob, che' ti 15 de abril, lac Yum tsi' yʌq'ue mandar Moisés. Ya'an Moisés ti Tabernáculo ti lum i c'aba' Sinaí.

Numeros 10:12

Che' jini tsa' cajiyob ti xʌmbal majlel jini israelob ya' ti colem bʌ i tiquiñal pañimil i c'aba' Sinaí. Cha'p'ejl uxp'ejl q'uin tsa' jijliyob ya' ti bij. Tsa' wa'le jini Tocal ya' ti colem bʌ i tiquiñal pañimil i c'aba' Parán.

Numeros 3:14

Lac Yum tsi' pejca Moisés ya' ti colem bʌ i tiquiñal pañimil i c'aba' Sinaí: Yom ma' tsic jini levíjob che' bajche' jaytiquilob añob ti mojt ti mojt. Yom ma' wotsan ti jun pejtelel ch'iton bʌ i yalobilob añobix bʌ jump'ejl uw yic'ot ñumen taquix bʌ, ch'itoñob yic'ot winicob, che'en lac Yum.

Numeros 33:15

Tsa' loq'uiyob ya' ti Refidim. Tsa' majliyob ti jijlel ya' ti colem bʌ i tiquiñal pañimil i c'aba' Sinaí. Tsa' loq'uiyob ya'i, tsa' majliyob ti jijlel ti Kibrot Hataava. Tsa' loq'uiyob ya'i, tsa' majliyob ti jijlel ti Hazerot. Tsa' loq'uiyob ya'i, tsa' majliyob ti jijlel ti Ritma. Tsa' loq'uiyob ya'i, tsa' majliyob ti jijlel ti Rimón Peres. Tsa' loq'uiyob ya'i, tsa' majliyob ti jijlel ti Libna. Tsa' loq'uiyob ya'i, tsa' majliyob ti jijlel ti Rissa. Tsa' loq'uiyob ya'i, tsa' majliyob ti jijlel ti Ceelata. Tsa' loq'uiyob ya'i, tsa' majliyob ti jijlel ti wits i c'aba' Sefer. Tsa' loq'uiyob ya'i, tsa' majliyob ti jijlel ti Harada. Tsa' loq'uiyob ya'i, tsa' majliyob ti jijlel ti Macelot. Tsa' loq'uiyob ya'i, tsa' majliyob ti jijlel ti Tahat. Tsa' loq'yiyob ya'i, tsa' majliyob ti jijlel ti Tara. Tsa' loq'uiyob ya'i, tsa' majliyob ti jijlel ti Mitca. Tsa' loq'uiyob ya'i, tsa' majliyob ti jijlel ti Hasmona. Tsa' loq'uiyob ya'i, tsa' majliyob ti jijlel ti Moserot. Tsa' loq'uiyob ya'i, tsa' majliyob ti jijlel ti Benejaacán. Tsa' loq'uiyob ya'i, tsa' majliyob ti jijlel ti wits i c'aba' Gidgad. Tsa' loq'uiyob ya'i, tsa' majliyob ti jijlel ti Jotbata. Tsa' cha' loq'uiyob ya'i, tsa' majliyob ti jijlel ti Abrona. Tsa' loq'uiyob ya'i, tsa' majliyob ti jijlel ti Eziongeber. Tsa' loq'uiyob ya'i, tsa' majliyob ti jijlel ti Cades, am bʌ ti colem bʌ i tiquiñal pañimil i c'aba' Zin. Tsa' loq'uiyob ya'i, tsa' majliyob ti jijlel ti wits i c'aba' Hor am bʌ ti' t'ejl jini lum i c'aba' Edom.

Deuteronomio 1:6

Lac Yum Dios tsi' subeyonla ya' ti Horeb: Cabʌlix ora wʌ' añetla ila ti wits. Jasʌlix.

Deuteronomio 4:10

Mach yomic mi' ñajʌyel la' cha'an jini q'uin che' wa'aletla ti' tojlel la' Yum Dios ya' ti Horeb. Lac Yum tsi' subeyon: Tempʌbeñon jini winicob cha'an mi yubiñob c t'an. Wersa mi caj i ñopob i bʌc'ñañon ti pejtelel ora che' wʌ'to añob ti pañimil. Che'ʌch yom mi' cʌntesañob i yalobilob ja'el, che'en lac Yum.

Deuteronomio 4:15

Ti jim bʌ ora che' bʌ lac Yum tsi' cha'le t'an ya' ti' yojlil c'ajc, tsa' la' q'uele ma'anic i cuctal. Jini cha'an wen cʌntanla la' pusic'al

Deuteronomio 5:2

Come lac Yum Dios tsi' pejcayonla ti Horeb. Tsi' subeyonla chuqui mi caj i cha'len ti lac tojlel. Mach ti' tojlelobic lac ñojte'elob tsi' subu jini t'an, pero ti lac tojlel. Tsa' la cubibe i t'an joñonla cuxulonto bʌ la.