Exodo 16:4 - Chol: I T’an Dios

⁴ Lac Yum tsi' sube Moisés: Awilan, mi caj c chocbeñetla tilel i bʌl la' ñʌc' tilem bʌ ti panchan. Jini winicob x'ixicob mi caj i loq'uelob cha'an mi' tempañob bajche' c'amel yom ti jujump'ejl q'uin. Che' jini mi caj j q'uelbeñob i pusic'al cha'an mi' tsictiyel mi mux caj i cha'leñob xʌmbal che' bajche' ts'ijbubil tic mandar.

Chol de Tumbalá Bible

⁴ Lac Yum tsi' sube Moisés: Awilan, mi caj c chocbeñetla tilel i bʌl la' ñʌc' tilem bʌ ti panchan. Jini winicob x'ixicob mi caj i loq'uelob cha'an mi' tempañob bajche' c'amel yom ti jujump'ejl q'uin. Che' jini mi caj j q'uelbeñob i pusic'al cha'an mi' tsictiyel mi mux caj i cha'leñob xʌmbal che' bajche' ts'ijbubil tic mandar.

Jiñi Tsiji' bʌ Wen T'añ cha'añ Estudio

⁴ Lac Yum tsi' su'be Moisés: —Awilan, mi caj c chocbeñetla tilel waj tilem bʌ ti panchan. Jiñi wiñicob x'ixicob mi caj i loq'uelob cha'añ mi' tempañob bajche' c'amel mi' c'uxob ti jujump'ejl q'uiñ, cha'añ mij q'uel mi woli i jac'ob c mandar o mi ma'añic.

Exodo 16:4 Iomraidhean Croise

Nehemias 11:23

Come jini rey tsi' cha'le mandar cha'an mi' yʌq'uentelob levíjob yic'ot xc'ayob chuqui tac yom ti jujump'ejl q'uin.

Nehemias 9:15

Tsa' chocbeyob tilel maná loq'uem bʌ ti panchan cha'an i wi'ñal. Tsa' loc'sʌbeyob ja' ti xajlel che' tiquiñob i ti'. Tsa' subeyob ochel i ch'ʌm jini lum tsa' bʌ a wʌn ña'ta a wʌq'ueñob che' bʌ tsa' mele xuc'ul bʌ t'an awic'otob.

Nehemias 9:20

Tsa' choco tilel uts'at bʌ a wEspíritu cha'an ma' cʌntesañob. Ma'anic tsa' cʌyʌ a chocbeñob tilel jini maná cha'an mi' c'uxob. Tsa' wʌq'ueyob ja' cha'an mi' japob che' tiquin i ti'.

Salmos 105:40

Jini israelob tsi' c'ajtibeyob Dios we'elʌl, tsi' yʌq'ueyob cox. Tsa' ñaj'ayob ti waj tilem bʌ ti panchan.

Salmos 78:23

Dios tsi' yʌq'ue mandar jini tocal am bʌ ti chan. Tsi' jambe i ti' panchan yilal.

Exodo 15:25

Jini cha'an c'am tsi' pejca lac Yum Moisés. Lac Yum tsi' pʌsbe juntejc te'. Tsi' choco ochel ti ja'. Jini ja' tsa' sujti ti tsaj. Ya'i lac Yum tsi' yʌq'ueyob i mandar cha'an i toj'esʌntel yic'ot cha'an i yilʌbentel i pusic'al.

Exodo 16:15

Che' bʌ tsi' q'ueleyob jini israelob, tsi' c'ajtibeyob i bʌ: ¿Chuqui jini? che'ob. Come ma'anic tsi' cʌñʌyob. Moisés tsi' subeyob: Jiñʌch i bʌl la' ñʌc' tsa' bʌ i yʌq'ueyetla lac Yum cha'an mi la' c'ux.

Proverbios 30:8

Tʌts'beñon lolom jax bʌ yic'ot lot. Mach a wotsañon ti pobre, mach a wotsañon ti rico. Cojach yom ma' wʌq'ueñon cha'an jasʌlon ti jujump'ejl q'uin,

Mateo 6:11

Aq'ueñon lojon c waj cha'an ili q'uin.

Lucas 11:3

Aq'ueñon lojon wʌle c waj cha'an ili q'uin.

1 Corintios 10:3

Ti pejtelelob tsi' c'uxuyob jini jach bʌ we'elʌl yic'ot ja' aq'uebilo' bʌ ti Dios. Tsa' loq'ui i ya'al ti jini Xajlel ac'bil bʌ ti Dios. Jini Xajlel tsa' bʌ i pi'leyob majlel jiñʌch Cristo.

Deuteronomio 8:16

Tsi' yʌq'ueyetla la' c'ux jini maná mach bʌ anic tsi' q'ueleyob la' ñojte'elob. Tsi' yʌq'ueyetla tsic pusic'al yic'ot i yilʌbentel la' pusic'al cha'an yom i yʌq'ueñetla tijicña bʌ ti wi'il bʌ ora.

Deuteronomio 8:2

Yom mi la' ña'tan ja'el i wocolel jini bij ya' ti' tiquiñal pañimil ba' tsi' pʌyʌyetla tilel lac Yum Dios ili cha'c'al jab. Tsi' ju'sʌbeyet la' pusic'al cha'an mi' yilan mi xuc'uletla, cha'an mi la' jac'ben i mandar, o mi mach la' womic la' jac'.

Josue 24:15

Mi mach uts'atic mi la' q'uel che' mi la' ch'ujutesan lac Yum, yajcanla wʌle majqui mi caj la' ch'ujutesan, mi jini dioste' tsa' bʌ i ch'ujutesayob la' ñojte'elob ya' ti junwejl jini Eufrates, yic'ot i dioste' amorreojob año' bʌ ti ili lum ba' chumuletla. Pero joñon yic'ot jini año' bʌ ti cotot mi caj lac ch'ujutesan lac Yum. Che' tsi' yʌlʌ Josué.