Exodo 18:11 - Chol: I T’an Dios

¹¹ Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Chol de Tumbalá Bible

¹¹ Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Jiñi Tsiji' bʌ Wen T'añ cha'añ Estudio

¹¹ Wʌle cʌmbilix c cha'añ, ñumen ñuc lac Yum che' bajche' pejtelel dios tac, come ñuc tsi' pʌsʌ i bʌ lac Yum ti' tojlel jiñi egiptojob tsa' bʌ i chañ-esayob i bʌ.

Exodo 18:11 Iomraidhean Croise

1 Reyob 17:24

Jini meba' tsi' jac'ʌ: Wʌle cujil i winiquet Dios. Tilem ti Dios chuqui ma' wʌl, che'en.

2 Reyob 5:15

Che' lajmenix, tsa' cha' majli ba'an i winic Dios. Tsa' c'otiyob ti wa'tʌl ti' tojlel jini x'alt'an. Naamán tsi' sube Eliseo: Cujilix ma'anix yambʌ Dios ti pañimil, cojach ti Israel. Jini cha'an a wocolic yom ma' ch'ʌm a majtan woli bʌ c pʌsbeñet, come a winicon, che'en Naamán.

1 Cronicas 16:25

Come ñucʌch lac Yum, yom mi' wen sujbel i ñuclel. Yom mi lac wen bʌc'ñan Dios ñumen bajche' mi' bʌc'ñʌntelob dioste' tac.

2 Cronicas 2:5

Wen ñuc jini otot mu' bʌ caj c wa'chocon. Wen ñuc lac Dios. Ma'anic yambʌ ñuc bʌ ti' tojlel jini diosob.

Nehemias 9:10

Tsa' pʌsbe Faraón ñuc bʌ i yejtal a p'ʌtʌlel yic'ot bʌbʌq'uen tac bʌ che' bʌ tsa' wʌc'ʌ ti wocol yic'ot i winicob yic'ot pejtel año' bʌ ti' lumal. Come tsa' ña'ta bajche' tsi' contrajiyob c ñojte'el lojon che' bʌ tsi' chañ'esayob i bʌ. Jini cha'an tsa' pʌsbeyob a p'ʌtʌlel cha'an mi' cʌñetob che' bajche' mij cʌñet lojon wʌle.

Nehemias 9:16

C ñojte'el lojon yic'ot c tat lojon tsi' chañ'esayob i bʌ. Tsʌts tsi' meleyob i pusic'al. Ma'anic tsi' jac'ʌyob a mandar.

Nehemias 9:29

Cabʌl tsa' xiq'uiyob. Tsa' cha' pʌyʌyob cha'an mi' jac'ob a tic'oñel. Tsi' chañ'esayob i bʌ. Ma'anic tsi' ch'ujbiyob a mandar. Tsi' ñusayob i cʌntesʌntel anquese tsa' wʌlʌ mi caj i cuxtiyel jini mu' bʌ i jac'. Ma'anic tsi' jac'ʌyob. Tsʌtsob i pusic'al. Ch'ejlatax tsi' meleyob i bʌ. Mach yomobic i jac'beñet a t'an.

Salmos 119:21

Tsa'ix a tiq'ui jini chan bʌ mi' melob i bʌ. Chocbilob ti a tojlel cha'an tsi' cʌyʌyob a mandar.

Salmos 135:5

Cujil wen ñuc lac Yum. Cujil ma'anic ñuc bʌ che' bajche' lac Yum ti' tojlel pejtel jini diosob.

Salmos 31:23

C'uxbinla lac Yum pejtel i cha'añet bʌ la, Come lac Yum mi' cʌntan jini mu' bʌ i ñopob. Mi' yʌq'uen i toj i mul jini mu' bʌ i chañ'esan i bʌ.

Salmos 95:3

Come ñucʌch Dios lac Yum. Jiñʌch ñuc bʌ Rey ti' tojlel pejtelel diosob.

Salmos 97:9

Come jatet, c Yum, wen ñuquet, c'uxbibilet. Mach ñucobic jini ñuco' bʌ ti pañimil yic'ot pejtelel i diosob.

