Exodo 18:8 - Chol: I T’an Dios

⁸ Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Chol de Tumbalá Bible

⁸ Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Jiñi Tsiji' bʌ Wen T'añ cha'añ Estudio

⁸ Moisés tsi' tsictesʌbe i ñij-al pejtelel tsa' bʌ i mele lac Yum ti' tojlel faraón yic'ot ti' tojlel egiptojob cha'añ i c'uxbintel israelob, yic'ot bajche' tsi' coltayob lac Yum ti pejtelel wocol tac tsa' bʌ i yu'biyob ti bij.

Exodo 18:8 Iomraidhean Croise

Genesis 44:34

Come mach mejlic c sujtel ba'an c tat mi ma'anic mi' sujtel jini ch'iton quic'ot. Mach comic j q'uel jini wocol mu' bʌ caj i yubin c tat. Che' tsi' yʌlʌ Judá.

Nehemias 9:32

C Dios lojon, ñuc bʌ Dioset, p'ʌtʌlet, bʌc'ñʌbilet. Ma' ts'ʌctesan jini xuc'ul bʌ a t'an. Cabʌl ma' pʌs a c'uxbiya. Jini cha'an q'ueleyon lojon. Cabʌlʌchix c wocol tsa' bʌ tili tic tojlel lojon, ti' tojlel c rey lojon, yic'ot c yumob lojon, yic'ot c motomajob lojon, yic'ot x'alt'añob tsa' bʌ a chocbeyon lojon tilel, yic'ot c tat lojon, yic'ot pejtel winicob x'ixicob a cha'año' bʌ. An c wocol c'ʌlʌl che' bʌ tsi' cha'leyob yumʌntel jini asiriajob c'ʌlʌ wʌle. Ma'anic mi' lajmel.

Salmos 106:10

Tsi' coltayob loq'uel ti' p'ʌtʌlel jini tsa' bʌ i ts'a'leyob. Tsi' pʌyʌyob loq'uel ti' c'ʌb i contrajob.

Salmos 106:8

Pero tsi' coltayob cha'an mi' yʌc' ti cʌjñel i c'aba' yic'ot i p'ʌtʌlel.

Salmos 107:2

La' i yʌlob jini mʌmbilo' bʌ i cha'an lac Yum, tsa' bʌ loq'uiyob ti' c'ʌb i contra.

Salmos 66:16

Bej chocola tilel la' bʌ. Ubinla, pejtel mu' bʌ la' bʌc'ñan Dios. Mi caj c sub chuqui tsi' melbeyon Dios cha'an mi' coltañon.

Salmos 81:7

Jatet tsa' pejcayon che' woliyet ti wocol, tsa cʌc'ʌyet ti libre. Tsac jac'beyet ya' ti tocal ba' woli ti t'an chajc. Tsa quilʌbeyet a pusic'al ya' ti ja' i c'aba' Meriba.

Exodo 15:16

C Yum, woliyobix ti bʌq'uen. Ñʌch'ʌlix tsa' cʌleyob cha'an wola' coltañon lojon, Jinto mij c'otel lojon ba' samiyon lojon, Jinto mi' laj c'otelob a cha'año' bʌ mʌmbilo' bʌ a cha'an.

Exodo 15:6

C Yum, mi' wen tsictiyel i ñuclel a p'ʌtʌlel. C Yum, tsa' jili a contra cha'an ti a p'ʌtʌlel.

Exodo 16:3

Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Exodo 18:1

Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Exodo 2:25

Dios tsi' q'uele jini israelob ti' yutslel i pusic'al. Tsi' ch'ʌmʌyob ti' wenta.

Exodo 23:23

Come jini cAngel ñaxan mi caj i majlel ti' tojel la' wut cha'an mi' pʌyetla majlel ti' lumal amorreojob yic'ot heteojob yic'ot ferezeojob yic'ot cananeojob yic'ot heveojob yic'ot jebuseojob. Mi caj c jisañob ti pejtelel.

Exodo 4:23

Mic subeñet: La' majlic calobil cha'an mi' ch'ujutesañon. Mi ma'anic ma' choc majlel jini calobil, mi caj c tsʌnsan jini ascuñʌl bʌ a walobil. Che' tsi' yʌlʌ lac Yum”. Che' yom ma' suben Faraón, che'en lac Yum.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Exodo 7:5

Jini egiptojob mi caj i ña'tañob Yumʌlon che' mic pʌsbeñob c p'ʌtʌlel cha'an mi' wersa chocob loq'uel jini israelob. Che' tsi' yʌlʌ Dios.

Numeros 20:14

Ti yambʌ q'uin che' ya'to añob ti Cades, ba' jaxʌl i lumal Edom, Moisés tsi' choco majlel winicob ba'an jini rey am bʌ ti Edom. Tsa' c'oti i yʌlob: Lac pi'ʌlʌch lac bʌ, come i p'olbalon lojon Israel. Wen la' wujil jini wocol tsa' bʌ cubi lojon,