Exodo 14:21 - Chol: I T’an Dios

²¹ Moisés tsi' sʌts'ʌ i c'ʌb ti' pam ñajb. Lac Yum tsi' wets'e majlel jini ñajb jump'ejl ac'ʌlel ti p'ʌtʌl bʌ ic' loq'uem bʌ ba' mi' pasel q'uin. Tsa' cajli jini ja'. Tiquin tsa' cʌle lum ba' tsa' cajli ñajb.

Chol de Tumbalá Bible

²¹ Moisés tsi' sʌts'ʌ i c'ʌb ti' pam ñajb. Lac Yum tsi' wets'e majlel jini ñajb jump'ejl ac'ʌlel ti p'ʌtʌl bʌ ic' loq'uem bʌ ba' mi' pasel q'uin. Tsa' cajli jini ja'. Tiquin tsa' cʌle lum ba' tsa' cajli ñajb.

Jiñi Tsiji' bʌ Wen T'añ cha'añ Estudio

²¹ Moisés tsi' sʌts'ʌ i c'ʌb ti' pam jiñi mar, che' jiñi lac Yum tsi' cala jiñi mar ti p'ʌtʌl bʌ ic' tilem bʌ ti' pasibal q'uiñ tsa' bʌ ñumi ti' jump'ejlel ac'ʌlel. Che'ʌch tsa' tiqui jiñi mar, che'ʌch tsi' t'oxo i bʌ jiñi ja'.

Exodo 14:21 Iomraidhean Croise

Genesis 8:1

Dios tsi' ña'ta Noé yic'ot pejtelel bʌte'el yic'ot pejtelel alʌc'ʌl am bʌ ti barco. Tsi' choco tilel ic'. Tsa' caji ti sajp'el jini ja'.

2 Reyob 2:8

Elías tsi' ch'ʌmʌ i bʌjq'uil. Tsi' pʌcula. Tsi' c'ʌñʌ i jats' jini ja'. Che' jini tsi' t'oxo i bʌ jini ja'. Tsa' c'axiyob ba' tiquin.

Nehemias 9:11

Tsa' t'oxbeyob colem ñajb c ñojte'el lojon cha'an mi' c'axelob. Ya' ti' yojlil ñajb tsi' xʌñʌyob tiquin bʌ lum. Jatet tsa' choco ochel ti tam bʌ ja' jini woli bʌ i yajñesañob che' bajche' mic choc lojon ochel xajlel ti p'ʌtʌl bʌ ja'.

Job 26:12

Ti' p'ʌtʌlel Dios mi' ñʌjch'el colem ja'. Ti cabʌl i ña'tibal mi' ju'sʌben i pusic'al i bʌl ja' chan bʌ mi' mel i bʌ.

Job 38:24

¿Baqui ch'oyol i sʌclel pañimil? ¿Bajche' mi' pam ñumel ti pañimil? ¿Baqui ch'oyol jini tiquin bʌ ic' am bʌ i ticwʌlel?

Salmos 136:13

Jiñʌch tsa' bʌ i cala ti ojlil jini Chʌchʌc bʌ Ñajb, Come ti pejtelel ora an i yutslel i pusic'al.

Salmos 148:8

Yic'ot c'ajc yic'ot tuñija' yic'ot i ña'al tsʌñal, Yic'ot jini p'ʌtʌl bʌ ic'. Mi' laj jac'ben i t'an.

Salmos 66:6

Dios tsi' tiquesa jini colem ñajb. Jini winicob x'ixicob tsi' xʌñʌyob ñumel jini colem ja' ti' yoc. Tijicña tsa cubi lojon ya'i ti lac Yum.

Salmos 74:13

Jatet tsa' t'oxo majlel jini colem ñajb. Jatet tsa' top'beyob i jol ajin ya' ti colem ja'.

Salmos 78:13

Tsi' cala jini colem ñajb. Tsi' pʌyʌyob c'axel. Tsi' yʌc'ʌ ti cʌytʌl jini ja' che' bajche' bujtʌl.

Exodo 14:16

Letsan a barate'. Sʌts'ʌ a c'ʌb ti pam ñajb cha'an mi' cal i bʌ jini ja', cha'an mi' c'axelob ti tiquin bʌ lum jini israelob ya' ti' yojlil ñajb.

Exodo 14:20

Ya'an jini wa'al bʌ Tocal ti xinlʌpʌl cha'an mi' mʌctan egiptojob. Jini Tocal tsi' pʌsbeyob ic'yoch'an bʌ pañimil jini egiptojob, pero tsi' pʌsbeyob i c'ʌc'al jini israelob. Che' jini ma'anic tsa' mejliyob ti c'axel jini egiptojob che' ti ac'ʌlel.

Exodo 15:8

Che' bʌ tsa' loq'ui ic' ti a ni', tsa' cajli jini ja'. Jini ja' tsa' wa'le che' bajche' bojte'. Jini wʌlʌcña bʌ ja' tsa' tsʌts'a yilal.

