Exodo 15:16 - Chol: I T’an Dios

¹⁶ C Yum, woliyobix ti bʌq'uen. Ñʌch'ʌlix tsa' cʌleyob cha'an wola' coltañon lojon, Jinto mij c'otel lojon ba' samiyon lojon, Jinto mi' laj c'otelob a cha'año' bʌ mʌmbilo' bʌ a cha'an.

Chol de Tumbalá Bible

¹⁶ C Yum, woliyobix ti bʌq'uen. Ñʌch'ʌlix tsa' cʌleyob cha'an wola' coltañon lojon, Jinto mij c'otel lojon ba' samiyon lojon, Jinto mi' laj c'otelob a cha'año' bʌ mʌmbilo' bʌ a cha'an.

Jiñi Tsiji' bʌ Wen T'añ cha'añ Estudio

¹⁶ ¡La' tilic bʌq'uen yic'ot tsiltsilñʌyel ti' tojlelob! Che' mi q'uelob i p'ʌtʌlel a c'ʌb, la' ñʌjch'icob che' bajche' xajlel, jinto che' ñumeñobix a tejclum, c Yum, jinto mi' c'otelob a tejclum tsa' bʌ a mʌñʌyob.

Exodo 15:16 Iomraidhean Croise

Genesis 35:5

Tsa' cajiyob ti xʌmbal majlel. Jini año' bʌ ti tejclum tac ya' ti' joytilel tsa' cajiyob ti bʌq'uen cha'an i Dios Jacob. Jini cha'an ma'anic tsi' yajñesayob i yalobilob Jacob.

2 Samuel 7:23

Ma'anic yambʌ tejclum c'uxbibil bʌ bajche' Israel wʌ' ti pañimil. Come tsa' loc'sa ti wocol cha'an mi' ñochtañet. Tsa' pʌyʌyob cha'an ma' wʌc' ti ñuc i c'aba'. Tsa' pʌsbeyob i yejtal tac a p'ʌtʌlel cha'an mi' bʌc'ñañetob. Tsa'ix a mʌñʌyob loq'uel ti' lumal Egipto. Tsa'ix a choco jubel yan tac bʌ tejclum yic'ot i diosob.

Salmos 105:38

Tijicñayob tsi' yubiyob egiptojob che' bʌ tsa' loq'uiyob, Come cabʌl woliyob ti bʌq'uen.

Salmos 74:2

Mach mi' ñajʌyel a cha'an a cha'año' bʌ tsa' bʌ a yajca ti wajali, jini mʌmbilo' bʌ a cha'an. Ña'tan Jerusalén ba' tsa' chumleyet.

Salmos 89:14

Toj ma' cha'len meloñel ti a yumʌntel come tojet. Uts'at pejtelel chuqui ma' mel. Mi' tsictiyel a wutslel yic'ot a sujmlel.

Exodo 11:7

Pero ma'anic chuqui mi caj i tumbentelob israelob, mi winic, mi bʌte'el. Ma'anic mi caj i wis wojiñob ts'i'. Che' jini mi caj la' ña'tan mach lajalobic mij q'uel egiptojob che' bajche' israelob”. Che' woli yʌl lac Yum.

Exodo 15:13

Ti' yutslel a pusic'al tsa' pʌyʌ majlel a cha'año' bʌ mʌmbilo' bʌ a cha'an. Ti a p'ʌtʌlel tsa' pʌyʌyob majlel ba'an ch'ujul bʌ a chumlib.

Exodo 15:5

Tsa' mujlʌyiyob ti ja'. Lajal bajche' xajlel tsa' yajliyob ti tam bʌ ja'.

Exodo 15:6

C Yum, mi' wen tsictiyel i ñuclel a p'ʌtʌlel. C Yum, tsa' jili a contra cha'an ti a p'ʌtʌlel.

Exodo 18:8

Moisés tsi' tsictesʌbe i nij'al pejtelel tsa' bʌ i mele lac Yum ti' tojlel Faraón yic'ot ti' tojlel egiptojob cha'an i c'uxbintel israelob. Tsi' tsictesʌbe ja'el bajche' tsi' coltayob lac Yum ti pejtelel jini wocol tac bʌ tsa' bʌ i yubiyob ti bij.

Exodo 23:20

Awilan wolic chocbeñetla majlel jini cAngel ti la' tojlel cha'an mi' cʌntañetla majlel. Mi caj i pʌyetla majlel ti la' wajñib chajpʌbil bʌ c cha'an.

Exodo 23:22

Mi uts'at mi la' jac'ben i t'an, cha'an mi la' mel che' bajche' tsi' subeyetla, mi caj j contrajin la' contrajob. Mi caj c tic'lan jini mu' bʌ i tic'lañetla.

Exodo 23:27

Mi caj c bʌc'tesan la' contrajob. Mi caj i toj sajtelob i pusic'al pejtelel winicob x'ixicob ba' mi caj la' c'otel. Mi caj c puts'tesan pejtelel la' contrajob.

Exodo 6:7

Mi caj cotsañetla tic cha'año' bʌ. Mi caj cochel ti la' Dios. Mi caj la' ña'tan la' Yumon la' Dioson tsa' bʌ c pʌyʌyetla loq'uel ti wocol e'tel ti' tojlel egiptojob.

