Exodo 15:6 - Chol: I T’an Dios

⁶ C Yum, mi' wen tsictiyel i ñuclel a p'ʌtʌlel. C Yum, tsa' jili a contra cha'an ti a p'ʌtʌlel.

Chol de Tumbalá Bible

⁶ C Yum, mi' wen tsictiyel i ñuclel a p'ʌtʌlel. C Yum, tsa' jili a contra cha'an ti a p'ʌtʌlel.

Jiñi Tsiji' bʌ Wen T'añ cha'añ Estudio

⁶ C Yum, jiñi ñoj bʌ a c'ʌb, tsi' wen tsictesa a p'ʌtʌlel. C Yum, jiñi ñoj bʌ a c'ʌb, tsi' pets' ye'e a contra.

Exodo 15:6 Iomraidhean Croise

Salmos 17:7

Pʌsʌ jini ñuc tac bʌ a wutslel Jatet mu' bʌ a coltan jini mu' bʌ i ñopet ti' tojlel i contra.

Salmos 2:9

Mi caj a jisan winicob x'ixicob ti bara melbil bʌ ti tsucul taq'uin. Mi caj a bic'ti top'ob lajal bajche' mi' tojp'el p'ejt melbil bʌ ti lum”. Che' tsi' subeyon c Yum, che'en.

Salmos 24:8

¿Majqui jini Rey am bʌ i ñuclel? Jiñʌch lac Yum jini ch'ejl bʌ, jini p'ʌtʌl bʌ. Jiñʌch lac Yum, p'ʌtʌl bʌ ti guerra.

Salmos 44:3

Come mach ti' p'ʌtʌlelic i yespada tsi' ch'ʌmʌyob jini lum. Ma'anic tsa' mʌjli i cha'añob ti' bajñel p'ʌtʌlel. Pero ti' p'ʌtʌlel jini ñoj bʌ a c'ʌb jini wen yujil bʌ e'tel tsa' coltayob, Come tsa' pʌsbeyob i yutslel a pusic'al.

Salmos 44:4

Jatet, c Reyet, c Dioset mu' bʌ a wʌc' ti colel Jacob.

Salmos 60:5

Coltañon lojon ti ñuc bʌ a p'ʌtʌlel. Jac'beñon lojon Cha'an mi' coltʌntelob jini c'uxbibilo' bʌ a cha'an.

Salmos 74:11

¿Chucoch lotol jach a p'ʌtʌlel? Pʌsʌ a p'ʌtʌlel. Jisañob.

Salmos 77:10

Tsac lon alʌ jiñʌch i c'unlel c bʌc'tal. Jini cha'an mach lajalix yubil wʌle i p'ʌtʌlel jini C'ax Ñuc Bʌ.

Salmos 89:14

Toj ma' cha'len meloñel ti a yumʌntel come tojet. Uts'at pejtelel chuqui ma' mel. Mi' tsictiyel a wutslel yic'ot a sujmlel.

Salmos 98:1

C'ʌyinla lac Yum. C'ʌyibenla tsiji' bʌ c'ay Come tsi' pʌsʌ i yejtal tac i p'ʌtʌlel. Ti ch'ujul bʌ i p'ʌtʌlel tsa'ix mʌjli i cha'an.

Exodo 15:11

C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Exodo 15:12

Che' bʌ tsa' sʌts'ʌ a c'ʌb, Jini pañimil tsi' mʌsayob yilal.

Exodo 15:16

C Yum, woliyobix ti bʌq'uen. Ñʌch'ʌlix tsa' cʌleyob cha'an wola' coltañon lojon, Jinto mij c'otel lojon ba' samiyon lojon, Jinto mi' laj c'otelob a cha'año' bʌ mʌmbilo' bʌ a cha'an.

Exodo 18:8

Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Exodo 3:20

Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Exodo 6:1

Lac Yum tsi' sube Moisés: Wʌle mi caj a q'uel chuqui mi caj c mel ti' tojlel Faraón. Wersa mi caj i chocob loq'uel. Mi caj i wets'ob loq'uel ti' lumal, che'en.

Isaias 30:14

Dios mi caj i bic'ti top'etla che' bajche' p'ejt. Ma'anic mi caj i cʌytʌl mi junxejt'ic cha'an ma' lech i ñich c'ajc, mi cha'an ma' luch ja'.

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Isaias 52:10

Lac Yum tsa'ix i pʌsʌ ch'ujul bʌ i c'ʌb ti' wut pejtelel tejclum. Ti pejtelel pañimil mi' caj ti tsictiyel laj coltʌntel tilem bʌ ti lac Dios.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Jeremias 13:14

Mi caj cʌc'ob i contrajiñob i bʌ winicob yic'ot ch'iton bʌ i yalobilob, che'en lac Yum. Ma'anic mi caj c p'untañob. Ma'anic mi caj j coltañob. Mi caj c jisañob”. Che'ʌch yom ma' subeñob, che'en.

Mateo 6:13

Mach ma' wʌc'on lojon ba' mic pʌjyel lojon ti mulil. Cʌntañon lojon ame yajlicon lojon ti jontolil. Come a cha'añʌch a yumʌntel yic'ot a p'ʌtʌlel yic'ot a ñuclel ti pejtelel ora. Amén. Che' yom mi la' mel oración.

Apocalipsis 2:27

Tsʌts mi caj i cha'leñob yumʌl, chucul i cha'añob vara melbil bʌ ti tsucul taq'uin. Mi caj i jisañob jini xñusa t'añob che' bajche' mi' bic'ti tojp'el p'ejt. Che'ʌch i p'ʌtʌlel bajche' c p'ʌtʌlel tsa' bʌ i yʌq'ueyon c Tat.

1 Samuel 2:10

Pejtelel mu' bʌ i contrajiñob lac Yum mi caj i jisʌntelob. Lac Yum ti panchan mi' yʌc'ob ti toj mulil. Lac Yum mi' cha'len meloñel ti' tojlel winicob año' bʌ ti pañimil. Mi' yʌq'uen i p'ʌtʌlel jini Rey. Mi' yutsi p'ojlesʌben i ñuclel jini Yajcʌbil bʌ i cha'an. Che'ʌch tsi' cha'le t'an Ana.