Exodo 18:25 - Chol: I T’an Dios

²⁵ Moisés tsi' yajca winicob am bʌ i ña'tʌbal ti pejtelel Israel. Tsi' yʌq'ueyob i ye'tel ti' tojlel i pi'ʌlob ti jujunmojt, juntiquil yumʌl ti' tojlel mil, yambʌ ti' tojlel jo'jo'c'al tac, yic'ot yambʌ ti' tojlel lujuntiquil i yuxc'al tac, yic'ot yambʌ ti' tojlel lujuntiquil tac.

Chol de Tumbalá Bible

²⁵ Moisés tsi' yajca winicob am bʌ i ña'tʌbal ti pejtelel Israel. Tsi' yʌq'ueyob i ye'tel ti' tojlel i pi'ʌlob ti jujunmojt, juntiquil yumʌl ti' tojlel mil, yambʌ ti' tojlel jo'jo'c'al tac, yic'ot yambʌ ti' tojlel lujuntiquil i yuxc'al tac, yic'ot yambʌ ti' tojlel lujuntiquil tac.

Jiñi Tsiji' bʌ Wen T'añ cha'añ Estudio

²⁵ Moisés tsi' yajca wiñicob año' bʌ i ña'tʌbal ti pejtelel Israel yic'ot tsi' yʌq'ueyob i ye'tel ti' tojlel i pi'ʌlob ti jujunmojt. Yom juntiquil yumʌl ti' tojlel jujump'ejl mil tac yic'ot ti' tojlel jo'jo'c'al tac yic'ot ti' tojlel lujump'ejl i yuxc'al tac yic'ot ti' tojlel lujuntiquil tac,

Exodo 18:25 Iomraidhean Croise

2 Samuel 18:1

David tsi' tsolo i soldadojob. Tsi' wa'choco jini mu' bʌ i q'uelob soldadojob. Tsi' t'oxoyob tac ti jujump'ejl mil yic'ot ti jo'jo'c'al.

Exodo 18:21

Che' ja'el yom ma' yajcan winicob año' bʌ i ña'tibal, xuculo' bʌ winicob mu' bʌ i bʌc'ñañob Dios, winicob mach bʌ anic mi' mulañob taq'uin. Yom ma' wa'chocoñob ti' ye'tel. Yom juntiquil yumʌl ti' tojlel jujump'ejl mil yic'ot yambʌ ti' tojlel jo'jo'c'al yic'ot yambʌ ti' tojlel lujump'ejl i yuxc'al tac, yic'ot yambʌ ti' tojlel lujuntiquil tac.

Exodo 18:24

Moisés tsi' jac'be i t'an i ñij'al. Tsi' lu' mele che' bajche' tsi' yʌlʌ.

Numeros 1:16

Jiñʌch i c'aba'ob ili winicob tsa' bʌ wa'chocontiyob ti jujunmojt israelob, jini añobix bʌ i pusic'al ti' tojlel i tatob.

Numeros 11:16

Jini cha'an lac Yum tsi' sube Moisés: Tempan lujuntiquil i chʌnc'al (70) winicob a cʌñʌyo' bʌ, ñoxobix bʌ ti' tojlel israelob año' bʌ i ye'tel. Pʌyʌyob tilel ti' ti' jini Tabernáculo. La' tem wa'lecob a wic'ot ya'i.

Hechos 6:5

Uts'at tsi' yubibeyob i t'an ti pejtelelob. Tsi' yajcayob Esteban, ñopol bʌ i cha'an i t'an Dios ti jump'ejl i pusic'al, but'ul bʌ ti Ch'ujul bʌ Espíritu. Tsi' yajcayob Felipe ja'el yic'ot Prócoro yic'ot Nicanor yic'ot Timón yic'ot Parmenas yic'ot Nicolás, jini tsa' bʌ ochi i ñop ti Antioquía.

Deuteronomio 1:15

Jini cha'an tsac pʌyʌ jini ñuc taco' bʌ i ye'tel ti la' tojlel año' bʌ cabʌl i ña'tʌbal. Tsac wa'chocoyob ti' ye'tel cha'an mi' cʌntañob winicob. An tsa' bʌ i tajayob ti mil tac ti jujunmojt, yic'ot ti jo'jo'c'al tac, yic'ot ti lujuntiquil tac i yuxc'al, yic'ot ti lujuntiquil tac.