Exodo 1:10

La' lac p'ʌtesan lac bʌ ti' contra cha'an ma'anix mi' chʌn p'ojlelob. Mi tsa' tejchi guerra mi caj i coltañob laj contrajob. Che' jini mi caj i contrajiñonla. Mi caj i loq'uelob ti lac lum, che'en.

Exodo 1:16

Che' mi' q'uelob pañimil i yalobilob hebreojob, mi ch'iton, yom mi la' tsʌnsan. Mi xch'oc, la' colic, che'en.

Exodo 1:22

Che' jini Faraón tsi' yʌq'ue mandar pejtelel winicob x'ixicob ti' lumal: Che' mi' yilan pañimil ch'iton ti' tojlel hebreojob, chocola ti colem ja', pero la' cuxtiyic jini xch'oc tacob, che'en.

Exodo 10:3

Jini cha'an Moisés yic'ot Aarón tsa' majliyob ba'an Faraón. Tsi' subeyob: Lac Yum, i Dios hebreojob, woli' yʌl: “¿Jala to ba mi caj a peq'uesan a bʌ tic tojlel? Choco majlel c cha'año' bʌ cha'an mi' ch'ujutesañoñob.

Exodo 12:12

Come mi caj c ñumel ti Egipto ti ili ac'ʌlel. Mi caj c jats' pejtel jini ascuñʌlo' bʌ ti Egipto, winicob yic'ot i yʌlac'ob. Mi caj c jisan pejtel jini dioste' tac i cha'an egiptojob. Joñon Yumʌlon.

Exodo 14:18

Jini egiptojob mi caj i ña'tañob Yumʌlon che' mi' tsictiyel c ñuclel ti' tojlel Faraón ti' tojlel jini c'ʌchʌlo' bʌ ti carreta tac yic'ot ti caballo.

Exodo 14:8

Lac Yum tsi' tsʌts'esʌbe i pusic'al Faraón, rey bʌ ti Egipto. Tsi' yajñesayob majlel israelob, pero woli' loq'uelob jini israelob cha'an ti' p'ʌtʌlel Dios.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Exodo 5:2

Faraón tsi' c'ajtibeyob: ¿Majqui la' Yum? ¿Chucoch mic lon ñopben i t'an cha'an mic chocob majlel? Mach cʌmbilic c cha'an la' Yum. Ma'anic mi caj c choc majlel jini israelob, che'en.

Exodo 5:7

Ma'anix mi caj la' wʌq'ueñob jam jini x'e'telob woli bʌ i melob ladrillo. La' i bajñel tempañob tilel jam.

Daniel 4:37

Jini cha'an, joñon Nabucodonosor, mic ch'ujutesan, mic ñuq'uesan, mij q'uel ti ñuc jini Yumʌl am bʌ ti panchan. Pejtelel chuqui mi' mel utsat, toj ja'el. An i p'ʌtʌlel cha'an mi' peq'uesan jini mu' bʌ i chañ'esañob i bʌ. Che' tsi' yʌlʌ Nabucodonosor.

Lucas 1:51

Tsa'ix i pʌsʌ i p'ʌtʌlel i c'ʌb yic'ot ñuc bʌ i melbal. Tsi' pucu majlel jini tsa' bʌ i q'ueleyob i bʌ ti ñuc ti' bajñel ña'tʌbal.

Santiago 4:6

Cabʌl mi' yʌq'ueñonla lac p'ʌtʌlel cha'an mi' mʌjlel lac cha'an. Jini cha'an mi' yʌl: “Dios mi' contrajin jini mu' bʌ i chañ'esañob i bʌ, pero mi' p'ʌt'esan jini mu' bʌ i peq'uesañob i bʌ”, che'en.

1 Pedro 5:5

Che' ja'el, ch'iton winicob, ac'ʌ la' bʌ ti' wenta ancianojob. Ti la' pejtelel chʌn mele la' bʌ ti pec' ti' tojlel la' pi'ʌlob, come Dios mi' contrajin jini mu' bʌ i chañ'esan i bʌ. Mi' yʌq'uen i yutslel i pusic'al jini mu' bʌ i peq'uesan i bʌ.

1 Samuel 2:3

Mach la' chañ'esan la' bʌ tic tojlel. Mach la' chʌn ts'a'leñon ti la' t'an, Come wen yujil lac Yum bajche' añonla. Mi' ch'ʌm ti wenta pejtelel i melbal winicob.