Exodo 18:26 - Chol: I T’an Dios

²⁶ Tsi' cha'leyob meloñel ti' tojlel i pi'ʌlob. Jini tsʌts tac bʌ tsi' subeyob Moisés. Jini mach bʌ wocolic ti melol tsi' bajñel meleyob.

Chol de Tumbalá Bible

²⁶ Tsi' cha'leyob meloñel ti' tojlel i pi'ʌlob. Jini tsʌts tac bʌ tsi' subeyob Moisés. Jini mach bʌ wocolic ti melol tsi' bajñel meleyob.

Jiñi Tsiji' bʌ Wen T'añ cha'añ Estudio

²⁶ tsi' cha'leyob meloñel ti pejtelel ora ti' tojlel i pi'ʌlob. Jiñi tsʌts tac bʌ tsi' su'beyob Moisés; jiñi mach bʌ wocolic ti' melol tsi' bajñel toj-esayob.

Exodo 18:26 Iomraidhean Croise

1 Reyob 10:1

Jini x'ixic bʌ yumʌl chumul bʌ ti Sabá tsi' yubi an cabʌl i ñuclel Salomón cha'an ñuc bʌ i ye'tel ti' tojlel lac Yum. Jini cha'an tsa' tili i cʌmben i ña'tʌbal cha'an yom i ch'ʌmben isujm jini wocol tac bʌ ti ña'tʌntel.

Job 29:16

I wentajon i tat jini pobre. Tsaj colta ja'el jini mach bʌ j cʌñʌyobic che' bʌ tsi' meleyob i bʌ.

Exodo 18:22

Jini wa'chocobilo' bʌ mi caj i cha'lenob meloñel ti' tojlel i pi'ʌlob. Che' mi' tejchel tsʌts tac bʌ, la' tilic i subeñetob. Jini wa'chocobilo' bʌ mi caj i melob jini e'tel mach bʌ wocolic. Che' jini mi caj i yujtel a we'tel. Jini año' bʌ i ye'tel mi caj i coltañetob.

Levitico 24:11

Che' woli ti leto i yalobil jini egipto, tsi' p'ajbe i C'aba' lac Yum. I c'aba' i ña' jiñʌch Selomit, i yalobil jini Dibri loq'uem bʌ ti' p'olbal Dan. Tsa' pʌjyi ba'an Moisés jini winic tsa' bʌ i cha'le p'ajoñel.

Deuteronomio 1:17

Mach yomic jelchojc jach mi la' c'uxbin winicob che' mi la' melob. Yom lajal mi la' ñich'tʌbeñob i t'an jini p'ump'un bʌ che' bajche' ñuc bʌ. Mach yomic mi la' bʌc'ñan winicob mi juntiquilic, come jini meloñel i cha'añʌch Dios. Jini wocol tac bʌ mach bʌ mejlic la' mel yom mi la' subeñon cha'an mic mel.

Deuteronomio 17:8

Che' mach mejlic a mel a bʌ ya' ti a tejclum cha'an cʌlʌx jax wocol, che' an tsʌnsa, o che' mi' lowob i bʌ, o che' mi' cajatañob i chubʌ'an, che' jini yom mi la' majlel ya' ti ajñibʌl yajcʌbil bʌ i cha'an lac Yum Dios.