Exodo 7:19

Lac Yum tsi' sube Moisés: Suben Aarón: “Ch'ʌmʌ a barate'. Sʌts'ʌ a c'ʌb ti' pam jini ja' am bʌ ti Egipto, ti' pam jini colem ja', yic'ot ti xʌc' tac ja', yic'ot aban tac, yic'ot pejtel lʌmʌl bʌ ja' cha'an mi' pʌntiyel ti ch'ich'. Mi caj i pʌntiyel ti ch'ich' pejtelel ja' am bʌ ti Egipto, yic'ot ja'el i yajñib ja' melbil bʌ ti te' yic'ot ti xajlel”, che'et. Che' tsi' yʌlʌ lac Yum.

Isaias 23:11

Lac Yum tsa'ix i pʌsʌ i p'ʌtʌlel ti colem ñajb. Tsa'ix i chilbeyob i ye'tel yumʌlob. Tsa'ix i yʌc'ʌ i t'an ti' contra Tiro cha'an mi' jisʌbentel i p'ʌtʌlel.

Isaias 43:16

Tsac jambeyet bij ya' ti ojlil colem ja' ba' tsa' ñumiyet ti colem ñajb.

Isaias 44:27

Mic suben i mal lum cha'an mi' tiquin i ya'al. Mi cʌc' ti tiquin colem ja'.

Isaias 50:2

Che' bʌ tsa' tiliyon, ¿chucoch ma'anic majch tsac taja? Che' bʌ tsac pʌyʌyetla, ¿chucoch ma'anic majch tsi' jac'ʌ? ¿Tutsul ba j c'ʌb cha'an mach c tajayeticla? ¿Mach ba anic c p'ʌtʌlel cha'an mij coltañetla, cha'an mi cʌq'uetla ti libre? Jasʌl mi cʌc' c t'an cha'an mi' laj tiquin jini colem ñajb. Ya' ti colem ja' tiquin lumix mi' majlel. Muq'uix i tuw'an chʌy cha'an ma'anix ja'. Woli' chʌmelob ti tiquin ti'.

Isaias 51:10

Jatet tsa' tiquesa colem ñajb. Tsa' jamʌ bij ti ja' ba' tsa' ñumiyob jini tsa' bʌ a mʌñʌyob.

Isaias 51:15

Joñon a Yum Dios, i Yumon Panchan yic'ot Pañimil. Jiñʌch j c'aba. Tsac t'oxo colem ñajb. Tsac tiquesʌbeyet bij ti ojlil wʌlʌcña bʌ ja'.

Isaias 63:12

¿Baqui an jini tsa' bʌ i t'oxo jini colem ñajb ti ñuc bʌ i p'ʌtʌlel che' bʌ tsi' sʌts'ʌ i c'ʌb Moisés? Che' jini tsi' yʌc'ʌ i bʌ ti cʌjñel cha'an mi' ña'tʌntel ti pejtelel ora.

Isaias 63:13

¿Majqui tsi' c'axtesayob ya' ba' tam jini ja'? Toj tsa' majliyob che' bajche' caballo ti tiquiñal pañimil. Ma'anic tsi' jats'ʌyob i yoc.

Habacuc 3:8

C Yum Dios, ¿tsa' ba a mich'le jini ja' tac che' bʌ tsa' t'oxle jini colem ñajb? Ma'anic, come tsa' jach a mele cha'an ma' coltan winicob x'ixicob. Ti pejtelelob tsi' q'ueleyob a p'ʌtʌlel che' bʌ tsa' mʌjli a cha'an. Tsa' wʌc'ʌ a t'an, tsa' pasi ja' ti lum.

Hechos 7:36

Moisés tsi' pʌyʌ loq'uel i yalobilob Israel che' bʌ tsa' ujti i pʌs bʌbʌq'uen tac bʌ yic'ot i yejtal i p'ʌtʌlel cha'c'al jab ya' ti Egipto yic'ot ti Chʌchʌc bʌ Ñajb yic'ot ti jochol bʌ lum.

Josue 2:10

come tsa'ix cubi lojon chuqui tsi' melbeyetla la' Yum. Tsi' tsʌc'mesa jini colem ja', i c'aba' Chʌchʌc Bʌ, che' bʌ tsa' loq'uiyetla ti Egipto. Tsa'ix cubi lojon chuqui tsa' la' tumbe jini cha'tiquil rey, Sehón yic'ot Og, ya' ti junwejl Jordán. Tsa' la' jisa jini amorreojob.

Josue 3:17

Jini motomajob q'uechel bʌ i cha'an jini Arca ba' lotol jini Xuc'ul bʌ T'an i cha'an lac Yum, tsa' wa'leyob ti tiquin lum ya' ti' yojlil Jordán ja'. Che' ya' wa'alob jini motomajob ti' yojlil, pejtel jini israelob tsa' lu' c'axiyob ti Jordán ja' che' bajche' tiquin bʌ lum.

Josue 4:23

Come lac Yum Dios tsi' tsʌc'mesa jini ja' ti' wut israelob c'ʌlʌl tsa' c'axiyob majlel, che' bajche' tsi' tsʌc'mesa jini Chʌchʌc bʌ Ñajb ti wajali che' bʌ tsa' c'axiyonla.