Exodo 16:3 - Chol: I T’an Dios

³ Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Chol de Tumbalá Bible

³ Tsi' subeyob: Uts'at tsa'ic i jisayonla lac Yum ya' ti' lumal egiptojob ba' tsa' buchleyonla ti we'el ba' jasʌl tsa' laj c'uxu waj, come tsa'ix a pʌyʌyon lojon tilel ba' tiquin lum cha'an ma' tsʌnsañon ti wi'ñal tic pejtelel lojon, che'ob.

Jiñi Tsiji' bʌ Wen T'añ cha'añ Estudio

³ Jiñi israelob tsi' su'beyob: —Uts'at tsa'ic i tsʌnsayon lojon lac Yum ya' ti' lumal Egipto, ba' tsa' buchleyon lojon ti c'ux waj yic'ot we'elʌl añ tac bʌ ti p'ejt, jinto tsa' ñaj-ayon lojon, pero tsa'ix a pʌyʌyon lojon tilel ba'añ i tiquiñal lum cha'añ ma' tsʌnsan ti wi'ñal pejtelel ili wiñicob x'ixicob.

Exodo 16:3 Iomraidhean Croise

2 Samuel 18:33

Tsa' toj sajti i pusic'al David. Ti ora tsa' letsi majlel ti jini otot am bʌ ti' chañelal ts'ajc. Tsi' cha'le uq'uel. Tsi' yʌlʌ: ¡Bajche' tsa' ujtiyet calobil Absalón, calobil Absalón! che'en. Uts'at tsa'ic chʌmiyon cha'añet cha'an ma'anic ma' chʌmel, calobil. Che' tsa' uq'ui David.

Job 3:1

Tsa' caji ti t'an Job. Tsi' p'aja i yorajlel che' bʌ tsi' q'uele pañimil.

Job 3:10

Come uts'at tsa'ic i ñusayon c ña' che' cʌntʌbilon i cha'an, pero tsi' yʌc'ʌyon ti pañimil cha'an mi cubin wocol.

Job 3:20

¿Chucoch ma' chʌn aq'uen i cuxtilel jini ch'ijiyem bʌ i pusic'al? ¿Chucoch ma' chʌn aq'uen i cuxtilel che' ma'anix i wenlel ti pañimil?

Salmos 107:5

Cabʌl tsi' yubiyob wi'ñal yic'ot tiquin ti'. P'ump'uñob tsi' yubiyob.

Salmos 78:19

Tsi' yʌ'leyob Dios, tsi' yʌlʌyob: ¿Mejl ba i yʌq'ueñonla Dios i bʌl lac ñʌc' wʌ' ti tiquin bʌ lum? che'ob.

Salmos 78:25

Winicob x'ixicob tsi' c'uxuyob maná che' bajche' i waj ángelob. On tsi' chocbeyob tilel i bʌl i ñʌc'.

Exodo 14:11

Tsi' subeyob Moisés: ¿Chucoch tsa' pʌyʌyon lojon tilel ti chʌmel ilayi ti colem bʌ i tiquiñal lum? ¿Mach ba anic muconibʌl ti Egipto? ¿Chucoch tsa' pʌyʌyon lojon loq'uel ti Egipto?

Exodo 17:3

Tiquiñob i ti'. Jini cha'an tsi' yʌ'leyob Moisés. Tsi' yʌlʌyob: ¿Chucoch tsa' pʌyʌyon lojon loq'uel ti Egipto cha'an ma' tsʌnsañon lojon ti tiquin ti' yic'ot calobil lojon yic'ot cʌlac' lojon? che'ob.

Exodo 2:23

Che' bʌ tsa' ñumi cabʌl q'uin, tsa' chʌmi jini rey ti Egipto. Jini hebreojob año' bʌ ti Egipto tsi' cha'leyob ajcʌn yic'ot uq'uel cha'an tsʌts bʌ e'tel. Dios tsi' yubi jini ajcʌn cha'an cabʌl i wocol ti' wenta i yumob.

Exodo 5:21

Mich'ob jini caporalob. Tsi' yʌlʌyob: La' i meletla lac Yum come tsa'ix la' wʌc'ʌyon lojon ti ts'a'lentel ti' tojlel Faraón yic'ot ti' tojlel c pi'ʌlob lojon. Tsa'ix a techbe i mich'ajel Faraón cha'an mi' tsʌnsañon lojon, che'ob.

Jeremias 2:6

Ma'anic mi juntiquilic mu' bʌ i ña'tañon. Ma'anic majqui mi' yʌl: “¿Baqui an lac Yum tsa' bʌ i pʌyʌyonla loq'uel ti' lumal egiptojob? Tsi' toj'esayonla ñumel ba' jochol lum ba'an wits yic'ot ch'en ya' ba' wen pim i yi'ic'lel pañimil, ba' ma'anic xchumtʌl”. Ma'anic majqui mi' ña'tañon, mi juntiquilic.

Jeremias 42:14

mi tsa' la' wʌlʌ: “Wersa com lojon majlel ti chumtʌl ti Egipto ba' ma'anic guerra, ba' ma'anic i t'an trompeta mi wi'ñal”, mi che'etla,

Jeremias 44:17

Mi caj c mel lojon che' bajche' com lojon. Mi caj c pulben pom jini x'ixic bʌ rey ti panchan. Mi caj cʌq'uen i majtan bajche' jach c'amel com, che' bajche' tsi' meleyob c tat lojon yic'ot c reyob lojon yic'ot año' bʌ i ye'tel ya' ti' tejclum tac Judá yic'ot ti' bijlel Jerusalén. Come che' jini ma'anic c wi'ñal lojon, tijicñayon lojon, wen chumulon lojon.

