Exodo 18:21 - Chol: I T’an Dios

²¹ Che' ja'el yom ma' yajcan winicob año' bʌ i ña'tibal, xuculo' bʌ winicob mu' bʌ i bʌc'ñañob Dios, winicob mach bʌ anic mi' mulañob taq'uin. Yom ma' wa'chocoñob ti' ye'tel. Yom juntiquil yumʌl ti' tojlel jujump'ejl mil yic'ot yambʌ ti' tojlel jo'jo'c'al yic'ot yambʌ ti' tojlel lujump'ejl i yuxc'al tac, yic'ot yambʌ ti' tojlel lujuntiquil tac.

Chol de Tumbalá Bible

²¹ Che' ja'el yom ma' yajcan winicob año' bʌ i ña'tibal, xuculo' bʌ winicob mu' bʌ i bʌc'ñañob Dios, winicob mach bʌ anic mi' mulañob taq'uin. Yom ma' wa'chocoñob ti' ye'tel. Yom juntiquil yumʌl ti' tojlel jujump'ejl mil yic'ot yambʌ ti' tojlel jo'jo'c'al yic'ot yambʌ ti' tojlel lujump'ejl i yuxc'al tac, yic'ot yambʌ ti' tojlel lujuntiquil tac.

Jiñi Tsiji' bʌ Wen T'añ cha'añ Estudio

²¹ Che' ja'el yom ma' yajcan wiñicob año' bʌ i ña'tʌbal, mu' bʌ i bʌc'ñañob Dios, isujm bʌ mi' cha'leñob t'añ, mach bʌ añic mi' mulañob taq'uiñ. Yom ma' wa'chocoñob ti ye'tel ti' tojlel israelob, yom juntiquil yumʌl ti' tojlel jujump'ejl mil tac yic'ot ti' tojlel jo'jo'c'al tac yic'ot ti' tojlel lujump'ejl i yuxc'al tac yic'ot ti' tojlel lujuntiquil tac.

Exodo 18:21 Iomraidhean Croise

Genesis 22:12

Tsi' yʌlʌ: Mach a tsʌnsan jini ch'iton. Mach ma' tic'lan, come cujilix wola' bʌc'ñan Dios. Tsa' wʌq'ueyon a walobil, jini cojach bʌ a walobil, che'en.

Genesis 42:18

Che' ti yuxp'ejlel q'uin José tsi' subeyob: Melela che' bajche' mic subeñetla cha'an mi la' coltan la' bʌ, come mic bʌc'ñan Dios.

2 Samuel 18:1

David tsi' tsolo i soldadojob. Tsi' wa'choco jini mu' bʌ i q'uelob soldadojob. Tsi' t'oxoyob tac ti jujump'ejl mil yic'ot ti jo'jo'c'al.

2 Samuel 23:3

Jini i Dios Israel tsa'ix i yʌlʌ jini t'an. Jini xuc'ul bʌ ti' tojlel israelob tsa'ix i pejcayon: “Jini mu' bʌ i cha'len yumʌl ti toj mi caj i ch'ʌm i ye'tel ti' tojlel winicob. An i yumʌntel come mi' bʌc'ñan Dios.

1 Reyob 18:12

Pero che' mic majlel, jini i yEspíritu lac Yum mi caj i pʌyet majlel ba' ma'anic mic ña'tan. Che' mi' tilel Acab i sʌclañet, che' ma'anic mi' tajet, mi caj i tsʌnsañon, anquese c'ʌlʌl che' ch'itoñon to tsac wen tsajca lac Yum.

1 Reyob 18:3

Abdías jiñʌch x'ac' e'tel ti' yotot Acab. Abdías tsi' wen tsajca lac Yum. Che' bʌ tsi' ñopo i tsʌnsan jini x'alt'añob i cha'an lac Yum jini Jezabel, Abdías tsi' colta jo'c'al x'alt'añob. Tsi' t'oxoyob ti cha'mojt, ti lujuntiquil i yuxc'al (50) tac. Tsi' mucuyob ti ch'en. Tsi' yʌq'ueyob chuqui mi' c'uxob yic'ot chuqui mi' japob.

