Exodo 14:16 - Chol: I T’an Dios

¹⁶ Letsan a barate'. Sʌts'ʌ a c'ʌb ti pam ñajb cha'an mi' cal i bʌ jini ja', cha'an mi' c'axelob ti tiquin bʌ lum jini israelob ya' ti' yojlil ñajb.

Chol de Tumbalá Bible

¹⁶ Letsan a barate'. Sʌts'ʌ a c'ʌb ti pam ñajb cha'an mi' cal i bʌ jini ja', cha'an mi' c'axelob ti tiquin bʌ lum jini israelob ya' ti' yojlil ñajb.

Jiñi Tsiji' bʌ Wen T'añ cha'añ Estudio

¹⁶ Ixcu jatet, letsan a barajte', sʌts'ʌ a c'ʌb ti' pam jiñi mar cha'añ mi' cal i bʌ, cha'añ jiñi israelob mi' c'axelob ya' ti yojlil jiñi mar ba' tiquin.

Exodo 14:16 Iomraidhean Croise

2 Reyob 4:29

Eliseo tsi' sube Giezi i yaj e'tel: Chajpan a bʌ cha'an ma' majlel ti ajñel. Ch'ʌmʌ majlel jini c barate' a wic'ot. Mi tsa' taja winic ti bij mach a pejcan. Mi an majqui mi' yʌq'ueñet cortesía ti bij, mach a jac'ben. Che' c'otemetix yom ma' wʌc' jini barate' ti' wut jini ch'iton, che'en.

Exodo 14:15

Lac Yum tsi' sube Moisés: ¿Chucoch wola' chʌn pejcañon? Subeñob majlel jini israelob.

Exodo 14:26

Lac Yum tsi' sube Moisés: Sʌts'ʌ a c'ʌb ti pam colem ñajb. La' ñujp'ic ja' ti' tojlel egiptojob año' bʌ ti carreta tac yic'ot jini c'ʌchʌlo' bʌ, che'en.

Exodo 17:5

Lac Yum tsi' sube Moisés: Cucu ti' tojlel winicob x'ixicob. Pʌyʌ majlel lamital jini xñoxob año' bʌ ti Israel. Ch'ʌmʌ a barate' tsa' bʌ a c'ʌñʌ che' bʌ tsa' jats'ʌ jini Nilo. Cucu ba' añob.

Exodo 17:6

Awilan, mi caj c wa'tʌl ti a tojlel ya' ti xajlel am bʌ ti Horeb. Mi caj a jats' jini xajlel. Mi caj i loq'uel ja' cha'an mi' japob, che'en. Che'ʌch tsi' mele Moisés ba' tsi' q'ueleyob jini xñoxob año' bʌ ti Israel.

Exodo 4:17

Mi caj a chuc ili barate' ti a c'ʌb cha'an ma' pʌs i yejtal c p'ʌtʌlel, che'en Dios.

Exodo 4:2

Lac Yum tsi' sube: ¿Chuqui chucul a cha'an? che'en. Tsi' yʌlʌ: Barate', che'en.

Exodo 4:20

Che' jini Moisés tsi' pʌyʌ majlel i yijñam yic'ot i yalobilob. Tsi' yʌq'ueyob i c'ʌchtan burro tac. Tsa' majliyob ti' lumal egiptojob. Chucul i cha'an Moisés i barate' Dios.

Exodo 7:19

Lac Yum tsi' sube Moisés: Suben Aarón: “Ch'ʌmʌ a barate'. Sʌts'ʌ a c'ʌb ti' pam jini ja' am bʌ ti Egipto, ti' pam jini colem ja', yic'ot ti xʌc' tac ja', yic'ot aban tac, yic'ot pejtel lʌmʌl bʌ ja' cha'an mi' pʌntiyel ti ch'ich'. Mi caj i pʌntiyel ti ch'ich' pejtelel ja' am bʌ ti Egipto, yic'ot ja'el i yajñib ja' melbil bʌ ti te' yic'ot ti xajlel”, che'et. Che' tsi' yʌlʌ lac Yum.

Exodo 7:9

Mi tsi' subeyetla Faraón: “Pʌsʌla i yejtal tac la' p'ʌtʌlel”, mi che'en, yom ma' suben Aarón: “Ch'ʌmʌ a barate'. Choco ti lum ti' tojel Faraón”, che'et. Che' jini mi caj i pʌntiyel ti lucum, che'en lac Yum.

Isaias 10:26

I Yum Panchan yic'ot Pañimil mi caj i choc tilel i yángel cha'an mi' jisan jini asiriajob che' bajche' Gedeón tsi' jisa Madián ya' ti t'ejl xajlel i c'aba' Oreb, che' bajche' lac Yum tsi' jisa egiptojob ya' ti Chʌchʌc bʌ Ñajb.

Habacuc 3:8

C Yum Dios, ¿tsa' ba a mich'le jini ja' tac che' bʌ tsa' t'oxle jini colem ñajb? Ma'anic, come tsa' jach a mele cha'an ma' coltan winicob x'ixicob. Ti pejtelelob tsi' q'ueleyob a p'ʌtʌlel che' bʌ tsa' mʌjli a cha'an. Tsa' wʌc'ʌ a t'an, tsa' pasi ja' ti lum.

Numeros 20:11

Che' jini Moisés tsi' q'ueche i c'ʌb. Cha'yajl tsi' jats'ʌ jini xajlel. Tsa' caji ti loq'uel tilel cabʌl ja' cha'an mi' japob israelob yic'ot i yʌlac'.

Josue 8:18

Che' jini lac Yum tsi' sube Josué: Tuch'u a lanza am bʌ ti a c'ʌb ti' tojel Hai, come joñon mi caj cʌq'ueñet jini tejclum, che'en. Josué tsi' tuch'u jini lanza am bʌ ti' c'ʌb che' bajche' tsi' yʌlʌ lac Yum.