Exodo 15:2 - Chol: I T’an Dios

² Lac Yum c p'ʌtʌlelʌch, jiñʌch mu' bʌ j c'ʌyin. Jiñʌch xcoltaya c cha'an. Jiñʌch c Dios, mi caj j c'ʌyiben i ñuclel. Jiñʌch i Dios c tat. Mi caj c sub i ñuclel.

Chol de Tumbalá Bible

² Lac Yum c p'ʌtʌlelʌch, jiñʌch mu' bʌ j c'ʌyin. Jiñʌch xcoltaya c cha'an. Jiñʌch c Dios, mi caj j c'ʌyiben i ñuclel. Jiñʌch i Dios c tat. Mi caj c sub i ñuclel.

Jiñi Tsiji' bʌ Wen T'añ cha'añ Estudio

² Lac Yum c p'ʌtʌlelʌch mu' bʌ j c'ʌyin, jiñʌch xcoltaya c cha'añ. Jiñʌch c Dios, mu' bʌ caj j c'ʌyin; jiñʌch i Dios c tat, mu' bʌ c su'b i ñuclel.

Exodo 15:2 Iomraidhean Croise

Genesis 17:7

Mi caj c wa'chocon xuc'ul bʌ c t'an quic'otet quic'ot a p'olbal ti pejtelel ora. Jiñʌch xuc'ul bʌ c t'an: Joñon a Dioson, i Dioson a p'olbalob.

Genesis 49:18

C Yum, wolic pijtañet jinto ma' coltañon.

2 Samuel 22:3

Lajal Dios bajche' wen xuc'ul bʌ xajlel baqui mic majlel ti puts'el. Jiñʌch c mʌctʌjib, jini p'ʌtʌl bʌ mu' bʌ i coltañon. Lajalʌch lac Yum bajche' chan bʌ ts'ajc ba' mi cochel. Jiñʌch xcoltaya c cha'an mu' bʌ i coltañon loq'uel ti' p'ʌtʌlel jini jontolo' bʌ.

2 Samuel 22:47

Cuxul lac Yum. Wocolix i yʌlʌ come jiñʌch xuc'ul bʌ Xajlel. La' sujbic i ñuclel Dios mu' bʌ i coltañon.

2 Samuel 22:51

Cha'an ti jatet mi' mʌjlel i cha'an jini tsa' bʌ a wa'choco ti rey. Ma' pʌsben a wutslel jini yajcʌbil bʌ a cha'an, Jiñʌch David yic'ot i p'olbal ti pejtelel ora.

2 Samuel 7:24

Isujm jatet c Yum tsa' wa'choco jini israelob a cha'año' bʌ cha'an mi' yochelob ti a tejclum ti pejtelel ora. Jatet c Yum tsa' wotsa a bʌ ti' Dios.

2 Samuel 7:5

Cucu suben c winic David: “Jiñʌch i t'an a Yum: ¿Mu' ba caj a melbeñon cotot cha'an c chumlib?

1 Reyob 8:27

¿Isujm ba mi' caj ti ajñel Dios ti pañimil? Awilan mach ñuquic ma' q'uel panchan cha'an ya' ma' chumtʌl. Ch'o'ch'oc jax jini otot tsa' bʌ c wa'chocobeyet.

1 Cronicas 16:14

Jiñʌch lac Yum Dios, i Yumʌch winicob x'ixicob ti pejtelel pañimil.

Salmos 109:1

Dios, mic sub a nuclel. Mach yomic che jach ñʌch'ʌlet.

Salmos 118:14

Lac Yum c p'ʌtʌlelʌch. Jiñʌch mu' bʌ j c'ʌyin. Jiñʌch xcoltaya c cha'an.

Salmos 118:21

Mic subeñet wocolix a wʌlʌ come tsa' jac'beyon. Tsa' ochiyet ti caj coltaya.

Salmos 118:28

Jatet c Dioset, mi caj c subeñet wocolix a wʌlʌ. C Dios, mi caj c pʌs a ñuclel.

Salmos 132:5

Jinto mic tajben i yajñib lac Yum, I chumlib jini p'ʌtʌl bʌ i Dios Jacob, che'en.

Salmos 140:7

C Yum Dios, caj coltayajet. Cabʌl a p'ʌtʌlel. Tsa' cʌntayon che' ti yorajlel guerra.

Salmos 145:1

Mi caj c sub a ñuclel, Dios. C Reyet. Mi caj c ch'ujutesan a c'aba' ti pejtelel ora.

