Exodo 15:13 - Chol: I T’an Dios

¹³ Ti' yutslel a pusic'al tsa' pʌyʌ majlel a cha'año' bʌ mʌmbilo' bʌ a cha'an. Ti a p'ʌtʌlel tsa' pʌyʌyob majlel ba'an ch'ujul bʌ a chumlib.

Chol de Tumbalá Bible

¹³ Ti' yutslel a pusic'al tsa' pʌyʌ majlel a cha'año' bʌ mʌmbilo' bʌ a cha'an. Ti a p'ʌtʌlel tsa' pʌyʌyob majlel ba'an ch'ujul bʌ a chumlib.

Jiñi Tsiji' bʌ Wen T'añ cha'añ Estudio

¹³ Ti yutslel a pusic'al tsa' pʌyʌ majlel a cha'año' bʌ mʌmbilo' bʌ a cha'añ. Ti a p'ʌtʌlel tsa' pʌyʌyob majlel ba'añ ch'ujul bʌ a chumlib.

Exodo 15:13 Iomraidhean Croise

Genesis 19:16

Pero tsa' to jal'a Lot. Jini winicob tsi' chucbeyob i c'ʌb Lot yic'ot i c'ʌb i yijñam yic'ot i c'ʌb cha'tiquil xch'oc bʌ i yalobil. Lac Yum tsi' p'unta Lot. Tsi' pʌyʌyob loq'uel. Tsa' majli i cʌyob ti' ti' tejclum.

2 Samuel 15:25

Jini rey tsi' sube Sadoc: Cha' q'uechex majlel jini Arca i cha'an lac Yum ya' ti tejclum. Mi uts'at mi' q'uelon lac Yum ti' yutslel i pusic'al, muq'uix i cha' pʌyon tilel cha'an mic cha' q'uel jini Arca ya' ti' yajñib. Pero mi mach yomix i q'uelon c Yum, che' jini wʌ' añon cha'an mi' melbeñon chuqui yom, che'en David.

Nehemias 9:12

Che' ti q'uiñil tsa' toj'esayob majlel ti toj wa'al bʌ tocal. Che' ti ac'ʌlel tsa' tsictesʌbeyob i bijlel ti toj wa'al bʌ c'ajc.

Salmos 106:9

Tsi' pejca jini Chʌchʌc bʌ Ñajb, tsa' tiqui. Tsi' pʌyʌyob ñumel ti tam bʌ ja' che' bajche' ti tiquin lum.

Salmos 74:2

Mach mi' ñajʌyel a cha'an a cha'año' bʌ tsa' bʌ a yajca ti wajali, jini mʌmbilo' bʌ a cha'an. Ña'tan Jerusalén ba' tsa' chumleyet.

Salmos 77:20

Ti' c'ʌb Moisés yic'ot ti' c'ʌb Aarón Tsa' pʌyʌ majlel a cha'año' bʌ che' bajche' tiñʌme'.

Salmos 78:35

Tsi' ña'tayob tilem jach ti Dios i coltʌntelob. Jini C'ax Ñuc Bʌ Dios jiñʌch tsa' bʌ i mʌñʌyob.

Salmos 80:1

Xcʌnta tiñʌme' i cha'an Israel, ñich'tañon. Tsa'ix a pʌyʌ majlel José che' bajche' tiñʌme'. Buchuletix ti' t'ejl querubiñob ya' ti chan.

Exodo 15:16

C Yum, woliyobix ti bʌq'uen. Ñʌch'ʌlix tsa' cʌleyob cha'an wola' coltañon lojon, Jinto mij c'otel lojon ba' samiyon lojon, Jinto mi' laj c'otelob a cha'año' bʌ mʌmbilo' bʌ a cha'an.

Exodo 15:17

Mi caj a pʌyob ochel ti' lumal. Mi caj a wʌc'ob ti chumtʌl ya' ti wits yajcʌbil bʌ a cha'an ya' ba'an a chumlib chajpʌbil bʌ a cha'an, Jini ch'ujul bʌ a wajñib wa'chocobil bʌ a cha'an.

Exodo 6:6

Subeñob jini israelob: “La' Yumon. Mi caj c ju'sʌbeñetla la' cuch tsa' bʌ i yʌq'ueyetla jini egiptojob. Mi caj c loc'sañetla ti majtan e'tel ti' tojlelob. Mi caj j coltañetla ti cabʌl c p'ʌtʌlel yic'ot bʌbʌq'uen tac bʌ c melbal.

Isaias 51:10

Jatet tsa' tiquesa colem ñajb. Tsa' jamʌ bij ti ja' ba' tsa' ñumiyob jini tsa' bʌ a mʌñʌyob.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 63:9

Ti pejtelel i wocol c tat lojon tsa' wubi wocol. A bajñel tsa' coltayob ti a c'uxbiya, ti' yutslel a pusic'al. Tsa' ch'uyuyob letsel ti a c'ʌb. Tsa' meq'ueyob majlel. Ma'anic tsa' wis cʌyʌyob.

Jeremias 2:6

Ma'anic mi juntiquilic mu' bʌ i ña'tañon. Ma'anic majqui mi' yʌl: “¿Baqui an lac Yum tsa' bʌ i pʌyʌyonla loq'uel ti' lumal egiptojob? Tsi' toj'esayonla ñumel ba' jochol lum ba'an wits yic'ot ch'en ya' ba' wen pim i yi'ic'lel pañimil, ba' ma'anic xchumtʌl”. Ma'anic majqui mi' ña'tañon, mi juntiquilic.

Efesios 2:4

Pero cabʌl tsi' p'untayonla Dios, cabʌl tsi' c'uxbiyonla.

1 Pedro 1:5

Come Dios woli' cʌntañetla ti ñuc bʌ i p'ʌtʌlel pejteletla mu' bʌ la' ñop, c'ʌlʌl ti jini cojix bʌ q'uin che' mi caj i tsictiyel la' coltʌntel tsa' bʌ i wʌn chajpʌbeyetla.