Exodo 15:7 - Chol: I T’an Dios

⁷ Cha'an ti' ñuclel a p'ʌtʌlel tsa' jisa jini tsa' bʌ i chañ'esa i bʌ ti a contra. Tsa' jisayob ti a mich'ajel che' bajche' mi' jilel jam ti c'ajc.

Chol de Tumbalá Bible

⁷ Cha'an ti' ñuclel a p'ʌtʌlel tsa' jisa jini tsa' bʌ i chañ'esa i bʌ ti a contra. Tsa' jisayob ti a mich'ajel che' bajche' mi' jilel jam ti c'ajc.

Jiñi Tsiji' bʌ Wen T'añ cha'añ Estudio

⁷ Cha'añ ti' ñuclel a p'ʌtʌlel tsa' jisa jiñi tsa' bʌ i contrajiyet. Tsa' choco ju'bel a mich'ajel, tsa' pulu che' bajche' i yopol te'.

Exodo 15:7 Iomraidhean Croise

Job 9:4

Come wen cabʌl i pusic'al Dios, wen cabʌl i p'ʌtʌlel. Ti pejtelel ora ma'anic mi juntiquilic tsa' bʌ i contraji tsa' bʌ mʌjli i cha'an.

Salmos 148:13

La' i subob i ñuclel lac Yum, Come i bajñel an i ñuclel. Ñumen ñuc Dios bajche' pejtel an tac bʌ ti pañimil yic'ot ti panchan.

Salmos 59:13

Jisañob ti a mich'ajel, Dios. Jisañob jinto mach chʌn tsiquilobic. La' i ña'tañob winicob x'ixicob woliyet ti yumʌntel ti Jacob yic'ot ti pejtelel lum c'ʌlʌl ba' jaxʌl pañimil.

Salmos 68:33

Jiñʌch woli bʌ ti xʌmbal ñumel ya' ti panchan tsa' bʌ i mele ti wajali. Awilan, mi' choc tilel i t'an, jini p'ʌtʌl bʌ i t'an.

Salmos 83:13

C Dios, meleyob che' bajche' ts'ubejn mu' bʌ i wejlan sutujt ic', Che' bajche' i yopol te' mu' bʌ i letsan ic',

Exodo 14:27

Jini cha'an Moisés tsi' sʌts'ʌ i c'ʌb ti pam colem ñajb. Che' ti sʌc'ajel jini ñajb tsi' cha' pam'a i bʌ. Che' woli' ñopob puts'el egiptojob lac Yum tsi' jisayob ya' ti' yojlil ñajb.

Exodo 5:12

Jini cha'an tsa' pam pujquiyob majlel winicob ti pejtelel i lumal Egipto cha'an mi' tempañob tilel tiquin jam.

Isaias 37:23

¿Majqui wola' contrajin ti a'leya yic'ot ti p'ajoñel? ¿Majqui tsa' contraji che' bʌ tsa' lon chañ'esa a bʌ? C'am tsa' cha'le t'an. Tsa' ts'a'le jini Ch'ujul Bʌ ti Israel.

Isaias 37:29

Mich' ma' q'uelon. Ma' chañ'esan a bʌ tic tojlel. Jini cha'an mi caj c xot otsan c mʌtc'ʌb ti a ñi'. Mi caj cotsʌbeñet i frenojlel a wej. Mi caj c wets'et majlel ti a bijlel ya' ba' tsa' tiliyet”. Che' tsi' cha'le t'an lac Yum ti' contra Senaquerib.

Isaias 37:36

Ti jim bʌ ora tsa' loq'ui tilel i yángel lac Yum. Tsi' jisa jini asiriyajob ya' ba' jijlemob. Tsi' jisa jo'tiquil i lujunc'al mil (185,000) winicob. Che' bʌ tsa' sʌc'a pañimil tsa' ch'ojyiyob jini cuxulob to bʌ. Tsi' q'ueleyob laj chʌmeñobix i pi'ʌlob.

Isaias 37:38

Ti jump'ejl q'uin che' bʌ woli' ch'ujutesan Nisroc i dios ya' ti' yotlel, tsa' c'otiyob cha'tiquil i yalobilob Senaquerib i c'aba' Adramelec yic'ot Sarezer. Tsi' tsʌnsayob ti espada. Tsa' puts'iyob majlel ti jini lum Ararat. Tsa' caji ti yumʌl Esarhadón ti' q'uexol i tat.