Salmos 18:46

Cuxul lac Yum. Wocolix i yʌlʌ come jiñʌch xuc'ul bʌ xajlel yilal. La' sujbic i ñuclel Dios mu' bʌ i coltañon.

Salmos 22:10

Tsa' lotoyon che' bʌ tsa quila pañimil. C Dioset c'ʌlʌl che' cʌntʌbilon to tic ña'.

Salmos 22:3

Ch'ujulet ya' ba' buchulet ti a yumʌntel. Mi' subob a ñuclel jini israelob.

Salmos 27:1

Caj Coltaya c Yum. Mi' yʌc'on ti ajñel ti' sʌclel. ¿Yom ba mic bʌc'ñan winic? C Yum mi' coltañon che' an j contrajintel. ¿Majqui mi caj c bʌc'ñan che' jini?

Salmos 28:8

C Yum, c p'ʌtʌlelet lojon. Lajaletʌch bajche' ts'ajquibil bʌ otot ba' mi' taj i coltʌntel jini yajcʌbil bʌ a cha'an.

Salmos 30:1

C Yum, mi caj c sub a ñuclel, come tsa'ix a ñuq'uesʌbeyon c pusic'al. Tsa'ix a tiq'ui j contrajob. Ma'anic tsa' mʌjli i cha'añob.

Salmos 34:3

Conla c sub i ñuclel lac Yum. La' lac tem ñuq'uesʌben i c'aba'.

Salmos 48:14

Come Dios jiñʌch lac Dios ti pejtelel ora. Mi caj i toj'esañonla majlel c'ʌlʌl jinto mi lac chʌmel.

Salmos 59:17

Dios, mi caj j c'ʌyin a ñuclel. C p'ʌtʌlelet. Cʌntʌbilon ti jini chan bʌ ts'ajc am bʌ i q'ueloñib. Jatet, c Dios, ma' p'untañon.

Salmos 68:20

Jiñʌch Dios mu' bʌ i coltañonla. Lac Yum Dios mi' yʌc'onla ti loq'uel ba' bʌbʌq'uen mi lac chʌmel.

Salmos 99:5

Subula i ñuclel lac Yum Dios. Pʌcchocon la' bʌ ba'an i yoc. Ch'ujul jax lac Yum.

Salmos 99:9

C'uxbinla lac Yum Dios. Pʌcchocon la' bʌ ya' ba'an ch'ujul bʌ wits i cha'an, Come ch'ujulʌch lac Yum Dios.

Exodo 14:13

Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Exodo 3:6

Tsi' yʌlʌ: Joñon i Dioson a tat, i Dioson Abraham, i Dioson Isaac, i Dioson Jacob, che'en. Moisés tsi' mʌcʌ i wut come mach yomic i q'uel Dios cha'an bʌq'uen.

Exodo 4:22

Mi caj a suben Faraón: “Lac Yum woli' yʌl: Israel jiñʌch ascuñʌl bʌ calobil.

Exodo 40:34

Jini Tocal tsa' ajni yic'otob. Tsi' moso jini otot ba' mi' tempañob i bʌ. I ñuclel lac Yum tsa' bujt'i ti jini otot.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Isaias 12:2

Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch.

Isaias 25:1

C Yum, c Dioset. Mi caj c sub a ñuclel. Mi caj c tsictesan i ñuclel a c'aba', come tsa'ix a cha'le ñuc tac bʌ. Chuqui tac wʌn ña'tʌbil a cha'an c'ʌlʌl wajali wolix i yujtel.

Isaias 45:17

Pero Israel mi caj i taj i coltʌntel ti pejtelel ora ti' tojlel lac Yum. Ma'anix mi caj i chʌn cha'len quisin yic'ot bʌq'uen ti pejtelel ora.

Isaias 49:6

Woli' subeñon: “Mach jinic jach israelob mi caj a pʌyob tic tojlel. Mi caj cʌq'uet che' bajche' i sʌclel pañimil ti' tojlel jini ñajt bʌ chumulob ti mojt ti mojt cha'an mi' tajob i coltʌntel tic tojlel c'ʌlʌl ti petol pañimil”, che'en.

Isaias 66:1

Lac Yum tsi' yʌlʌ: Jini panchan jiñʌch c buchlib. Jini pañimil jiñʌch i yajñib coc. ¿Baqui mi caj la' wa'chocobeñon cotot? ¿Baqui mi caj la' melbeñon c chumlib ba' mij c'aj co?

