Exodo 16:23 - Chol: I T’an Dios

²³ Moisés tsi' subeyob: Lac Yum tsi' yʌlʌ: “Ijc'ʌl mi caj la' c'aj la' wo. Jiñʌch ch'ujul bʌ c'aj o cha'an mi la' ch'ujutesan lac Yum. Pojponla chuqui yom. Ch'ʌxʌla chuqui yom. Lotola i colojbal cha'an ijc'ʌl”. Che' tsi' yʌlʌ lac Yum, che'en Moisés.

Chol de Tumbalá Bible

²³ Moisés tsi' subeyob: Lac Yum tsi' yʌlʌ: “Ijc'ʌl mi caj la' c'aj la' wo. Jiñʌch ch'ujul bʌ c'aj o cha'an mi la' ch'ujutesan lac Yum. Pojponla chuqui yom. Ch'ʌxʌla chuqui yom. Lotola i colojbal cha'an ijc'ʌl”. Che' tsi' yʌlʌ lac Yum, che'en Moisés.

Jiñi Tsiji' bʌ Wen T'añ cha'añ Estudio

²³ Moisés tsi' su'beyob: —Lac Yum tsi' yʌlʌ che' bajche' iliyi: “Ijc'ʌl jiñʌch i q'uiñilel c'aj-o, jiñʌch ch'ujul bʌ c'aj-o cha'añ mi la' ch'ujutesan lac Yum; jiñi yom bʌ mi la' ch'ʌx, ch'ʌxʌla wʌle, jiñi yom bʌ mi la' pojpon, pojponla wʌle; pejtelel i colojbal, lotola cha'añ i yijc'ʌlal.”

Exodo 16:23 Iomraidhean Croise

Nehemias 9:13

Tsa' jubiyet tilel ti pam wits i c'aba' Sinaí. Jatet añet bʌ ti panchan tsa' pejca winicob. Tsa' wʌq'ueyob toj bʌ tic'oñel yic'ot isujm bʌ cʌntesa yic'ot uts'at bʌ mandar yic'ot uts'at bʌ ley.

Nehemias 9:14

Tsa' pʌsbeyob bajche' yom mi' c'uxbiñetob ti jini ch'ujul bʌ q'uin a cha'an che' mi' c'ajob i yo. Tsa' sube a winic Moisés pejtel a ley yic'ot a mandar yic'ot a cʌntesʌbal cha'an mi' cha' subeñob winicob x'ixicob.

Exodo 16:19

Moisés tsi' subeyob: Mach yomic mi' la' lot mi ts'ita'ic cha'an ijc'ʌl, che'en.

Exodo 23:12

Wʌcp'ejl q'uin mi caj a cha'len e'tel. Ti wucp'ejlel q'uin mi caj a c'aj a wo yic'ot a wacax yic'ot a burro. Che' jini mi mejlel i c'aj i yo i yalobil xe'tel a cha'an yic'ot a jula' ch'oyol bʌ ti yambʌ lum.

Exodo 31:15

Wʌcp'ejl jach q'uin yom mi la' cha'len e'tel che' ti semana. I wucp'ejlel q'uin jiñʌch i yorajlel c'aj o, come ch'ujutesʌbil c cha'an. Yom mi' chʌmel majqui jach mi' cha'len e'tel ti jini q'uin.

Jeremias 17:22

Mach a ch'ʌm loq'uel a cuch ti a wotot che' ti' yorajlel c'aj o. Mach a cha'len e'tel. Yom ch'ujul ti a wut ili q'uin che' bajche' tsac subeyob a tatob.

Levitico 23:3

Wʌcp'ejl jach q'uin yom mi la' cha'len e'tel. Che' ti' wucp'ejlel q'uin yom mi la' c'aj la' wo, come jiñʌch ch'ujul bʌ q'uin. Mach yomic mi la' mel mi junchajpic la' we'tel, come i q'uiñilelʌch c'aj o ti' tojlel baqui jach chumuletla”.

Numeros 11:7

Jini maná che' ya wojwoxtʌl che' bajche' i bʌc' xculanta, che'ʌch yilal bajche' i yetsel te'.

Numeros 11:8

Pejtelel jini ya' bʌ añob ti jini lum tsa' loq'ui i lotob. Mi' juch'tacob ti ña'atun. Mi' jats'ob ti te' tac. Mi' ch'ʌxob ti p'ejt cha'an mi' melob ti waj. Lajal i sumuclel che' bajche' pan xʌbʌl bʌ ti aceite.

Lucas 23:56

Tsa' sujtiyob. Tsi' chajpayob xojocña bʌ perfume yic'ot c'o'ol bʌ ts'ac. Tsi' c'ajayob i yo ti' q'uiñilel c'aj o che' bajche' mi yʌl mandar.

Deuteronomio 5:12

Mach ñajʌyic ti a pusic'al i yorajlel c'aj o. Yom ma' ch'ujutesan Dios ti jini q'uin che' bajche' tsi' yʌq'ueyetla mandar lac Yum Dios.

Apocalipsis 1:10

Tsa' bujt'i c pusic'al ti' yEspíritu Dios ti jini q'uin che' mi lac ch'ujutesan lac Yum. Tsa cubi c'am bʌ t'an tic pat che' bajche' trompeta.