Exodo 18:19 - Chol: I T’an Dios

¹⁹ Ñich'tʌbeñon c t'an. Wolic toj'esañet. La' ajnic Dios awic'ot. Yajcʌbilet cha'an ma' pejcan Dios cha'an i coltʌntel winicob x'ixicob. An ti a wenta cha'an ma' wʌc' ti' wenta Dios chuqui woli' yujtel.

Chol de Tumbalá Bible

¹⁹ Ñich'tʌbeñon c t'an. Wolic toj'esañet. La' ajnic Dios awic'ot. Yajcʌbilet cha'an ma' pejcan Dios cha'an i coltʌntel winicob x'ixicob. An ti a wenta cha'an ma' wʌc' ti' wenta Dios chuqui woli' yujtel.

Jiñi Tsiji' bʌ Wen T'añ cha'añ Estudio

¹⁹ Ñʌch'tʌbeñon c t'añ: mi caj c toj-esañet, Dios mi caj i yajñel a wic'ot. Jatet yom ma' pejcan Dios cha'añ i coltʌntel wiñicob x'ixicob yic'ot ac'ʌ ti' wenta Dios chuqui woli yujtel.

Exodo 18:19 Iomraidhean Croise

Genesis 39:2

An lac Yum yic'ot José. Uts'at tsa' majli i ye'tel José ya' ti' yotot i yum chumul bʌ ti Egipto.

2 Samuel 14:17

Jini cha'an mic subeñet, c yum, cha'an yom ma' wʌc' a t'an cha'an mi' cha' tilel i ñuclel c pusic'al, come reyet wʌle. Lajalet bajche' juntiquil i yángel Dios mu' bʌ mejlel i ña'tan chuqui wen yic'ot chuqui jontol. Jini cha'an la' ajnic a wic'ot lac Yum Dios. Che' tsi' yʌlʌ jini x'ixic.

Exodo 18:15

Moisés tsi' jac'ʌ: Come jini winicob x'ixicob mi' tilelob ba' añon che' yomob i toj'esʌntel ti Dios.

Exodo 18:20

Yom ma' cʌntesan israelob jini mandar tac che' bajche' ts'ijbubil. Pʌsbeñob i bijlel ba' yom mi' cha'leñob xʌmbal, yic'ot chuqui yom mi' melob.

Exodo 18:24

Moisés tsi' jac'be i t'an i ñij'al. Tsi' lu' mele che' bajche' tsi' yʌlʌ.

Exodo 20:19

Tsi' subeyob Moisés: Pejcañon lojon, mi caj c ñich'tʌbeñet a t'an. Pero mach comic mi' pejcañon lojon Dios ame chʌmicon lojon, che'ob.

Exodo 3:12

Pero Dios tsi' yʌlʌ: Mi caj cajñel awic'ot. Mi caj c pʌs c p'ʌtʌlel ti a tojlel cha'an mi' tsictiyel wa'chocobilet c cha'an. Che' bʌ tsa'ix a pʌyʌ loq'uel ti Egipto jini winicob x'ixicob, mi caj la' ch'ujutesañon ti ili wits, che'en.

Exodo 4:12

Cucu, che' jini. Mi caj cajñel yic'ot a wej. Mi caj cʌntesañet chuqui mi caj a sub, che'en.

Exodo 4:16

Aarón mi caj i pejcan winicob x'ixicob. Mi caj i cha' sub chuqui tac ma' suben. I wentajet Dios ti' tojlel Aarón.

Proverbios 9:9

Cʌntesan jini am bʌ i ña'tʌbal. Mux i yutsi p'ojlel i ña'tʌbal. Cʌntesan jini toj bʌ. Mux i taj cabʌl i pusic'al.

Numeros 27:5

Jini cha'an Moisés tsa' majli i c'ajtiben lac Yum mi che'ʌch yom. Lac Yum tsi' sube Moisés: Uts'at che' bajche' woli' ña'tañob i yixic'alob Zelofehad. Yomʌch ma' wʌq'ueñob i lum ti' tojlel i yerañob i tat. Jini lum am bʌ ti' wenta i tat la' aq'uenticob.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Deuteronomio 20:1

Che' mi la' loq'uel ti guerra, che' talob ti la' contra winicob yic'ot caballo yic'ot carreta tac ñumen bʌ ti tsic che' bajche' jatetla, mach mi la' bʌc'ñañob, come lac Yum Dios tsa' bʌ i loc'sayetla ti Egipto woli' coltañetla.

Deuteronomio 5:5

Xinlʌpʌlon ti la' tojlel yic'ot ti' tojlel lac Yum, come jatetla tsa' la' bʌc'ña jini c'ajc. C bajñel tsa' letsiyon ti wits, ma'anic tsa' letsiyetla. Lac Yum tsi' pejcayon. Joñon tsac cha' subeyetla i t'an. Jiñʌch tsa' bʌ i yʌlʌ:

Josue 1:9

Jiñʌch c mandar woli bʌ c subeñet. Yom ma' p'ʌt'esan a bʌ. Yom ch'ejlet. Mach a cha'len bʌq'uen. Mach yomic ma' lujb'an. Come lac Yum Dios mi caj i yajñel a wic'ot baqui jach ma' majlel. Che' tsi' yʌlʌ lac Yum.