Esdras 7:25

Jixcu jatet Esdras, che'ʌch bajche' c'amel a ña'tʌbal aq'uebilet bʌ ti Dios, yom ma' wa'chocon juezob yic'ot gobernador cha'an mi' cha'leñob yumʌntel ya' ti junwejl jini Eufrates ja' ba' mi' bʌjlel q'uin. Yom ma' cʌntesan jini mach bʌ anic mi' cʌñob i mandar Dios.

Nehemias 5:9

Tsac subeyob ja'el: Mach uts'atic chuqui woli la' mel. ¿Mach ba yomic mi la' mel chuqui uts'at cha'an mi la' bʌc'ñan Dios? Machiqui mi caj i ts'a'leñoñla laj contrajob ti yan tac bʌ lum.

Nehemias 7:2

Tsa cʌc'ʌ Jerusalén ti' wenta Hanani, c pi'ʌl, yic'ot ti' wenta Hananías, jini capitán tsa' bʌ i cʌntʌbe i yotot gobernador, come xuc'ul i pusic'al ili winic. Ñumen tsi' bʌc'ña Dios bajche' yaño' bʌ.

Job 1:1

Tsa' chumle ti lum i c'aba' Uz juntiquil winic uts'at bʌ i pusic'al, i c'aba' Job. Tsi' c'uxbi Dios. Tsi' cʌnta i bʌ cha'an ma'anic mi' taj mulil.

Job 29:16

I wentajon i tat jini pobre. Tsaj colta ja'el jini mach bʌ j cʌñʌyobic che' bʌ tsi' meleyob i bʌ.

Job 31:13

Mi tsac chilbeyob i coltʌntel x'e'telob c cha'an che' woli' c'ajtiñob,

Salmos 15:1

C Yum, ¿majqui mi' caj ti ajñel ti a wotot? ¿Majqui mi' caj ti chumtʌl ti ch'ujul bʌ a bujtʌl? Jiñʌch jini toj bʌ i pusic'al mu' bʌ i mel chuqui toj.

Salmos 15:5

Ma'anic mi' ch'ʌm i jol taq'uin che' mi' yʌc' ti majan. Ma'anic mi' ch'ʌm taq'uin cha'an mi' tic'lan jini mach bʌ anic i mul. Jini toj bʌ mu' bʌ i mel pejtel iliyi, chʌn xuc'ul mi' caj ti ajñel.

Exodo 17:9

Moisés tsi' sube Josué: Yajcan winicob cha'an ma' pʌyob majlel ti guerra ti' contra jini amalecob. Ijc'ʌl mi caj c wa'tʌl ti' jol wits, chucul c cha'an i te' Dios, che'en.

Exodo 18:25

Moisés tsi' yajca winicob am bʌ i ña'tʌbal ti pejtelel Israel. Tsi' yʌq'ueyob i ye'tel ti' tojlel i pi'ʌlob ti jujunmojt, juntiquil yumʌl ti' tojlel mil, yambʌ ti' tojlel jo'jo'c'al tac, yic'ot yambʌ ti' tojlel lujuntiquil i yuxc'al tac, yic'ot yambʌ ti' tojlel lujuntiquil tac.

Proverbios 28:2

Mi' p'ojlel año' bʌ i ye'tel che' mi' t'oxob i bʌ ti leto winicob x'ixicob. Jini p'ip' bʌ i pusic'al yujil i ñʌch'chocontel leto cha'an mi' jalijel i yumʌntel.

Eclesiastes 12:13

Cojach jini mic sub. Bʌc'ñan Dios, jac'ben i mandar, come jiñʌch mu' bʌ i wersa c'ajtibeñet.

Isaias 33:15

Lac Yum tsi' jac'ʌ: Jini mu' bʌ i mel chuqui uts'at, mu' bʌ i cha'len toj bʌ t'an, jini mach bʌ yujilic xujch', mach bʌ anic mi' ch'ʌm majtañʌl tac cha'an chuqui tac mi' mel, jini mach bʌ yomic i yubin leco bʌ t'an, jini mach bʌ anic mi' coltan stsʌnsa, jini mach bʌ anic mi' jac'ob i pʌyol ti mulil.

Isaias 59:4

Ma'anic majqui yom toj bʌ meloñel. Mi la' mulan lot. Mi la' sub chuqui mach isujmic. Mi' tejchel mulil ti la' pusic'al. Mi' xiq'uet ti jontolil.

