Exodo 18:4 - Chol: I T’an Dios

⁴ I c'aba' yambʌ jiñʌch Eliezer, “Dios mi' coltañon”, come tsi' coltayon che' bʌbʌq'uen mi' tsʌnsañon ti espada Faraón, che'en.

Chol de Tumbalá Bible

⁴ I c'aba' yambʌ jiñʌch Eliezer, “Dios mi' coltañon”, come tsi' coltayon che' bʌbʌq'uen mi' tsʌnsañon ti espada Faraón, che'en.

Jiñi Tsiji' bʌ Wen T'añ cha'añ Estudio

⁴ i c'aba' jiñi yam bʌ jiñʌch Eliezer, come Moisés tsi' yʌlʌ: “I Dios c Tat tsi' coltayon, che' colel i tsʌnsañon ti espada faraón.”

Exodo 18:4 Iomraidhean Croise

Genesis 49:25

Jiñʌch i Dios a tat mu' bʌ caj i coltañet. Jiñʌch Mach bʌ Anic i P'isol i P'ʌtʌlel, mu' bʌ caj i yʌq'ueñet a wenlel. La' i yʌq'ueñet a wenlel tilem bʌ ti panchan yic'ot a wenlel tilem bʌ ti ja' loq'uem bʌ ti mal lum, yic'ot i wenlel a wijñam cha'an mi' tilel a p'olbal, yic'ot i ya'lel i chu' cha'an mi' tsu'san a walobilob.

1 Cronicas 23:17

I yalobil Eliezer, jiñʌch Rehabías jini yumʌl. Ma'anic yambʌ i yalobil Eliezer, pero wen cabʌlob i yalobilob Rehabías.

Salmos 18:1

C Yum, mic wen c'uxbiñet. Wen p'ʌtʌlet.

Salmos 18:48

Jatet mu' bʌ a coltañon loq'uel ti' p'ʌtʌlel j contrajob, Melel ma' loc'sañon ti' tojlelob mu' bʌ i tejchelob tij contra. Tsa' pʌyʌyon loq'uel ti' p'ʌtʌlel jini jontolo' bʌ.

Salmos 34:4

Tsac sajca lac Yum. Tsi' yubiyon. Tsi' loc'sʌbeyon pejtelel c bʌq'uen.

Salmos 46:1

Dios lac p'ʌtʌlelʌch, ba' mi lac majlel ti puts'el. Wʌ'ʌch an la quic'ot cha'an mi' coltañonla che' an bʌbʌq'uen bʌ.

Exodo 10:28

Faraón tsi' sube: Loq'uen tic tojlel. Chʌcʌ q'uele a bʌ cha'an ma'anic ma' chʌn tilel ba' añon, come mi tsa' cha' tiliyet ba' añon mux caj a chʌmel, che'en.

Exodo 2:15

Che' bʌ tsi' yubi Faraón jini tsa' bʌ i mele Moisés, tsi' ña'ta i tsʌnsan. Moisés tsa' puts'i ti' tojlel Faraón. Tsa' ajni ti' lumal Madián.

Exodo 2:22

Tsi' yʌc'ʌ ti pañimil i yalobil. Moisés tsi' yotsʌbe i c'aba' Gersón, come tsi' yʌlʌ: Ch'oyolon ti ñajtʌl. Mach c lumalic ilayi, che'en.

Exodo 4:20

Che' jini Moisés tsi' pʌyʌ majlel i yijñam yic'ot i yalobilob. Tsi' yʌq'ueyob i c'ʌchtan burro tac. Tsa' majliyob ti' lumal egiptojob. Chucul i cha'an Moisés i barate' Dios.

Daniel 6:22

Jini c Dios tsi' choco tilel i yángel cha'an mi' mʌcben i yej jini bajlum tac. Toj tsi' q'ueleyon. Jini cha'an ma'anic chuqui tsi' tumbeyon. Ti a tojlel ja'el, c rey, ma'anic c mul, che'en.

Hechos 12:11

Tsa' toj juli i pusic'al Pedro. Tsi' yʌlʌ: Wʌle mic ña'tan isujmʌch. Jini c Yum tsi' choco tilel i yángel. Tsi' coloyon ti' c'ʌb Herodes yic'ot ti' c'ʌb pejtelel judíojob tsa' bʌ i chijtayoñob. Che' tsi' yʌlʌ ti' pusic'al Pedro.

Hechos 7:29

Che' bʌ tsi' yubi jini t'an, tsa' puts'i majlel Moisés. Tsa' majli ti chumtʌl ti yambʌ lum i c'aba' Madián. Ya'i tsi' yilayob pañimil cha'tiquil ch'iton bʌ i yalobil.

2 Timoteo 4:17

Pero lac Yum tsa' wa'le tic t'ejl. Tsi' yʌq'ueyon c p'ʌtʌlel cha'an ts'ʌcʌl mic sub jini wen t'an, cha'an mi' yubiñob pejtelel gentilob. Tsi' coltayon loq'uel ti' yej colem bajlum yilal.

Hebreos 11:34

tsi' yʌpʌyob ts'ʌplaw bʌ c'ajc, tsi' puts'tayob i yej espada. Che' c'uñob tsa' p'ʌt'esʌntiyob. Tsa' p'ʌtayob ti guerra. Che' motocñayob i contrajob ch'oyolo' bʌ ti yambʌ lum, tsi' yajñesayob.

Hebreos 13:6

Jini cha'an, yom ch'ejl lac pusic'al mi lac sub: “Lac Yum jiñʌch caj Coltaya. Ma'anic mi caj c bʌc'ñan chuqui mi' tumbeñon winicob”, cho'onla.