Jeremias 3:23

Mach chʌn comix lojon c cha'len ch'ujutesaya ti bujtʌl tac che' bajche' tsac mele lojon che' lotibil lojon c pusic'al. Lolom jach pejtel chuqui tsac mele lojon ti wits tac. Ya' jach ti lac Yum Dios mi caj i taj i coltʌntel Israel.

Jeremias 31:33

Jiñʌch jini tsijib xuc'ul bʌ t'an mu' bʌ c mel yic'ot i p'olbal Israel, che'en lac Yum. Mi caj c ts'ijban c t'an ya' ti' pusic'alob. Che' jini mi caj i mulañob c t'an. Che' jini mero c cha'añʌch mi caj j q'uelob. Che' jini i Dioson.

Jeremias 32:38

Che' jini mero c cha'añob mi caj j q'uelob. Joñon i Dioson.

Habacuc 3:13

Tsa' majliyet ti' tojel i wut a winicob cha'an ma' coltañob. Tsa' colta jini yajcʌbilo' bʌ a cha'an. Tsa' top'be i jol jini xjontolil. Tsa' wʌc'ʌ ti tsictiyel pejtel i bʌquel.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.

Lucas 1:77

Mi caj a wʌq'ueñob winicob x'ixicob i cʌn bajche' mi caj i coltʌntelob che' mi' ñusʌbentelob i mul.

Lucas 2:30

Come wʌle tsa'ix j q'uele tic wut jini Xcoltaya tsa' bʌ a wʌc'ʌ,

Juan 4:22

Jatetla mach la' wujilic chuqui mi la' ch'ujutesan. Joñon lojon cujil chuqui mic ch'ujutesan lojon, come ch'oyol i coltʌntel winicob x'ixicob ti judíojob.

Juan 5:23

cha'an mi' q'uelob ti ñuc i Yalobil Dios pejtel winicob x'ixicob che' bajche' mi' q'uelob ti ñuc c Tat. Jini mach bʌ anic mi' q'uel ti ñuc i Yalobil Dios mach ñuquic mi' q'uel c Tat tsa' bʌ i chocoyon tilel.

Hechos 4:12

Ma'anic laj coltʌntel ti yambʌ, cojach ti' c'aba' Jesús. Ma'anic yambʌ ti yebal panchan aq'uebilo' bʌ winicob mu' bʌ mejlel i coltañonla. Che' tsi' yʌlʌ Pedro.

2 Corintios 5:19

Mic sub lojon ili t'an. Dios tsi' pʌsʌ i bʌ ti Cristo che' bʌ tsi' yuts'esʌbeyob i pusic'al jini año' bʌ ti pañimil. Tsi' cuchbeyob i mul. Tsi' yʌq'ueyon lojon tic wenta jini t'an mu' bʌ i yuts'esʌbeñonla lac pusic'al yic'ot Dios.

Efesios 2:22

Ti lac Yum wa'chocobiletla ja'el ti jump'ejl chumlibʌl ba' mi' chʌmtʌl Dios ti Espíritu.

Deuteronomio 10:21

Jiñʌch yom bʌ mi la' ch'ujutesan. Jiñʌch lac Dios tsa' bʌ i mele jini ñuc tac bʌ yic'ot bʌbʌq'uen tac bʌ tsa' bʌ la' q'uele.

Filipenses 2:11

Ti pejtelelob mi caj i yʌlob Yumʌlʌch Jesucristo cha'an mi' tsictesañob i ñuclel Dios lac Tat.

Filipenses 4:13

Ti Cristo mu' bʌ i p'ʌtesañon mi mejlel c mel pejtelel chuqui yom.

Colosenses 2:9

Ti' bʌc'tal Cristo mi' yajñel pejtelel i bujt'emal Dios.

Apocalipsis 15:3

Tsi' c'ʌyiyob i c'ay Moisés, i winic Dios, yic'ot i c'ay jini Tiñʌme'. Tsi' yʌlʌyob: Wen ñuc, wen uts'at pejtelel a melbal c Yum Dios, jatet Mach bʌ Anic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.

Apocalipsis 19:1

Che' bʌ tsa' ujti ti t'an tsa cubibe i t'an bajc'ʌl winicob x'ixicob ti panchan. C'am tsi' yʌlʌyob: ¡Aleluya! Tilem ti lac Yum Dios laj coltʌntel. La' sujbic i ñuclel yic'ot i c'uxbintel yic'ot i p'ʌtʌlel.

Juezob 5:21

Tsi' jexbayob majlel jini ja' i c'aba' Cisón. C pusic'al, cha'len xʌmbal ti cabʌl a p'ʌtʌlel.