Isaias 51:10

Jatet tsa' tiquesa colem ñajb. Tsa' jamʌ bij ti ja' ba' tsa' ñumiyob jini tsa' bʌ a mʌñʌyob.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Jeremias 31:11

Come lac Yum tsi' mʌñʌ Jacob. Tsi' loc'sa ti' c'ʌb jini ñumen p'ʌtʌl bʌ.

Ezequiel 16:8

Che' bʌ tsa' cha' ñumiyon ti a t'ejl, tsaj q'uele x'ixiquetix cajel. Che' jini tsac pʌyʌyet. Tsac bʌc'ʌyet tic pislel. Tsa cʌq'ueyet a pislel cha'an ma' lʌp. Tsac pejcayet, tsa' ochiyonla ti trato. Che' jini tsa' ochiyet tic cha'an.

Hechos 20:28

Chʌcʌ q'uele la' bʌ che' jini. Cʌntanla pejtelel jini tiñʌme', come jini Ch'ujul bʌ Espíritu tsi' yʌq'ueyetla la' we'tel ti xcʌntaya cha'an mi la' we'san jini xñopt'añob i cha'año' bʌ Dios tsa' bʌ i mʌñʌ ti' bajñel ch'ich'el.

Deuteronomio 11:25

Ma'anic majqui mi caj i wis tic'lañetla, come lac Yum Dios muq'uix caj i yʌq'ueñob i bʌc'ñañetla baqui jach mi la' ñumel che' bajche' tsi' wʌn subeyetla.

Deuteronomio 2:25

Come ti jim bʌ ora mi caj i toj sajtelob i pusic'al. Mi' cajelob ti bʌq'uen ti pejtelel pañimil che' mi' yubiñob wen ch'ejletla”, che'en.

Deuteronomio 2:4

Yom ma' subeñob pejtelel winicob: Muq'uix cajel la' ñumel ya' ti' tojel i lumal la' pi'ʌlob i yalobilob Esaú chumulo' bʌ ti Seir. Añob i bʌq'uen cha'an lʌc'ʌletla, pero yom wen tsajiletla cha'an ma'anic chuqui mi la' tumbeñob.

Deuteronomio 32:6

¿Che' ba yom melol ti' wut lac Yum? Tontojetla. ¿Mach ba la' tatic jini Dios? ¿Mach ba jinic tsi' meleyetla? ¿Mach ba jinic tsi' yʌq'ueyetla la' p'ʌtʌlel?

Deuteronomio 32:9

Come c'uxbibil Israel i cha'an lac Yum. Jacob i yajcʌbalʌch lac Yum.

Tito 2:14

Tsi' yʌc'ʌ i bʌ ti chʌmel cha'añonla cha'an mi' mʌñonla loq'uel ti pejtelel lac jontolil, cha'an mi' sʌq'uesañonla, cha'an mi' yotsañonla ti' cha'an, cha'an mi lac bʌx'an ti' melol pejtelel chuqui wen.

Josue 2:9

Cujilʌch la' Yum tsa'ix i yʌq'ueyetla ili lum, come tsa'ix caji c bʌc'ñañet lojon. Tsa' toj sajtiyob i pusic'al pejtel xchumtʌlob ti ili lum cha'añetla,

Josue 4:24

Che' jini winicob x'ixicob ti pejtelel pañimil mi caj i ña'tañob wen p'ʌtʌl lac Yum. Mi caj i bʌc'ñañob lac Yum Dios ti pejtelel ora. Che' tsi' yʌlʌ Josué.

1 Pedro 2:9

Pero i yalobiletla, yajcʌbiletla. Ñuc bʌ motomajetla ti' tojlel jini Rey. Ch'ujul bʌ tejclumetla. I cha'añetla Dios cha'an mi la' sub majlel jini ñuc tac bʌ i melbal Dios, tsa' bʌ i pʌyʌyetla loq'uel ti ic'yoch'an bʌ pañimil. Tsi' yotsayetla ti' sʌclel i yumʌntel.

2 Pedro 2:1

Pero tsa' tejchi lot bʌ x'alt'añob ti' tojlel israelob. Che' ja'el mi caj i tejchel lot bʌ xcʌntesajob ti la' tojlel. Ti mucul jach mi caj i yotsañob jini sojquem bʌ cʌntesa mu' bʌ i yʌq'uetla ti sajtel. Woli' ñusañob lac Yum tsa' bʌ i mʌñʌyob. Woli' bʌc' pʌyob tilel i wocol mu' bʌ caj i jisañob.

1 Samuel 2:9

Mi' cʌntʌben i yoc i cha'año' bʌ, Pero jini jontolo' bʌ mi' laj jilelob ti ic'yoch'an bʌ pañimil. Come mach cha'anic ti lac bajñel p'ʌtʌlel mi' mʌjlel lac cha'an.

1 Samuel 25:37

Ti yijc'ʌlal che' cha' c'ajalix i yo Nabal, i yijñam tsi' sube pejtelel chuqui tsa' ujti. Tsa' tsʌts'a i pusic'al che' bajche' jump'ejl xajlel.