Exodo 16:2 - Chol: I T’an Dios

² Pejtelel jini israelob ti mojt ti mojt tsi' letsayob i t'an ti' contra Moisés yic'ot Aarón ya' ti colem bʌ i tiquiñal lum.

Chol de Tumbalá Bible

² Pejtelel jini israelob ti mojt ti mojt tsi' letsayob i t'an ti' contra Moisés yic'ot Aarón ya' ti colem bʌ i tiquiñal lum.

Jiñi Tsiji' bʌ Wen T'añ cha'añ Estudio

² Ya' ti tiquiñal lum, pejtelel jiñi israelob tsi' cha'leyob wulwul t'añ ti' contra Moisés yic'ot Aarón.

Exodo 16:2 Iomraidhean Croise

Genesis 19:4

Che' bʌ maxto anic tsa' cajiyob ti wʌyel, tsa' tiliyob pejtel jini winicob año' bʌ ti tejclum i c'aba' Sodoma, ch'iton bʌ yic'ot ñox bʌ winicob. Motocñayob tsi' joyoyob jini otot.

Salmos 106:13

Pero ti ora tsa' ñajʌyi ti' pusic'al i melbal. Ma'anic tsi' pijtayob i toj'esʌntel ti Dios.

Salmos 106:25

Tsi' cha'leyob wulwul t'an ti' yototob. Ma'anic tsi' jac'beyob i t'an lac Yum.

Salmos 106:7

Che' ya' to añob lac tat ti Egipto ma'anic tsi' p'isiyob ti' wenta i p'ʌtʌlel Dios. Mach c'ajalic i cha'añob i yonlel i yutslel. Tsi' ñusʌbeyob i t'an lac Yum ya' ti Chʌchʌc bʌ Ñajb.

Exodo 14:11

Tsi' subeyob Moisés: ¿Chucoch tsa' pʌyʌyon lojon tilel ti chʌmel ilayi ti colem bʌ i tiquiñal lum? ¿Mach ba anic muconibʌl ti Egipto? ¿Chucoch tsa' pʌyʌyon lojon loq'uel ti Egipto?

Exodo 15:24

Jini cha'an jini israelob tsa' caji i yʌ'leñob Moisés. Tsi' c'ajtibeyob: ¿Chuqui mi mejlel lac jap? che'ob.

Exodo 17:3

Tiquiñob i ti'. Jini cha'an tsi' yʌ'leyob Moisés. Tsi' yʌlʌyob: ¿Chucoch tsa' pʌyʌyon lojon loq'uel ti Egipto cha'an ma' tsʌnsañon lojon ti tiquin ti' yic'ot calobil lojon yic'ot cʌlac' lojon? che'ob.

Exodo 5:21

Mich'ob jini caporalob. Tsi' yʌlʌyob: La' i meletla lac Yum come tsa'ix la' wʌc'ʌyon lojon ti ts'a'lentel ti' tojlel Faraón yic'ot ti' tojlel c pi'ʌlob lojon. Tsa'ix a techbe i mich'ajel Faraón cha'an mi' tsʌnsañon lojon, che'ob.

Numeros 14:22

Mi caj c mel pejtelel ili winicob, come tsi' q'ueleyob c ñuclel yic'ot ñuc tac bʌ i yejtal c p'ʌtʌlel tsa' bʌ c pʌsbeyob ti Egipto yic'ot ya' ti jochol bʌ lum. Lujunyajlix tsi' yilʌbeyoñob c pusic'al. Ma'anic tsi' p'isiyoñob ti wenta.

1 Corintios 10:10

Mach la' cha'len wulwul t'an ti la' pusic'al che' bajche' tsi' cha'leyob jini tsa' bʌ jisʌntiyob cha'an jini Angel yujil bʌ tsʌnsa.