Exodo 16:15 - Chol: I T’an Dios

¹⁵ Che' bʌ tsi' q'ueleyob jini israelob, tsi' c'ajtibeyob i bʌ: ¿Chuqui jini? che'ob. Come ma'anic tsi' cʌñʌyob. Moisés tsi' subeyob: Jiñʌch i bʌl la' ñʌc' tsa' bʌ i yʌq'ueyetla lac Yum cha'an mi la' c'ux.

Chol de Tumbalá Bible

¹⁵ Che' bʌ tsi' q'ueleyob jini israelob, tsi' c'ajtibeyob i bʌ: ¿Chuqui jini? che'ob. Come ma'anic tsi' cʌñʌyob. Moisés tsi' subeyob: Jiñʌch i bʌl la' ñʌc' tsa' bʌ i yʌq'ueyetla lac Yum cha'an mi la' c'ux.

Jiñi Tsiji' bʌ Wen T'añ cha'añ Estudio

¹⁵ Che' bʌ tsi' q'ueleyob jiñi israelob, tsi' c'ajtibeyob i bʌ: ¿Chuqui iliyi?, Come mach yujilobic chuqui jiñi. Jiñi cha'añ Moisés tsi' su'beyob: —Jiñʌch i bʌl la' ñʌc' tsa' bʌ i yʌq'ueyetla lac Yum cha'añ mi la' c'ux.

Exodo 16:15 Iomraidhean Croise

Nehemias 9:15

Tsa' chocbeyob tilel maná loq'uem bʌ ti panchan cha'an i wi'ñal. Tsa' loc'sʌbeyob ja' ti xajlel che' tiquiñob i ti'. Tsa' subeyob ochel i ch'ʌm jini lum tsa' bʌ a wʌn ña'ta a wʌq'ueñob che' bʌ tsa' mele xuc'ul bʌ t'an awic'otob.

Nehemias 9:20

Tsa' choco tilel uts'at bʌ a wEspíritu cha'an ma' cʌntesañob. Ma'anic tsa' cʌyʌ a chocbeñob tilel jini maná cha'an mi' c'uxob. Tsa' wʌq'ueyob ja' cha'an mi' japob che' tiquin i ti'.

Salmos 105:40

Jini israelob tsi' c'ajtibeyob Dios we'elʌl, tsi' yʌq'ueyob cox. Tsa' ñaj'ayob ti waj tilem bʌ ti panchan.

Salmos 78:24

Tsa' jubi tilel maná che' bajche' ja'al. Tsi' yʌq'ueyob i bʌl i ñʌc' ch'oyol bʌ ti panchan.

Exodo 16:31

Jini israelob tsi' yotsʌbeyob i c'aba' maná jini i bʌl i ñʌc'. Lajalʌch bajche' pac' i c'aba' xculanta, sʌsʌc. Lajalʌch i tsajel bajche' waj melbil bʌ yic'ot chab.

Exodo 16:33

Moisés tsi' sube Aarón: Ch'ʌmʌ tilel p'isonib. Otsan uxp'ejl litro maná. Mi caj a lot ti' tojlel lac Yum ti pejtelel ora, che'en.

Exodo 16:4

Lac Yum tsi' sube Moisés: Awilan, mi caj c chocbeñetla tilel i bʌl la' ñʌc' tilem bʌ ti panchan. Jini winicob x'ixicob mi caj i loq'uelob cha'an mi' tempañob bajche' c'amel yom ti jujump'ejl q'uin. Che' jini mi caj j q'uelbeñob i pusic'al cha'an mi' tsictiyel mi mux caj i cha'leñob xʌmbal che' bajche' ts'ijbubil tic mandar.

Proverbios 9:5

La' c'uxu c waj. Japʌ jini vino tsa' bʌ c chajpa.

Numeros 21:5

Tsa' cajiyob ti wulwul t'an ti' contra Dios yic'ot ti' contra Moisés: ¿Chucoch tsa' lon pʌyʌyon lojon loq'uel ti Egipto cha'an mic chʌmel lojon ila ti' tiquiñal pañimil? Come ilayi ma'anic baqui mi lac taj waj yic'ot ja'. Tsa'ix c'ojyi j c'ux lojon jini maná, come mach p'ʌtʌlic tic ñʌc' lojon, che'ob.

Lucas 12:30

Come pejtelel ili tac mi' sʌclañob ti pañimil. Yujil la' Tat pejtelel chuqui tac yom la' cha'an.

Juan 6:49

La' ñojte'el tsi' c'uxuyob maná ti jochol bʌ lum pero tsa' chʌmiyob.

Juan 6:58

Jiñʌch Waj tsa' bʌ jubi tilel ti panchan. Mach che'ic jini maná tsa' bʌ i c'uxuyob la' ñojte'el tsa' bʌ chʌmiyob. Jini mu' bʌ i c'uxob jini Waj mu' bʌ cʌq'ueñob, chʌn cuxul mi' yajñelob ti pejtelel ora, che'en.

1 Corintios 10:3

Ti pejtelelob tsi' c'uxuyob jini jach bʌ we'elʌl yic'ot ja' aq'uebilo' bʌ ti Dios. Tsa' loq'ui i ya'al ti jini Xajlel ac'bil bʌ ti Dios. Jini Xajlel tsa' bʌ i pi'leyob majlel jiñʌch Cristo.

Deuteronomio 8:16

Tsi' yʌq'ueyetla la' c'ux jini maná mach bʌ anic tsi' q'ueleyob la' ñojte'elob. Tsi' yʌq'ueyetla tsic pusic'al yic'ot i yilʌbentel la' pusic'al cha'an yom i yʌq'ueñetla tijicña bʌ ti wi'il bʌ ora.

Deuteronomio 8:3

Tsi' ju'sʌbeyet la' pusic'al. Tsi' yʌq'ueyetla la' wubin wi'ñal. Tsi' yʌq'ueyetla la' c'ux maná mach bʌ cʌmbilic i cha'an la' ñojte'elob, cha'an mi' yʌq'ueñetla la' ña'tan mach cojic jach ti waj cuxulob winicob, pero ti jujump'ejl t'an mu' bʌ i yʌl Dios. Jiñʌch mu' bʌ i yʌq'uen i cuxtʌlʌl winicob.

Hebreos 9:4

Ya'an i pulʌntib pom melbil bʌ ti oro yic'ot caxate' laj tep'bil bʌ ti oro ba' lotol jini xuc'ul bʌ t'an. Ya' ti mal caxate' an p'ejt melbil bʌ ti oro ba' lotol maná. Ya'an ja'el i barate' Aarón tsa' bʌ i cha'le nich yic'ot jini xajlel ba' ts'ijbubil jini lujump'ejl mandar.

Josue 5:12

Ti jini jach bʌ q'uin tsa' lajmi jini maná che' bʌ tsa' caji' c'uxob i wut pʌc'ʌbʌl. Jini israelob ma'anix tsi' chʌn tajayob jini maná. Ti jini jach bʌ jab tsa' caji i c'uxob i wut jini lum ya' ti Canaán.

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.