Jeremias 5:1

Cucu ti ñumel ya' ba'an garita tac ti Jerusalén. Wen q'uele bajche' mi' melob. Otsan ti a pusic'al. Sʌclan ñumel juntiquil mu' bʌ i mel chuqui toj ya' ti choñoñibʌl. Q'uele mi an juntiquil mu' bʌ i yotsan ti' pusic'al chuqui tac isujm cha'an mic pʌsben i yutslel c pusic'al.

Ezequiel 18:8

Ma'anic mi' c'ajtin i jol taq'uin che' mi' yʌc' ti majan. Uts'at mi' ñusan q'uin ti' tojlel pejtelel winicob.

Ezequiel 22:12

Mi la' ch'ʌm la' tojol cha'an mi la' cha'len tsʌnsa. Mi la' tic'lan la' pi'ʌlob. Tsa'ix ñajʌyiyon la' cha'an, che'en lac Yum Dios.

Zacarias 7:9

I Yum Panchan yic'ot Pañimil woli' yʌl: Toj yom mi la' mel. Cha'lenla chuqui uts'at ti' tojlel la' pi'ʌlob. Pʌsbeñob i yutslel la' pusic'al.

Zacarias 8:16

Melela che' bajche' wolic subeñetla. Pejcan la' bʌ ti isujm. Cha'lenla meloñel ti toj cha'an ñʌch'ʌl mi la' wajñel yic'ot la' pi'ʌlob.

Numeros 1:16

Jiñʌch i c'aba'ob ili winicob tsa' bʌ wa'chocontiyob ti jujunmojt israelob, jini añobix bʌ i pusic'al ti' tojlel i tatob.

Numeros 10:4

Pero che' jump'ejl jach mi' wustʌl jini trompeta, cojach yom mi' tilelob ba' añet jini ñuc taco' bʌ i ye'tel loq'uemo' bʌ ti' tojlel pejtel israelob.

Lucas 18:2

Tsi' yʌlʌ: An xmel mulil ti jump'ejl tejclum. Ma'anic tsi' bʌc'ña Dios. Ma'anic tsi' c'uxbi winicob.

Lucas 18:4

Tsa' ñumi cabʌl ora cha'an mach yomic i coltan jini x'ixic. Ti wi'il tsa' caji i bajñel al ti' pusic'al: “Ma'anic mic bʌc'ñan Dios. Ma'anic mij c'uxbin winicob.

Hechos 20:33

Ma'anic tsac mulʌbeyetla chuqui an la' cha'an, mi plata, mi oro, mi pisil.

Hechos 6:3

Jini cha'an hermanojob, yajcanla wuctiquil winicob uts'at bʌ i pusic'al but'ulob ti Ch'ujul bʌ Espíritu, yic'ot wen bʌ i ña'tʌbal, cha'an mi la' wa'chocoñob cha'an jini e'tel.

Deuteronomio 22:18

Jini xñoxob muq'uix i chucob jini winic cha'an mi' jats'ob ti pʌchi.

1 Timoteo 3:3

Mach yomic mi' mulan vino. Mach yomic mi' jats' i pi'ʌlob. Mach yomic mi' mulan taq'uin. Yom uts i pusic'al. Mach yomic mi' cha'len leto. Mach yomic i ts'i'lel i wut cha'an chubʌ'añʌl.

Josue 22:14

Tsa' majli yic'ot lujuntiquil winicob, loq'uemo' bʌ ti jujunmojt israelob. Ti jujuntiquil tatʌlʌch ti' yotot ti' tojlel israelob.

1 Samuel 8:12

Jini rey mi caj i wa'chocon ñuc taco' bʌ i ye'tel cha'an mi' cʌntañob winicob ti mil tac, yic'ot lujuntiquil i yuxc'al tac año' bʌ i ye'tel ti guerra. Yaño' bʌ mi caj i top'beñob i lum, mi' cajelob ti c'ajbal. Yaño' bʌ mi caj i melbeñob i ye'tijib cha'an guerra yic'ot i te'el tac i carreta.

1 Samuel 8:3

Pero mach lajalobic tsi' meleyob che' bajche' i tat. Tsa' jach caji i mulañob taq'uin. Tsi' ch'ʌmʌyob tac i majtan. Mach tojic tsi' cha'leyob meloñel.