Exodo 15:15 - Chol: I T’an Dios

¹⁵ Jini yumʌlob ti Edom tsa' cajiyob ti bʌq'uen. Tsiltsilñayob jini yumʌlob ti Moab. Tsa' toj sajtiyob i pusic'al pejtel año' bʌ ti Canaán.

Chol de Tumbalá Bible

¹⁵ Jini yumʌlob ti Edom tsa' cajiyob ti bʌq'uen. Tsiltsilñayob jini yumʌlob ti Moab. Tsa' toj sajtiyob i pusic'al pejtel año' bʌ ti Canaán.

Jiñi Tsiji' bʌ Wen T'añ cha'añ Estudio

¹⁵ Jiñi cha'añ jiñi yumʌlob ti Edom mi' cajelob ti bʌq'uen, jiñi ch'ejlo' bʌ ti Moab mi' cajelob ti tsiltsilñʌyel, mi caj i jilelob i ch'ejlel pejtelel año' bʌ ti Canaán.

Exodo 15:15 Iomraidhean Croise

Genesis 36:15

Jini yumʌlob loq'uemo' bʌ ti Esaú: Elifaz jini ascuñʌl bʌ i yalobil Esaú, Temán, Omar, Zefo, Cenaz, Coré, Gatam, Amalec. Jiñobʌch jini yumʌlob tilemo' bʌ ti Elifaz año' bʌ ti' lumal Edom. Jiñobʌch i p'olbalob Ada.

Genesis 36:40

Jiñobʌch i c'aba' tac yumʌlob loq'uemo' bʌ ti Esaú chumulo' bʌ ti jujump'ejl tejclum. Chucul ja'el i c'aba' tac tejclum ba' tsi' cha'leyob yumʌl jini yumʌlob: Timna, yic'ot Alva, yic'ot Jetet, yic'ot Aholibama, yic'ot Ela, yic'ot Pinón, yic'ot Cenaz, yic'ot Temán, yic'ot Mibzar, yic'ot Magdiel, yic'ot Iram. Jiñobʌch yumʌlob loq'uemo' bʌ ti Edom ti jujump'ejl xchumtʌl ya' ti' lumal. Esaú i tatʌch edomob.

2 Samuel 17:10

Anquese wen p'ʌtʌlob jini winicob bajche' bajlum, mi' cajelob ti bʌq'uen, come cʌmbilix i cha'an pejtelel israelob wen yujil guerra a tat yic'ot pejtelel i winicob.

Salmos 48:5

Che' bʌ tsi' q'ueleyob Sion tsa' toj sajtiyob i pusic'al. Tsi' cha'leyob bʌq'uen. Tsa' puts'iyob majlel.

Salmos 68:2

Che' bajche' buts' tomocña bʌ mi' majlel, la' majlicob ja'el jini chocbilo' bʌ i cha'an. Che' bajche' ta'chʌb mu' bʌ i yulmʌl ti c'ajc, La' jilicob jini jontolo' bʌ ti' tojlel Dios.

Isaias 13:7

Tsiltsilñayetla ti bʌq'uen ti la' pejtelel. C'uñobix jini ch'ejlo' bʌ i pusic'al.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Jeremias 49:23

Woli' toj sajtelob i pusic'al jini año' bʌ ti Hamat yic'ot Arfad ya' ti Damasco, come tsi' yubiyob tal wocol. Tsa' c'uñ'ayob cha'an bʌq'uen. Lajalob bajche' jini colem ñajb mu' bʌ i ñijcan i bʌ. Mach mejlic i c'aj i yo.

Ezequiel 21:7

Mi tsi' c'ajtibeyetob: “¿Chucoch ma' cha'len uq'uel?” mi che'ob, yom ma' subeñob: “Cha'an tsi' subeyon lac Yum tal bʌbʌq'uen tac bʌ ti' tojlel pejtelel winicob”, che'et. Che' mi' tilel mi caj i c'uñ'añob ti pejtelel. C'ax ch'ijiyem jax mi caj i yubiñob. Mi caj i c'uñ'an i pix jini p'ʌtʌlo' bʌ. Pejtelel iliyi mi caj i ts'ʌctiyel. Mach jalix mi caj i yujtel, che'en lac Yum Dios.

