Exodo 18:23 - Chol: I T’an Dios

²³ Mi che'ʌch ma' mel, mi che'ʌch yom Dios, mi mejlel a chʌn cha'len a we'tel. Che' jini tijicñayob mi caj i sujtelob ti' yotot pejtelel ili winicob x'ixicob, che'en.

Chol de Tumbalá Bible

²³ Mi che'ʌch ma' mel, mi che'ʌch yom Dios, mi mejlel a chʌn cha'len a we'tel. Che' jini tijicñayob mi caj i sujtelob ti' yotot pejtelel ili winicob x'ixicob, che'en.

Jiñi Tsiji' bʌ Wen T'añ cha'añ Estudio

²³ Mi che'ʌch ma' mel, Dios mi caj i su'beñet chuqui mi caj a mel, che' jiñi mi caj i mejlel a chʌn cha'len a we'tel yic'ot mi caj i sujtelob ti yotot pejtelel wiñicob x'ixicob ti' ñʌch'tʌlelob i pusic'al.

Exodo 18:23 Iomraidhean Croise

Genesis 18:33

Lac Yum tsa' majli che' bʌ tsa' ujti i pejcan Abraham. Tsa' cha' sujti majlel Abraham ti' yotot.

Genesis 30:25

Che' meq'uelix José i cha'an Raquel, Jacob tsi' sube Labán: Chocoyon majlel cha'an mic sujtel tic lumal ba' ch'oyolon.

2 Samuel 18:3

Pero jini winicob tsi' subeyob: Mach yomic ma' majlel, come mi tsa' puts'iyon lojon ma'anic mi caj i p'ison lojon ti wenta jini laj contrajob. Anquese mic chʌmel lojon ti ojlil, ma'anic chuqui mi' cha'len. Pero jatet wen ñuc a c'ʌjñibal che' bajche' lujump'ejl mil winicob. Jini cha'an yom ma' cʌytʌl ti tejclum cha'an ma' chocbeñon lojon tilel j coltʌntel lojon ya' baqui mic majlel lojon, che'ob.

2 Samuel 19:39

Tsa' laj c'axiyob winicob ti Jordán ja'. Che' bʌ c'axemix ja'el jini rey, tsi' ts'ujts'u Barzilai. Che' jini tsi' choco sujtel ti' yotot yic'ot i yutslel i t'an.

2 Samuel 21:17

Pero ti jim bʌ ora Abisai (i yalobil Sarvia) tsa' c'oti i coltan David. Tsi' tsʌnsa jini filisteo. Jini cha'an jini winicob tsa' caji i subeñob David: Mach yomix ma' chʌn loq'uel ti guerra ti pejtelel ora ame a wʌc' ti jisʌntel i ñuclel israelob, che'ob.

Exodo 16:29

Ña'tanla, tsa'ix cʌq'ueyetla jump'ejl q'uin cha'an mi la' c'aj la' wo. Che' ti' wʌcp'ejlel q'uin on mi cʌq'ueñetla waj cha'an cha'p'ejl q'uin. Yom mi la' cʌytʌl ti la' chumlib ti jujuntiquiletla che' ti wucp'ejlel q'uin. Mach yomic mi la' loq'uel cha'an mi la' sʌclan i bʌl la' ñʌc' mi juntiquileticla, che'en lac Yum.

Exodo 18:18

Cabʌl wola' jisan a wersa. Woli' lujb'añob winicob x'ixicob ja'el, come c'ax tsʌts ili e'tel woli bʌ a mel. Mach mejlic a bajñel mele'.

Exodo 18:22

Jini wa'chocobilo' bʌ mi caj i cha'lenob meloñel ti' tojlel i pi'ʌlob. Che' mi' tejchel tsʌts tac bʌ, la' tilic i subeñetob. Jini wa'chocobilo' bʌ mi caj i melob jini e'tel mach bʌ wocolic. Che' jini mi caj i yujtel a we'tel. Jini año' bʌ i ye'tel mi caj i coltañetob.

Exodo 18:24

Moisés tsi' jac'be i t'an i ñij'al. Tsi' lu' mele che' bajche' tsi' yʌlʌ.

Hechos 15:2

Pablo yic'ot Bernabé tsa' caji i cʌlʌx pejcañob i bʌ yic'ot judíojob. Tsi' contrajiyob i bʌ ti t'an. Jini cha'an jini hermanojob tsi' wa'chocoyob Pablo yic'ot Bernabé yic'ot cha'tiquil uxtiquil yaño' bʌ cha'an mi' majlelob ti Jerusalén cha'an mi' c'ajtibeñob i sujmlel tsep pʌchʌlel jini apóstolob yic'ot jini ancianojob.

Gálatas 2:2

Cʌntesʌbilon ti Dios tsa' majliyon cha'an mic tsictesʌbeñob jini wen t'an mu' bʌ c subeñob gentilob. Tic bajñel lojon yic'ot jini hermanojob año' bʌ i ye'tel tsac subeyob pejtel chuqui tsac cha'le yic'ot pejtel j cʌntesa, cha'an uts'at mi' yujtel que'tel ti' tojlelob che' junlajal lac pusic'al.

1 Samuel 8:22

Lac Yum tsi' sube Samuel: Jac'beñob i t'an. Wa'chocobeñob i rey, che'en. Che' jini Samuel tsa' caji i subeñob israelob cha'an mi' laj sujtelob ti' lumal.