Exodo 14:14 - Chol: I T’an Dios

¹⁴ Lac Yum mi caj i cha'len guerra yic'otob. Yom jach ñʌch'ʌletla, che'en.

Chol de Tumbalá Bible

¹⁴ Lac Yum mi caj i cha'len guerra yic'otob. Yom jach ñʌch'ʌletla, che'en.

Jiñi Tsiji' bʌ Wen T'añ cha'añ Estudio

¹⁴ Lac Yum mi caj i cha'len guerra yic'otob, ixcu jatetla yom jach ñʌch'ʌletla.

Exodo 14:14 Iomraidhean Croise

2 Cronicas 20:15

Jahaziel tsa' caji i yʌl: Nich'tanla pejtel chumulet bʌ la ti Judá yic'ot ti Jerusalén yic'ot la' rey Josafat. Lac Yum woli' subeñetla: “Mach mi la' cha'len bʌq'uen, mach mi' toj sajtel la' pusic'al cha'an motocñayob soldadojob, come mach la' wentajic jini guerra. An ti' wenta Dios.

2 Cronicas 20:17

Ti ili guerra ma'anic mi caj la' cha'len leto. Che' jach wa'aletla yom. Ajñenla ti ñʌch'ʌl. Pijtan la' coltʌntel, come wʌ'an lac Yum la' wic'ot. Winicob ti Judá yic'ot ti Jerusalén, mach mi la' cha'len bʌq'uen. Mach mi la' mel la' pusic'al. Ijc'ʌl che' ti sʌc'ajel cucula ti guerra ti' tojel i wut, come joñon mi caj c majlel la' wic'ot”, che'en lac Yum. Che' tsi' yʌlʌ Jahaziel.

2 Cronicas 20:29

Lac Yum Dios tsi' yotsʌbeyob i bʌq'uen winicob ti pejtelel pañimil, come tsi' yubiyob bajche' lac Yum tsi' jisabeyob i contrajob israelob.

Nehemias 4:14

Tsaj q'uele uts'at añob. Tsa' wa'leyon c subeñob jini ñuco' bʌ winicob yic'ot año' bʌ i ye'tel yic'ot yaño' bʌ lac pi'ʌlob ti pejtelelob: Mach la' bʌc'ñañob. Ña'tanla wen ñuc lac Yum mu' bʌ lac bʌc'ñan. Cha'lenla wersa ti guerra cha'an mi la' coltan la' pi'ʌlob yic'ot pejtel la' walobilob yic'ot la' wijñam yic'ot la' wotot, cho'on.

Nehemias 4:20

Baqui jach añetla che' mi la' wubiben i t'an trompeta, la'la ba' woli' wustʌl cha'an mi la' coltan la' pi'ʌlob. Lac Dios mi caj i coltañonla ti guerra, cho'on.

Nehemias 9:11

Tsa' t'oxbeyob colem ñajb c ñojte'el lojon cha'an mi' c'axelob. Ya' ti' yojlil ñajb tsi' xʌñʌyob tiquin bʌ lum. Jatet tsa' choco ochel ti tam bʌ ja' jini woli bʌ i yajñesañob che' bajche' mic choc lojon ochel xajlel ti p'ʌtʌl bʌ ja'.

Salmos 35:1

C Yum, yom ma' contrajiñob mu' bʌ i contrajiñon. Cha'len guerra yic'otob.

Salmos 50:3

Tal lac Dios. Mach ñʌch'ʌlic che' mi' tilel. Mi' lejmel c'ajc ti' tojel i wut. An p'ʌtʌl bʌ ic' ti' joytilel.

Salmos 83:1

Dios, mach yomic ma' to'ol q'uelon lojon. Mach yomic ñʌch'ʌlet. Mach a tic' a bʌ.

Exodo 14:15

Lac Yum tsi' sube Moisés: ¿Chucoch wola' chʌn pejcañon? Subeñob majlel jini israelob.

Exodo 14:25

Lac Yum tsi' jembe i yoc tac carreta i cha'an egiptojob. Che' jini ma'anix tsa' mejli i chʌn xʌñob majlel. Jini egiptojob tsi' yʌlʌyob: La' puts'iconla loq'uel ti' tojlel israelob, come i Yum woli' contrajiñonla. Woli' coltañob, che'ob.

Exodo 15:3

Wen yujil guerra lac Yum. I c'aba'ʌch lac Yum.

Isaias 30:15

Come lac Yum Dios, jini Ch'ujul Bʌ ti Israel, woli' yʌl: Sutq'uin a bʌ ba' añon, ñopox c t'an. Che' jini ñʌch'ʌl mi caj a wajñel. Mi caj a taj a p'ʌtʌlel yic'ot i xuc'tilel a pusic'al. Pero woli jach a ñusʌbeñon c t'an.

Lamentaciones 3:26

Yom mi lac ñop lac Yum. Yom mi lac chʌn pijtan ti' xuc'tilel lac pusic'al jinto mi' coltañonla.

Deuteronomio 1:30

Jini lac Yum Dios jiñʌch mu' bʌ caj i ñaxan majlel ti la' tojlel cha'an mi' cʌntañetla che' bajche' tsi' coltayetla loq'uel ti Egipto.

Deuteronomio 20:4

Come lac Yum Dios mi' majlel la' wic'ot ti guerra ti' contra la' contrajob cha'an mi' coltañetla”, che'en.

Deuteronomio 3:22

Mach yomic ma' bʌc'ñañob, come lac Yum Dios mi' majlel a wic'ot ti guerra, cho'on.

Josue 10:10

Lac Yum tsi' yotsʌbeyob i bʌq'uen jini winicob ti' tojlel israelob. Josué tsa' mʌjli i cha'an ya' ti Gabaón. Tsi' yajñesayob majlel jini amorreojob c'ʌlʌl ti Bethorón. Josué tsi' tsʌnsa jini woliyo' bʌ ti puts'el c'ʌlʌl ti Azeca yic'ot ti Maceda.

Josue 10:14

Ma'anic yambʌ q'uin che' bajche' iliyi c'ʌlʌl wajali c'ʌlʌl wʌle, come lac Yum tsi' jac'be i t'an juntiquil winic. Lac Yum tsi' colta jini israelob ti guerra.

Josue 10:42

Tsa' mʌjli i cha'an Josué ti' tojlel pejtelel jini yumʌlob che' ti junyajl jach. Tsi' ch'ʌmʌ ti' wenta i lumal. Come lac Yum i Dios Israel tsi' colta jini israelob.

Josue 23:10

Juntiquil mi mejlel i yajñesan jump'ejl mil, come lac Yum Dios mi' coltañetla ti guerra che' bajche' tsi' subeyetla.

Josue 23:3

Tsa'ix la' q'uele pejtelel tsa' bʌ i mele lac Yum Dios ti' tojlel la' contrajob cha'an mi yʌq'ueñetla jini lum, come jiñʌch lac Yum Dios tsa' bʌ i coltayetla ti guerra.

Juezob 5:20

Ya' ti panchan jini ec' tac tsi' cha'leyob guerra yilal. Ya' ba' woliyob ti xʌmbal tsi' cha'leyob guerra ti' contra Sísara.

1 Samuel 4:7

Che' jini tsa' cajiyob ti bʌq'uen jini filisteojob. Tsa' caji' yʌlob: Tsa'ix c'oti i diosob ya' ba' tempʌbilob. ¿Bajchexca mi caj la cujtel? Come ma'anic ba' ujtem ti yambʌ ora che' bajche' iliyi.