Exodo 15:10 - Chol: I T’an Dios

¹⁰ Tsa' wujtayob ti ic'. Tsa' mujlʌyiyob ti jini colem ñajb. Tsa' yajliyob che' bajche' tsucu taq'uin che' bʌ tsi' jats'ʌyob ja'.

Chol de Tumbalá Bible

¹⁰ Tsa' wujtayob ti ic'. Tsa' mujlʌyiyob ti jini colem ñajb. Tsa' yajliyob che' bajche' tsucu taq'uin che' bʌ tsi' jats'ʌyob ja'.

Jiñi Tsiji' bʌ Wen T'añ cha'añ Estudio

¹⁰ Tsa' wujtayob ti ic', tsa' mujlʌyiyob ti mar, tsa' sujp'iyob ochel che' bajche' tsucu taq'uiñ ti jiñi p'ʌtʌl bʌ ja'.

Exodo 15:10 Iomraidhean Croise

Genesis 8:1

Dios tsi' ña'ta Noé yic'ot pejtelel bʌte'el yic'ot pejtelel alʌc'ʌl am bʌ ti barco. Tsi' choco tilel ic'. Tsa' caji ti sajp'el jini ja'.

2 Samuel 18:8

Tsa' ñumi jini guerra c'ʌlʌl ti ñajtʌl. Cabʌl jini winicob tsa' jiliyob ya' ti te'el. Mach cabʌlobic tsa' jiliyob ti espada.

Nehemias 9:11

Tsa' t'oxbeyob colem ñajb c ñojte'el lojon cha'an mi' c'axelob. Ya' ti' yojlil ñajb tsi' xʌñʌyob tiquin bʌ lum. Jatet tsa' choco ochel ti tam bʌ ja' jini woli bʌ i yajñesañob che' bajche' mic choc lojon ochel xajlel ti p'ʌtʌl bʌ ja'.

Salmos 135:7

Lac Yum mi' ch'uy letsel tocal c'ʌlʌl ti junwejl pañimil. Mi' choc tilel chajc yic'ot ja'al. Mi' loc'san ic' ti' yotlel ba' lotol i ye'tijib.

Salmos 147:18

Mi' yʌc' i t'an, mi' yulmʌl. Mi' choc tilel ic'. Jini ja' mi' cajel ti ajñel.

Exodo 14:21

Moisés tsi' sʌts'ʌ i c'ʌb ti' pam ñajb. Lac Yum tsi' wets'e majlel jini ñajb jump'ejl ac'ʌlel ti p'ʌtʌl bʌ ic' loq'uem bʌ ba' mi' pasel q'uin. Tsa' cajli jini ja'. Tiquin tsa' cʌle lum ba' tsa' cajli ñajb.

Exodo 15:5

Tsa' mujlʌyiyob ti ja'. Lajal bajche' xajlel tsa' yajliyob ti tam bʌ ja'.

Proverbios 30:4

¿Majqui jini tsa' bʌ letsi ti panchan tsa' bʌ jubi tilel? ¿Majqui tsi' yʌc'ʌ ti' wenta jini ic' cha'an ma'anic mi' ñumel? ¿Majqui tsi' melbe i ti' ja' cha'an cʌchʌl yilal jini ja' che' bajche' ti pisil? ¿Majqui tsi' p'isi pañimil che' ti' cajibal? ¿Chuqui i c'aba'? ¿Chuqui i c'aba' i yalobil? ¿Mach ba a wujilic?

Isaias 11:15

Lac Yum mi caj i tiquesan jini Chʌchʌc bʌ Ñajb am bʌ ti Egipto. Mi caj i sʌts' i c'ʌb ya' ti colem ja' i c'aba' Eufrates cha'an mi' t'oxtʌl ti wucts'ijt i xʌc' jini ja', cha'an mi' c'axelob winicob.

Jeremias 10:13

Che' mi' cha'len t'an mi' ñijcan i bʌ tocal. Mi' yʌc' ti letsel i yowix lum ti' petol pañimil. Mi' choc tilel chajc yic'ot ja'al. Mi' loc'san ic' ya' ba' lotol cha'an mi' choc tilel.

Jeremias 46:17

Pejcanla jini Faraón Hofra rey bʌ ti Egipto, come che' jach mi' tech leto. Mach mʌjlic i cha'an, come mi to'ol ñusan q'uin che' i yorajlelix mi' chajpan i bʌ.

Amos 4:13

Come jiñʌch Dios tsa' bʌ i mele wits yic'ot ic'. Mi' yʌc' ti tsictiyel chuqui woli' ña'tañob winicob ti' pusic'al. Mi' sutq'uin i sʌclel pañimil ti ic'chipan bʌ. Mi' cha'len xʌmbal ti' chañilel pañimil. I c'aba' lac Yum, i Dios Panchan yic'ot Pañimil.

Mateo 8:27

Tsa' toj sajtiyob i pusic'al winicob. Tsi' yʌlʌyob: ¿Majqui jini winic? Come jini ic' yic'ot ñajb mi' jac'ben i t'an, che'ob.

Deuteronomio 11:4

Tsa' la' q'uele chuqui tsa' tumbentiyob jini soldadojob año' bʌ ti Egipto, yic'ot i caballo, yic'ot i carreta tac. Tsa' laj jisʌntiyob ti colem ja' i c'aba' Chʌchʌc bʌ che' bʌ tsa' tiliyob ti ajñel ti la' pat. Lac Yum tsi' laj jisayob ti ja'. Ma'anix tsi' yʌc'ʌyetla ti' c'ʌb. C'ʌlʌ wʌle librejetixla.