Exodo 15:11 - Chol: I T’an Dios

¹¹ C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Chol de Tumbalá Bible

¹¹ C Yum, ¿am ba Dios lajal bʌ bajche'et? ¿Majqui ñuc che' bajche' jini Ch'ujul bʌ Dios? Ma' ch'ujutesʌntel ti c'ay cha'an bʌbʌq'uen bʌ a melbal.

Jiñi Tsiji' bʌ Wen T'añ cha'añ Estudio

¹¹ ¿Am ba yam bʌ diosob lajal bʌ bajche'et c Yum? ¿Am ba yam bʌ ñuc bʌ, ch'ujul bʌ che' bajche' Jatet, bʌbʌq'uen bʌ mi pʌs wen bʌ i melbal?

Exodo 15:11 Iomraidhean Croise

2 Samuel 7:22

Come wen ñuquet, c Yum Dios. Ma'anic yambʌ Dios che' bajche' jatet. Jatet jach Dioset.

1 Cronicas 16:25

Come ñucʌch lac Yum, yom mi' wen sujbel i ñuclel. Yom mi lac wen bʌc'ñan Dios ñumen bajche' mi' bʌc'ñʌntelob dioste' tac.

2 Cronicas 2:5

Wen ñuc jini otot mu' bʌ caj c wa'chocon. Wen ñuc lac Dios. Ma'anic yambʌ ñuc bʌ ti' tojlel jini diosob.

2 Cronicas 6:14

Tsi' yʌlʌ: C Yum Dios, i Dioset israelob, ma'anic yambʌ Dios ti panchan yic'ot ti pañimil bajche' jatet. Ma' chʌn ña'tan a t'an, ma' chʌn pʌsbeñob i yutslel a pusic'al a cha'año' bʌ mu' bʌ i tsajcañetob ti pejtelel i pusic'al.

Salmos 113:5

¿Majqui lajal bajche' lac Yum Dios? Ma'anic yambʌ. Buchul lac Yum ti' ye'tel ya' ti chan.

Salmos 119:120

Tsiltsilñayon come mic bʌc'ñañet. Mic bʌc'ñañet che' ma' cha'len meloñel.

Salmos 136:4

Jini mu' bʌ i bajñel mel jini ñuc tac bʌ i melbal, Come ti pejtelel ora an i yutslel i pusic'al.

Salmos 145:17

Toj lac Yum ti pejtelel chuqui tac mi' mel. Tsiquil i yutslel ti pejtelel i melbal.

Salmos 22:23

Jatetla mu' bʌ la' bʌc'ñan lac Yum, subula i ñuclel. Pejtel i p'olbalet bʌ la Jacob, subula i ñuclel. Bʌc'ñanla lac Yum, pejtel israelet bʌ la.

Salmos 35:10

Mi caj c pejcañet che' c'oc'on to. C Yum, ¿majqui lajal bajche' jatet? Ma' chuc loq'uel jini p'ump'un bʌ ti' c'ʌb jini ñumen p'ʌtʌl bʌ. Ma' loc'san jini tic'lʌbil bʌ yic'ot jini pobre bʌ ti' p'ʌtʌlel jini yom bʌ i jisan.

Salmos 60:2

Tsa' choco tilel yujquel. Tsa' tsijli jini lum. Cha' melex ti pamal tac jini ch'en, come mach chʌn xuc'ulix pañimil.

Salmos 66:5

La'cula, q'uelela i melbal Dios. Bʌbʌq'uen i melbal ti' tojlel winicob x'ixicob.

Salmos 77:11

Mi caj c ña'tan i melbal lac Yum. Mic ña'tan i yejtal i p'ʌtʌlel tsa' bʌ i pʌsʌ wajali.

Salmos 77:14

Jatet jach, Dios, ma' pʌs i yejtal tac a p'ʌtʌlel. Tsa'ix a pʌsbeyob a p'ʌtʌlel winicob x'ixicob ti pejtelel lum.

Salmos 77:19

Tsa' pʌsbeyon lojon a bijlel ti colem ñajb. Jini alʌ bij a cha'an an ti colem ja' yilal. Mach tsiquilic i yejtal a woc ti bij.

Salmos 86:10

Come wen ñuquet, laj uts'atax a melbal. Jatet jach Dioset.

Salmos 86:8

C Yum, ma'anic yambʌ Dios che' bajche'et. Ma'anic yambʌ lajal bʌ i melbal.

Salmos 89:18

Come lac mʌctʌjibʌch lac Yum. Jiñʌch lac Rey, jini Ch'ujul bʌ ti Israel.

Salmos 90:11

¿Majqui mi' lu' cʌn i p'ʌtʌlel a mich'ajel? ¿Majqui mi' bʌc'ñañet cha'an cabʌl a mich'ajel?

Exodo 18:11

Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Exodo 20:3

Mach a ñop yambʌ dios. Yom jach ma' ñopon.

Exodo 3:20

Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Exodo 8:10

Faraón tsi' yʌlʌ: Ijc'ʌl to yom, che'en. Moisés tsi' yʌlʌ: La' ujtic che' bajche' ma' wʌl cha'an ma' ña'tan ma'anic majqui lajal bajche' lac Yum Dios.

Exodo 8:6

Che' jini Aarón tsi' sʌts'ʌ i c'ʌb ti' pam ja' am bʌ ti Egipto. Tsa' pam p'ojli xpequejc ti' lumal Egipto.

Exodo 9:14

Wʌle mi caj c wen tic'lañet yic'ot a winicob ti pejtelel a lumal cha'an mi la' cha'len tsic pusic'al, cha'an ma' ña'tan ma'anic yambʌ bajche'on ti pejtelel pañimil.