Lamentaciones 4:9

Tijicñayob jini tsa' bʌ chʌmiyob ti espada. P'ump'uñob jini woliyo' bʌ ti chʌmel ti wi'ñal. C'unte' woli' chʌmelob cha'an ma'anic i bʌl i ñʌc'.

Numeros 11:15

Mi che'ʌch woli a ña'tan, a wocolic mij c'ajtibeñet, tsʌnsañon ti ora. Pʌsbeñon i yutslel a pusic'al. La' loq'uicon ti ili wocol, che'en Moisés.

Numeros 11:20

Jump'ejl uw mi caj la' c'ux jinto che' muq'uix la' cha' bi'len. Mi caj la' xejtan. Mi caj i loq'uel ti la' ñi'. Come tsa'ix la' ts'a'leyon. Tsa' la' wuc'ta Egipto tic tojlel, che'en lac Yum.

Numeros 14:2

Ti jump'ejlob i pusic'al tsa' caji i contrajiñob Moisés yic'ot Aarón pejtelel jini israelob. Tsi' yʌlʌyob ti c'am bʌ t'an: Uts'at tsa'ic chʌmiyon lojon ti' lumal Egipto yic'ot wʌ' ti tiquiñal pañimil ba' añonla.

Numeros 14:3

¿Chucoch woli' pʌyon lojon majlel lac Yum ti jini lum ba' tsajniyob lac pi'ʌlob? Mux i jisañonla ti espada. Mux i pʌybeñon lojon quijñam, yic'ot calobil lojon cha'an mi' yotsañob ti mozo e'tel. ¿Mach ba yomic mij coltan lojon c bʌ? La' sujticon lojon ti Egipto, che'ob.

Numeros 16:13

Tsa' pʌyʌyon lojon loq'uel ba' tijicñayon lojon ti Egipto. Jiñʌch wen bʌ lum ba' tsac japʌ lojon lech. Tsac mʌc'ʌ lojon chab. Tsa' pʌyʌyon lojon tilel ti chʌmel ila ti colem bʌ i tiquiñal pañimil. ¿C yumet ba lojon cha'an mic jac'beñet lojon a t'an?

Numeros 16:41

Che' ti yijc'ʌlal, pejtelel jini israelob tsa' cajiyob ti wulwul t'an ti' contra Moisés yic'ot ti' contra Aarón. Tsi' yʌlʌyob: Jatetla tsa'ix la' wʌc'ʌ ti chʌmel i winicob lac Yum, che'ob.

Numeros 21:5

Tsa' cajiyob ti wulwul t'an ti' contra Dios yic'ot ti' contra Moisés: ¿Chucoch tsa' lon pʌyʌyon lojon loq'uel ti Egipto cha'an mic chʌmel lojon ila ti' tiquiñal pañimil? Come ilayi ma'anic baqui mi lac taj waj yic'ot ja'. Tsa'ix c'ojyi j c'ux lojon jini maná, come mach p'ʌtʌlic tic ñʌc' lojon, che'ob.

Hechos 26:29

Pablo tsi' yʌlʌ: Uts'at mi ti junyajlel ma' ñop che' bajche'on. Mach cojic jach jatet, pero pejtelel mu' bʌ i yubiñob c t'an wʌle. Uts'at mi lajaletla quic'ot pero mach ti cadenajic, che'en Pablo.

1 Corintios 4:8

Mi la' lon al jasʌlix la' cʌntesʌntel ti Dios, cabʌlix la' ña'tʌbal. Che' mach ya'ic añon lojon la' wic'ot mi la' lon mel la' bʌ che' bajche' reyetla. Uts'at, aja reyeticla cha'an temel mi lac cha'len rey.

2 Corintios 11:1

Yom mi la' ts'ita' cuchbeñon c t'an, anquese tonto yubil.

Deuteronomio 28:67

Che' ti sʌc'ajel mi caj a wʌl: “I t'ojol ic'ajeliquix wʌle”, che'et. Che' ti ic'ajel mi caj a wʌl: “I t'ojol sʌc'ajelicax wʌle”, che'et. Come tsiltsilña a pusic'al cha'an cabʌl a bʌq'uen cha'an chuqui tac mi caj a q'uel.

Deuteronomio 8:3

Tsi' ju'sʌbeyet la' pusic'al. Tsi' yʌq'ueyetla la' wubin wi'ñal. Tsi' yʌq'ueyetla la' c'ux maná mach bʌ cʌmbilic i cha'an la' ñojte'elob, cha'an mi' yʌq'ueñetla la' ña'tan mach cojic jach ti waj cuxulob winicob, pero ti jujump'ejl t'an mu' bʌ i yʌl Dios. Jiñʌch mu' bʌ i yʌq'uen i cuxtʌlʌl winicob.

Josue 7:7

Josué tsi' yʌlʌ: C Yum Dios, ¿chucoch tsa' wʌc'ʌyob ti c'axel ti Jordán ili winicob cha'an ma' wʌc'on lojon ti jisʌntel ti' c'ʌb jini amorreojob? Ñumen uts'at tsa'ic cʌleyon lojon ya' ti junwejl Jordán.