Nahum 2:10

Jocholix jini tejclum. Laj jisʌbilix. Jejmenix jini otot tac. C'uñob i pusic'al jini ya' bʌ chumulob. Tsiltsilñayob i pix ti bʌq'uen. Cabʌl jax i ch'ijiyemlel, sʌcobix i wut cha'an bʌq'uen.

Habacuc 3:6

Dios mi' poj wa'tʌl cha'an mi' can q'uel pañimil. Ti ora mi' yʌc' ti jilel i yumʌntel winicob. Mi' top' jini wits tac mach bʌ yujilic ñijcuyel ti pejtelel ora. Mi' pʌcchocoñob i bʌ jini bujtʌl tac ti' tojlel. Lajalʌch lac Yum wʌle che' bajche' ti pejtelel ora.

Habacuc 3:7

Wolij q'uel jini xchumtʌlob ti Cusán yic'ot ti Madián. Woliyob ti cabʌl wocol. Tsiltsilñayob ti bʌq'uen.

Deuteronomio 2:4

Yom ma' subeñob pejtelel winicob: Muq'uix cajel la' ñumel ya' ti' tojel i lumal la' pi'ʌlob i yalobilob Esaú chumulo' bʌ ti Seir. Añob i bʌq'uen cha'an lʌc'ʌletla, pero yom wen tsajiletla cha'an ma'anic chuqui mi la' tumbeñob.

Deuteronomio 20:8

Mi an juntiquil winic yujil bʌ bʌq'uen ti' pusic'al, la' cha' sujtic ti' yotot cha'an ma'anic mi' bʌc'tesan jini yaño' bʌ i pi'ʌlob”. Che'ʌch yom mi' yʌlob jini año' bʌ i ye'tel.

Josue 14:8

C pi'ʌlob tsa' bʌ majliyob quic'ot tsi' yotsʌbeyob i ch'ijiyemlel i pusic'al winicob x'ixicob. Pero joñon xuc'ul tsac tsajca lac Yum Dios ti pejtelel c pusic'al.

Josue 2:11

Tsa' toj sajti c pusic'al lojon che' bʌ tsa cubi lojon. Mach chʌn tijicñayobix i pusic'al winicob ti la' tojlel. Come la' Yum Dios Diosʌch ya' ti panchan yic'ot ti pañimil.

Josue 2:24

Tsi' subeyob: Lac Yum woli' yʌc' ti laj c'ʌb pejtel i lumal. Woli' toj sajtelob i pusic'al jini ya' bʌ chumulob, che'ob.

Josue 2:9

Cujilʌch la' Yum tsa'ix i yʌq'ueyetla ili lum, come tsa'ix caji c bʌc'ñañet lojon. Tsa' toj sajtiyob i pusic'al pejtel xchumtʌlob ti ili lum cha'añetla,

Josue 5:1

I yumob amorreojob ya' ti junwejl Jordán ja' ya' ti bʌjlibal q'uin yic'ot i yumob cananeojob año' bʌ ti' ti' jini colem ja' tsa' caji i yubiñob. Lac Yum tsa'ix i tsʌc'mesa jini Jordán ja'. Tsa' lu' c'axiyob jini israelob. Che' bʌ tsi' yubiyob tsa' toj sajtiyob i pusic'al. Mach chʌn contentojobix tsa' ajniyob come tsi' bʌc'ñayob jini israelob.

1 Samuel 14:16

Jini i yaj q'ueloñelob Saúl año' bʌ ti Gabaa ti' lumal Benjamín tsi' q'ueleyob tʌctʌcñayob jini winicob ya' ba' woli yujquel lum.