Exodo 14:22 - Chol: I T’an Dios

²² Jini israelob tsa' c'axiyob ti' yojlil ñajb ba' tiquin lum. Ya' wa'al jini ja' ti' ñoj yic'ot ti' ts'ej che' bajche' bojte' ti jujunwejl.

Chol de Tumbalá Bible

²² Jini israelob tsa' c'axiyob ti' yojlil ñajb ba' tiquin lum. Ya' wa'al jini ja' ti' ñoj yic'ot ti' ts'ej che' bajche' bojte' ti jujunwejl.

Jiñi Tsiji' bʌ Wen T'añ cha'añ Estudio

²² Jiñi cha'añ jiñi israelob tsa' c'axiyob ti yojlil mar che' tiquiñix, ixcu jiñi ja' lajal tsa' ajñi che' bajche' jump'ejl ts'ajc ti' ñoj yic'ot ti' ts'ej.

Exodo 14:22 Iomraidhean Croise

2 Reyob 2:8

Elías tsi' ch'ʌmʌ i bʌjq'uil. Tsi' pʌcula. Tsi' c'ʌñʌ i jats' jini ja'. Che' jini tsi' t'oxo i bʌ jini ja'. Tsa' c'axiyob ba' tiquin.

Nehemias 9:11

Tsa' t'oxbeyob colem ñajb c ñojte'el lojon cha'an mi' c'axelob. Ya' ti' yojlil ñajb tsi' xʌñʌyob tiquin bʌ lum. Jatet tsa' choco ochel ti tam bʌ ja' jini woli bʌ i yajñesañob che' bajche' mic choc lojon ochel xajlel ti p'ʌtʌl bʌ ja'.

Salmos 106:9

Tsi' pejca jini Chʌchʌc bʌ Ñajb, tsa' tiqui. Tsi' pʌyʌyob ñumel ti tam bʌ ja' che' bajche' ti tiquin lum.

Salmos 136:13

Jiñʌch tsa' bʌ i cala ti ojlil jini Chʌchʌc bʌ Ñajb, Come ti pejtelel ora an i yutslel i pusic'al.

Salmos 136:14

Tsi' pʌyʌ c'axel israelob ti yojlil, Come ti pejtelel ora an i yutslel i pusic'al.

Salmos 66:6

Dios tsi' tiquesa jini colem ñajb. Jini winicob x'ixicob tsi' xʌñʌyob ñumel jini colem ja' ti' yoc. Tijicña tsa cubi lojon ya'i ti lac Yum.

Salmos 74:15

Tsa' mele i loq'uib ja', tsa' jambeyon lojon cuxul bʌ ja'. Tsa' tiquesa colem ja' mach bʌ yujilic tiquin.

Salmos 78:13

Tsi' cala jini colem ñajb. Tsi' pʌyʌyob c'axel. Tsi' yʌc'ʌ ti cʌytʌl jini ja' che' bajche' bujtʌl.

Exodo 14:29

Pero jini israelob tsi' cha'leyob xʌmbal ya' ti tiquin lum ti yojlil colem ñajb che' wa'al jini ja' ti' ñoj yic'ot ti' ts'ej.

Exodo 15:19

Come tsa' laj ochiyob ti ñajb i caballo Faraón yic'ot i carreta tac yic'ot jini c'ʌchʌlo' bʌ. Lac Yum tsi' cha' ñup'u jini ja' ti' pam. Pero jini israelob tsa' ñumiyob ti tiquin lum ya' ti' yojlil colem ñajb.

Exodo 15:8

Che' bʌ tsa' loq'ui ic' ti a ni', tsa' cajli jini ja'. Jini ja' tsa' wa'le che' bajche' bojte'. Jini wʌlʌcña bʌ ja' tsa' tsʌts'a yilal.

