Exodo 18:1 - Chol: I T’an Dios

¹ Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Chol de Tumbalá Bible

¹ Jetro, jini motomaj ya' ti Madián, i ñij'al Moisés, tsi' yubi pejtelel jini ñuc tac bʌ tsa' bʌ i mele Dios cha'an mi' coltan Moisés yic'ot i cha'año' bʌ che' bʌ tsi' pʌyʌyob loq'uel ti Egipto.

Jiñi Tsiji' bʌ Wen T'añ cha'añ Estudio

¹ Tsi' yu'bi Jetro, jiñi motomaj bʌ ti Madián, i ñij-al Moisés, pejtelel jiñi ñuc tac bʌ tsa' bʌ i mele Dios cha'añ mi' coltañ Moisés yic'ot israelob i cha'año' bʌ yic'ot che' bajche' tsi' pʌyʌyob loq'uel israelob ti Egipto.

Exodo 18:1 Iomraidhean Croise

Salmos 105:43

Tsi' pʌyʌ loq'uel i cha'año' bʌ. Tijicñayob i pusic'al tsa' loq'uiyob. Jini yajcʌbilo' bʌ i cha'an tsi' cha'leyob c'ay.

Salmos 105:5

Ña'tʌbenla i yejtal tac i p'ʌtʌlel tsa' bʌ i pʌsʌ, Jini bʌbʌq'uen tac bʌ i melbal che' bʌ tsi' yʌc'ʌ i t'an ti' contra egiptojob.

Salmos 106:2

¿Majqui yujil i subol jini ñuc tac bʌ i melbal lac Yum? ¿Majqui mi mejlel i pʌs pejtel i ñuclel?

Salmos 34:2

Mi caj i ñuc'an c pusic'al cha'an c Yum. Tijicña mi caj i yubiñob jini utso' bʌ.

Salmos 44:1

Tsa'ix cubi lojon. Tsi' subeyon lojon c ñojte'el Chuqui tac tsa' mele ti wajali.

Salmos 78:4

Mach la comic mi' ñajʌyel ti' pusic'al la calobilob. Mux lac subeñob cha'an mi' cʌñob i ñuclel lac Yum, Yic'ot i p'ʌtʌlel, yic'ot jini bʌbʌq'uen tac bʌ i melbal.

Exodo 2:16

Ya' tsa' buchle ti' ti' pozo. An wuctiquil xch'oc bʌ i yalobilob jini motomaj ti Madián. Tsa' tiliyob ti luch ja' jini xch'ocob. Tsi' but'uyob i yajnib ja' cha'an mi' japob jini tiñʌme' i cha'an i tat.

Exodo 2:18

Tsa' sujtiyob ti' yotot ba'an i tat i c'aba' Reuel. I tat tsi' subeyob: Ora jach tsa' sujtiyetla wʌle. ¿Chucoch? che'en.

Exodo 2:21

Moisés tsi' jac'ʌ majlel ya' ti' yotot Reuel. Ya'ix tsa' cʌle. Jini winic tsi' yʌq'ue Moisés xch'oc bʌ i yalobil i c'aba' Séfora cha'an i yijñam.

Exodo 3:1

Moisés tsa' caji' cʌntʌben i yʌlac' i nij'al i c'aba' Jetro. Jiñʌch motomaj am bʌ ti Madián. Tsi' pʌyʌ majlel jini tiñʌme' ba'an colem bʌ i tiquiñal pañimil ya' ba' mi' bʌjlel q'uin. Tsa' c'oti ya' ti Horeb jini wits yajcʌbil bʌ i cha'an Dios.