Isaias 47:14

Pero p'isi ti a wenta, lajalob mu' bʌ i q'uelob ec' bajche' i jamil otot mu' bʌ i bʌc' jilel ti c'ajc. Ma'anic mi mejlel i coltañob i bʌ ti c'ajc, come c'ax ticʌw. Mach lajalic bajche' c'ajc ba' mi laj q'uixñesan lac bʌ.

Isaias 5:16

I Yum Panchan yic'ot Pañimil mi caj i pʌs i ñuclel ti toj bʌ meloñel. Jini Ch'ujul bʌ Dios mi caj i pʌs i bʌ ti ch'ujul come toj pejtel chuqui mi' cha'len.

Isaias 5:24

Jini cha'an i Yum Panchan yic'ot Pañimil mi caj i meletla. Mi caj la' jilel che' bajche' mi' sʌc jilel ti c'ajc jini tiquin te' yic'ot tiquin yopol. Mi caj la' yajlel che' bajche' te' che' mi' yoc'mʌl i wi'. Che' bajche' i nich pimel mi caj la' sujtel ti ts'ubejn. Come tsa' la' ñusʌbe i t'an i Yum Panchan yic'ot Pañimil. Tsa'ix la' ts'a'le jini Ch'ujul Bʌ i cha'an Israel.

Jeremias 10:6

Ma'anic yambʌ ñuc bʌ Dios lajal bʌ bajche' jatet, c Yum. Wen ñuc a c'aba'. Cabʌl a p'ʌtʌlel.

Miqueas 4:11

Isujm tsa'ix i tempayob i bʌ cabʌl tejclumob ti la' contra. Mi' yʌlob: “Conla ti Sion cha'an mi lac junyajlel jisan che' bajche' yom lac pusic'al”, che'ob.

Zacarias 14:3

Ti jim bʌ ora lac Yum mi caj i tilel cha'an mi' cha'len guerra ti' contra pejtel jini tejclum tac. Wen chajpʌbil, wen yujil guerra.

Zacarias 14:8

Ti jim bʌ q'uin mi caj i loq'uel cuxul bʌ ja' ya' ti Jerusalén. Junxʌjc' mi caj i majlel ti jini Chʌmen bʌ Ñajb. Yambʌ junxʌjc' mi caj i majlel ti jini ñajb i c'aba' Mediterráneo. Chʌn cuxul jini ja' che' ti' yorajlel jajmel yic'ot che' ti' yorajlel ja'lel.

Zacarias 2:8

Come i Yum Panchan yic'ot Pañimil tsa'ix i chocoyon tilel cha'an mij contrajiñob jini tsa' bʌ i tic'layetla, come jini mu' bʌ i tic'lañetla mi' tic'lan Dios ja'el.

Malaquias 4:1

Chʌcʌ q'uele la' bʌ, che'en i Yum Panchan yic'ot Pañimil, come tal i q'uiñilel meloñel che' mi' caj ti pulel c'ajc che' bajche' ti horno. Pejtel mu' bʌ i chañ'esañob i bʌ yic'ot jini jontolo' bʌ mi caj i pulelob che' bajche' tiquin bʌ jam. Mi caj i lu' jilelob che' bajche' te' yic'ot pejtel i c'ʌb yic'ot pejtel i wi'.

Mateo 3:12

An i wejlʌjib ti' c'ʌb. Mi' wen wejlan i yajñib trigo. Mi' lot jini trigo ti' yotlel. Mi caj i pulben i sujl ti c'ajc mach bʌ yujilic yajpel. Che' tsi' yʌlʌ Juan.

Hechos 9:4

Tsa' yajli ti lum. Tsi' yubi t'an tsa' bʌ i sube: Saulo, Saulo, ¿chucoch ma' tic'lañon? che'en.

Deuteronomio 33:26

Ma'anic yambʌ dios che' bajche' i Dios Israel. Mi' t'uchtan jini tocal am bʌ ti panchan cha'an mi' tilel i coltañet. Mi' pʌs i ñuclel ya' ti panchan.

Deuteronomio 4:24

Lajalʌch la' Yum Dios bajche' c'ajc yujil bʌ jisaya. Tsʌytsʌyña i pusic'al che' mi la' cʌy.

Hebreos 12:29

Come Dios yujil jisaya che' bajche' c'ajc.