Isaias 11:15

Lac Yum mi caj i tiquesan jini Chʌchʌc bʌ Ñajb am bʌ ti Egipto. Mi caj i sʌts' i c'ʌb ya' ti colem ja' i c'aba' Eufrates cha'an mi' t'oxtʌl ti wucts'ijt i xʌc' jini ja', cha'an mi' c'axelob winicob.

Isaias 11:16

Lac Yum mi caj i yʌc' colem bij cha'an mi' cha' tilelob jini israelob tsa' bʌ cʌleyob ti Asiria che' bajche' tsi' jambeyob i bijlel i ñojte'elob che' bʌ tsa' loq'uiyob israelob ti Egipto.

Isaias 43:16

Tsac jambeyet bij ya' ti ojlil colem ja' ba' tsa' ñumiyet ti colem ñajb.

Isaias 51:10

Jatet tsa' tiquesa colem ñajb. Tsa' jamʌ bij ti ja' ba' tsa' ñumiyob jini tsa' bʌ a mʌñʌyob.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Isaias 63:13

¿Majqui tsi' c'axtesayob ya' ba' tam jini ja'? Toj tsa' majliyob che' bajche' caballo ti tiquiñal pañimil. Ma'anic tsi' jats'ʌyob i yoc.

Zacarias 2:5

Come lac Yum i wentajʌch ts'ajc. Mi caj i joy mʌctañob ti' p'ʌtʌlel yic'ot ti' c'ʌc'al. Lac Yum i ñuclelʌch jini tejclum, che'en jini ángel.

Numeros 33:8

Tsi' cʌyʌyob Pihahirot. Tsa' c'axiyob ti colem ñajb ba'an jump'ejl colem bʌ i tiquiñal pañimil i c'aba' Etam. Uxp'ejl q'uin tsi' xʌñʌyob ya'i. Che' jini tsa' jijliyob ti Mara.

1 Corintios 10:1

Hermanojob, mach comic mi' ñajʌyel ti la' pusic'al bajche' tsa' ajniyob pejtelel lac ñojte'el che' bʌ tsi' toj'esayob majlel Dios ti tocal. Ti pejtelelob tsa' ñumiyob majlel ti ojlil colem ñajb.

Hebreos 11:29

Cha'an tsi' ñopoyob Dios, tsa' c'axiyob ti jini Chʌchʌc Ñajb che' bajche' ti tiquin lum. Jini egiptojob tsa' chʌmiyob ti ja' che' bʌ tsi' lon ñopoyob c'axel.

Josue 3:16

Jini ja' woli bʌ ti jubel tilel tsi' cʌyʌ i xʌmbal. Ñajt to tsa' wa'le che' bajche' bujtʌl. Tsa' cʌle ya' ti tejclum i c'aba' Adam am bʌ ti' t'ejl Saretán. Tsa' sʌcʌ jili jini ja' woli bʌ i ñumel majlel ti jini joctʌl Arabá c'ʌlʌl ba' mi' yochel ti colem ñajb i c'aba' Ats'am. Jini winicob x'ixicob tsa' c'axiyob majlel ti ja'. Tsa' c'otiyob lʌc'ʌl ti Jericó.

Josue 3:17

Jini motomajob q'uechel bʌ i cha'an jini Arca ba' lotol jini Xuc'ul bʌ T'an i cha'an lac Yum, tsa' wa'leyob ti tiquin lum ya' ti' yojlil Jordán ja'. Che' ya' wa'alob jini motomajob ti' yojlil, pejtel jini israelob tsa' lu' c'axiyob ti Jordán ja' che' bajche' tiquin bʌ lum.

Josue 4:22

Che' jini mi cajel la' cʌntesañob: “Ya' ba' lʌtsʌl ili xajlel jini israelob tsa' c'axiyob ti Jordán ja' che' bajche' ti tiquin bʌ lum”, che'etla.

1 Samuel 25:16

Tsi' mʌctayon lojon che' bajche' ts'ajc ti q'uiñil yic'ot ti ac'ʌlel, ti pejtelel q'uin che' bʌ tsaj cʌnta lojon tiñʌme' ya' ba' añob.