Exodo 4:18

Moisés tsa' cha' majli ba'an Jetro i nij'al. Tsi' sube: La' majlicon ba'an c pi'ʌlob año' bʌ ti Egipto cha'an mij q'uel mi cuxulob to, che'en. Jetro tsi' sube: Cucu ti' ñʌch'tilel a pusic'al, che'en.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Jeremias 33:9

Ili tejclum Jerusalén mi caj i tsictesan c ñuclel. Tijicña mi caj j q'uel. Pejtel tejclum ti yan tac bʌ lum mi caj i q'ueloñob ti ñuc che' tijicña ili tejclum cha'an pejtelel i yutslel c pusic'al mu' bʌ c pʌsben. Mi caj i toj sajtelob i pusic'al che' mi' ña'tañob cha' anix i ñʌch'tʌlel i pusic'al cha'an cabʌl tsaj colta.

Zacarias 8:23

Ti jim bʌ q'uin lujuntiquil winicob loq'uemo' bʌ ti lujump'ejl colem tejclum mi caj i comol chucbeñob i bujc juntiquil judío. Mi caj i yʌlob: “La'ix ajniconla che' bajche' lac pi'ʌl lac bʌ, come cujil lojon an Dios awic'ot”, che'ob. Che' tsi' yʌlʌ i Yum Panchan yic'ot Pañimil.

Numeros 10:29

Moisés tsi' pejca Hobab i ja'an, jiñʌch i yalobil Ragüel am bʌ ti Madián. Tsi' sube: Muq'uix c majlel lojon ya' ti lum ba' mi caj i yʌq'ueñon lojon lac Yum. Conla. Mi a wom majlel quic'ot lojon tijicña mi caj a wajñel, come lac Yum tsa'ix i subeyob israelob mi caj i pʌsbeñob i yutslel i pusic'al, che'en.

Hechos 14:27

Che' bʌ tsa' c'otiyob, tsi' tempayob i bʌ xñopt'añob. Pablo tsi' subeyob pejtelel chuqui tac wen ñuc tsi' cha'le Dios yic'otob, che' bʌ tsi' jambeyob gentilob i ti' otot cha'an mi' yochelob i ñop.

Hechos 15:12

Ñʌch'ʌl tsa' cʌleyob ti pejtelelob. Tsi' yubibeyob i t'an Bernabé yic'ot Pablo che' bʌ tsi' subeyob chuqui tac ñuc tsi' mele Dios ti' c'ʌb come tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ ti' tojlel gentilob.

Romanos 15:18

Come ma'anic chuqui com c tsictesan, cojach jini tsa' bʌ i mele Cristo che' bʌ tsi' c'ʌñʌ c t'an yic'ot c melbal cha'an mi' jac'ob gentilob.

Josue 2:10

come tsa'ix cubi lojon chuqui tsi' melbeyetla la' Yum. Tsi' tsʌc'mesa jini colem ja', i c'aba' Chʌchʌc Bʌ, che' bʌ tsa' loq'uiyetla ti Egipto. Tsa'ix cubi lojon chuqui tsa' la' tumbe jini cha'tiquil rey, Sehón yic'ot Og, ya' ti junwejl Jordán. Tsa' la' jisa jini amorreojob.

Josue 9:9

Tsi' jac'ʌyob: Ñajt tilemon lojon. Tsa cubi lojon wen ñuc la' Yum Dios. Tsa cubi lojon pejtel chuqui tsi' mele ti Egipto

Juezob 1:16

I p'olbalob jini ceneo, i nij'al Moisés, tsa' loq'uiyob ti tejclum i c'aba' Palmeras temel yic'otob i p'olbal Judá. Tsa' c'otiyob ti' tiquiñal pañimil am bʌ ti Judá, am bʌ ti' tojel Arad ya' ti sur. Temel tsa' chumleyob yic'ot ya' bʌ añob ti' lumal.

Juezob 4:11

Heber, jini ceneo, tsi' tʌts'ʌ i bʌ ti' tojlel yambʌ ceneojob i p'olbalob Hobab i nij'al Moisés. Tsa' majli i wa'chocon jini pisil bʌ i yotot ya' ti Zaanaim am bʌ ti t'ejl Cedes.