Isaias 40:18

Ma'anic majch lajal bajche' Dios. ¿Mejl ba lac mel i yejtal tac?

Isaias 40:25

¿Chucoch ma' lajiñon bajche' te'? ¿Am ba yambʌ lajal bʌ bajche' joñon? che'en jini Ch'ujul Bʌ.

Isaias 46:9

Ña'tanla c melbal ti' tojlel Israel ti wajali. Dioson. Joñon jach Dioson. Ma'anic yambʌ.

Isaias 57:15

Jini cuxul bʌ ti pejtelel ora, Ch'ujul Bʌ i c'aba', woli i yʌl: Joñon chumulon ti chan ti Ch'ujul bʌ Cajñib, pero wʌ' chumulon ja'el yic'ot jini mu' bʌ i mel i bʌ ti pec', yic'ot jini am bʌ i wocol. Mic ñuq'uesʌben i pusic'al jini uts bʌ. Mi cʌq'uen i tijicñʌyel jini am bʌ ti c'oj'ol.

Isaias 6:3

Mi' jac'ob i bʌ ti c'ay: Ch'ujulet, wen Ch'ujulet Dios, i Yumet Panchan yic'ot Pañimil. But'ul pejtel pañimil ti a ñuclel, che'ob.

Jeremias 10:16

Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Jeremias 49:19

Awilan, mi caj c bʌc' chocbeñob tilel i contra che' bajche' bajlum loq'uem bʌ ti mate'el ti' ti' Jordán. Mi' mucul ochel ti corral ba' tempʌbil tiñʌme'. Che' ja'el mi caj cajñesañob. Mi' caj ti yumʌntel jini wa'chocobil bʌ c cha'an. ¿Am ba yambʌ bajche' joñon? ¿Majqui mi' subeñon chuqui yom mic mel? ¿Am ba juntiquil xq'uel winicob mu' bʌ mejlel i mʌctañon? che'en lac Yum.

Miqueas 7:18

¿Am ba yambʌ Dios lajal bajche' jatet? Jatet jach ma' ñusan mulil. Ma' wʌc' ti ñajʌyel ti a pusic'al i jontolil a winicob tsa' bʌ colobʌjiyob. Come mach mich'etic ti pejtelel ora, Dios. Tijicña a pusic'al che' ma' pʌsbeñon lojon a c'uxbiya.

Lucas 12:5

Mi caj c wʌn subeñetla majqui yom mi la' bʌc'ñan. Yom mi la' bʌc'ñan jini am bʌ i p'ʌtʌlel cha'an mi' choquetla ochel ti c'ajc che' mi' yʌq'uetla ti chʌmel. Isujm mic subeñetla, jini jach yom mi la' bʌc'ñan.

Deuteronomio 1:30

Jini lac Yum Dios jiñʌch mu' bʌ caj i ñaxan majlel ti la' tojlel cha'an mi' cʌntañetla che' bajche' tsi' coltayetla loq'uel ti Egipto.

Deuteronomio 33:26

Ma'anic yambʌ dios che' bajche' i Dios Israel. Mi' t'uchtan jini tocal am bʌ ti panchan cha'an mi' tilel i coltañet. Mi' pʌs i ñuclel ya' ti panchan.

Deuteronomio 4:34

¿Tsa' ba tili yambʌ dios i coltan winicob che' bajche' tsi' coltayonla lac Yum Dios? Tsi' pʌsʌ i p'ʌtʌlel ti lac tojlel che' bʌ tsi' pʌyʌyonla loq'uel ti' p'ʌtʌlel laj contrajob. Tsi' yotsayonla ti' cha'an bʌ. Tsi' pʌsʌ i yejtal tac i p'ʌtʌlel yic'ot bʌbʌq'uen tac bʌ yic'ot tsʌts tac bʌ ti la' tojlel che' bʌ tsi' loc'sayetla ti Egipto.

Apocalipsis 13:4

Tsi' ch'ujutesayob jini ajin, come jini ajin tsi' yʌq'ue i ye'tel jontol bʌ bʌte'el. Tsi' ch'ujutesayob jini jontol bʌ bʌte'el ja'el. Tsi' yʌlʌyob: ¿Bacan yambʌ lajal bajche' jini jontol bʌ bʌte'el? ¿Majqui mi mejlel i cha'len guerra ti' contra? che'ob.

Apocalipsis 15:4

C Yum, ¿am ba winic mach bʌ anic mi caj i bʌc'ñʌbeñet a c'aba', mach bʌ anic mi caj i ñuq'uesʌbeñet a c'aba'? Come jatet jach ch'ujulet. Jini cha'an pejtel año' bʌ ti pañimil mi caj i tilelob i ch'ujutesañet, come tsa' tsictiyi toj bʌ a meloñel. Che' tsi' c'ʌyiyob.

Apocalipsis 4:8

Ti jujuntiquil an wʌwʌq'uejl i wich'. An cabʌl i wut tac ti' joytʌlel i cuctal yic'ot ti' mal. Ti pejtelel q'uin yic'ot ti pejtelel ac'ʌlel ma'anic mi' cʌyob i yʌl: Ch'ujul, ch'ujul, ch'ujul lac Yum Dios jini Mach bʌ Anic i P'isol i P'ʌtʌlel, jini am bʌ ti wajali, jini am bʌ wʌle, jini tal to bʌ. Che' mi' yʌlob.

1 Samuel 2:2

Ma'anic yambʌ ch'ujul bʌ che' bajche' lac Yum. Come ma'anic yambʌ lajal bʌ bajche' Dios. Ma'anic yambʌ Xajlel, jini jach Dios.