Exodo 15:1 - Chol: I T’an Dios

¹ Moisés yic'ot israelob tsi' c'ʌyiyob lac Yum ti ili c'ay: Mi caj j c'ʌyin lac Yum, come ti' ñuclel tsa'ix mʌjli i cha'an. Tsa'ix i choco ochel ti ñajb jini caballo tac yic'ot c'ʌchʌlo' bʌ.

Chol de Tumbalá Bible

¹ Moisés yic'ot israelob tsi' c'ʌyiyob lac Yum ti ili c'ay: Mi caj j c'ʌyin lac Yum, come ti' ñuclel tsa'ix mʌjli i cha'an. Tsa'ix i choco ochel ti ñajb jini caballo tac yic'ot c'ʌchʌlo' bʌ.

Jiñi Tsiji' bʌ Wen T'añ cha'añ Estudio

¹ Jiñi cha'añ Moisés yic'ot israelob tsi' c'ʌyiyob lac Yum yic'ot ili c'ay: “Mi caj j c'ʌyin lac Yum, come ti' p'ʌtʌlel tsa' mʌjli i cha'añ; tsa'ix i choco ochel ti mar jiñi caballo tac yic'ot c'ʌchʌlo' bʌ.

Exodo 15:1 Iomraidhean Croise

Nehemias 9:11

Tsa' t'oxbeyob colem ñajb c ñojte'el lojon cha'an mi' c'axelob. Ya' ti' yojlil ñajb tsi' xʌñʌyob tiquin bʌ lum. Jatet tsa' choco ochel ti tam bʌ ja' jini woli bʌ i yajñesañob che' bajche' mic choc lojon ochel xajlel ti p'ʌtʌl bʌ ja'.

Job 36:24

Yom ma' ñuq'uesan cha'an ñuc tac bʌ i melbal. Cʌñʌl i melbal ti pejtelel pañimil.

Salmos 105:43

Tsi' pʌyʌ loq'uel i cha'año' bʌ. Tijicñayob i pusic'al tsa' loq'uiyob. Jini yajcʌbilo' bʌ i cha'an tsi' cha'leyob c'ay.

Salmos 106:12

Jini cha'an tsi' ñopbeyob i t'an, Tsi' c'ʌyibeyob i ñuclel.

Salmos 107:15

La' lac suben wocolix i yʌlʌ lac Yum cha'an i yutslel, Cha'an ñuc bʌ i melbal mu' bʌ i pʌsbeñonla.

Salmos 107:8

La' lac suben wocolix i yʌlʌ lac Yum cha'an i yutslel, Cha'an ñuc bʌ i melbal mu' bʌ i pʌsbeñonla.

Salmos 32:7

C puts'ibet, Mi caj a cʌntañon che' mi' tajon wocol. Mi caj c cha'len c'ay cha'an wola' joy coltañon.

Salmos 76:6

Che' bʌ tsa' tiq'uiyob, c Dios, i Dioset bʌ Jacob, Tsa' yajliyob jini c'ʌchʌlo' bʌ yic'ot i c'ʌchlib.

Salmos 76:7

Bʌc'ñʌbilet. ¿Majqui mi mejlel ti c'otel ti a t'ejl che' mich'et?

Exodo 14:26

Lac Yum tsi' sube Moisés: Sʌts'ʌ a c'ʌb ti pam colem ñajb. La' ñujp'ic ja' ti' tojlel egiptojob año' bʌ ti carreta tac yic'ot jini c'ʌchʌlo' bʌ, che'en.

Exodo 14:27

Jini cha'an Moisés tsi' sʌts'ʌ i c'ʌb ti pam colem ñajb. Che' ti sʌc'ajel jini ñajb tsi' cha' pam'a i bʌ. Che' woli' ñopob puts'el egiptojob lac Yum tsi' jisayob ya' ti' yojlil ñajb.

Exodo 15:21

Miriam tsi' cʌntesayob ti c'ay: C'ʌyinla lac Yum, Come tsa' mʌjli i cha'an ti' ñuclel. Tsa'ix i choco ochel ti colem ñajb jini caballo tac yic'ot c'ʌchʌlo' bʌ, che'en.

Exodo 18:11

Cujilix ñuc lac Yum, mach ñuquic dioste' tac, come ñuc tsi' pʌsʌ i bʌ lac Yum ti' tojlel jini egiptojob tsa' bʌ i chañ'esayob i bʌ, che'en.

Proverbios 29:6

Jini xjontolil mi' yajlel ti' mul che' bajche' ti yac. Ma'anic chuqui mi' bʌc'ñan jini toj bʌ. Tijicñayʌch i pusic'al.

Isaias 42:10

C'ʌyinla lac Yum ti tsiji' bʌ c'ay. La' ñuq'uesʌntic i c'aba' c'ʌlʌl ti ñajt bʌ pañimil. Ñuq'uesʌbenla i c'aba' lac Yum pejtel añet bʌ la ti colem ñajb, yic'ot ti' ti'il jini ñajb.

Jeremias 51:21

Mi caj j c'ʌñet cha'an mic jisan jini c'ʌchʌlo' bʌ yic'ot i c'ʌchlib yic'ot jini mu' bʌ i ñijcañob majlel jini carreta.

Oseas 2:17

Israel, mi caj cʌc' ti ñajʌyel a cha'an a dioste' tac. Ma'anix mi caj a chʌn pejcʌben i c'aba'.

Habacuc 3:18

pero tijicñayon cha'an lac Yum. Mi caj i ñuc'an c pusic'al ti Dios mu' bʌ i coltañon.

Numeros 21:17

Jini cha'an jini israelob tsa' caji i c'ʌyin ili c'ay: La' wʌjlic loq'uel ja'. Cha'lenla c'ay cha'an jini ja'. Jiñʌch ja' tsa' bʌ i top'oyob yumʌlob. Wen melbil jini pozo ti plata tac yic'ot ti ch'ijt te'. Tsi' cha' cʌyʌyob jini colem bʌ i tiquiñal pañimil. Tsi' xʌñʌyob majlel c'ʌlʌl ti Matana.

Colosenses 2:15

Tsi' jisʌbe i p'ʌtʌlel xiba yic'ot i yaj e'telob yic'ot i yumʌntel. Tsi' quisnitesayob ti' wut pejtelelob. Tsa' mʌjli i cha'an Cristo ya' ti cruz.

Apocalipsis 15:3

Tsi' c'ʌyiyob i c'ay Moisés, i winic Dios, yic'ot i c'ay jini Tiñʌme'. Tsi' yʌlʌyob: Wen ñuc, wen uts'at pejtelel a melbal c Yum Dios, jatet Mach bʌ Anic i P'isol a P'ʌtʌlel. Toj a bijlel, isujm ja'el. Jatet i Reyet pejtel i cha'año' bʌ Dios.