Exodo 14:13 - Chol: I T’an Dios

¹³ Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Chol de Tumbalá Bible

¹³ Moisés tsi' subeyob: Mach la' cha'len bʌq'uen. Ch'ejl'esan la' bʌ. Q'uelela bajche' mi caj i coltañet lac Yum wʌle. Come ma'anix mi caj la' chʌn q'uel jini egiptojob woli bʌ la' q'uel wʌle.

Jiñi Tsiji' bʌ Wen T'añ cha'añ Estudio

¹³ Moisés tsi' jac'be jiñi israelob: —Mach la' cha'len bʌq'uen; yom chʌn xuc'uletla yic'ot q'uelela bajche' mi caj i coltañet lac Yum wʌle, come jiñi egiptojob woli bʌ la' q'uel wʌle, ma'añix ba' ora mi caj la' chʌn q'uel.

Exodo 14:13 Iomraidhean Croise

Genesis 15:1

Che' ujtemix iliyi tsa' tili i t'an lac Yum ba'an Abram ti ñajal: Abram, mach a cha'len bʌq'uen. Joñon a mʌctʌjibon. Wen ñuc a chobejtʌbal mu' bʌ caj a wʌq'uentel. Che' tsi' yʌlʌ lac Yum.

Genesis 26:24

Lac Yum tsi' pʌsʌ i bʌ ba'an Isaac ti jini jach bʌ ac'ʌlel. Tsi' yʌlʌ: Joñon i Dioson Abraham a tat. Mach a cha'len bʌq'uen, come añon quic'otet. Mi caj cʌq'ueñet i yutslel c t'an. Mi caj c p'ojlesan a walobil che' bajche' tsac sube Abraham jini c winic, che'en.

Genesis 46:3

Tsi' yʌlʌ: Joñon Dioson, i Dioson a tat. Mach a bʌc'ñan majlel ti Egipto, come ya'i mi caj c wen p'ojlesan a walobilob.

Genesis 49:18

C Yum, wolic pijtañet jinto ma' coltañon.

2 Reyob 6:16

Eliseo tsi' jac'ʌ: Mach a cha'len bʌq'uen, come ñumen cabʌlob jini mu' bʌ i coltañonla che' bajche' i yonlel laj contrajob, che'en.

1 Cronicas 11:14

Pero Eleazar tsa' wersa wa'le ti' yojlil jini pʌc'ʌbʌl. Ma'anic tsa' puts'i. Tsa' caji i tsʌnsan cabʌl filisteojob. Lac Yum tsi' colta. Jini cha'an tsa' wen mʌjli i cha'an.

2 Cronicas 20:15

Jahaziel tsa' caji i yʌl: Nich'tanla pejtel chumulet bʌ la ti Judá yic'ot ti Jerusalén yic'ot la' rey Josafat. Lac Yum woli' subeñetla: “Mach mi la' cha'len bʌq'uen, mach mi' toj sajtel la' pusic'al cha'an motocñayob soldadojob, come mach la' wentajic jini guerra. An ti' wenta Dios.

2 Cronicas 20:17

Ti ili guerra ma'anic mi caj la' cha'len leto. Che' jach wa'aletla yom. Ajñenla ti ñʌch'ʌl. Pijtan la' coltʌntel, come wʌ'an lac Yum la' wic'ot. Winicob ti Judá yic'ot ti Jerusalén, mach mi la' cha'len bʌq'uen. Mach mi la' mel la' pusic'al. Ijc'ʌl che' ti sʌc'ajel cucula ti guerra ti' tojel i wut, come joñon mi caj c majlel la' wic'ot”, che'en lac Yum. Che' tsi' yʌlʌ Jahaziel.

Nehemias 9:9

Tsa' q'uele c ñojte'el lojon che' bʌ woli' tic'lʌntelob ti Egipto. Tsa' wubibeyob c'am bʌ i t'an ya' ti' ti' Chʌchʌc bʌ Ñajb.

Salmos 3:8

Ch'oyol laj coltʌntel ti lac Yum. La' aq'uenticob i wenlel i cha'año' bʌ.

Salmos 68:21

Dios mi caj i jisʌbeñob i p'ʌtʌlel i contrajob, Come mach yomobic i cʌyob i mul.

Salmos 78:53

Xuc'ul tsi' pʌyʌ i cha'año' bʌ. Ma'anic tsi' cha'leyob bʌq'uen. Pero tsi' jisʌbeyob i contrajob ti colem ñajb.

Salmos 91:8

Ti a wut mi caj a q'uel i chobejtʌbal jini jontolo' bʌ.

Exodo 14:30

Ti jini jach bʌ q'uin lac Yum tsi' colta loq'uel israelob ti' p'ʌtʌlel egiptojob. Jini israelob tsi' q'ueleyob chʌmeñobix egiptojob ya' ti' ti' colem ñajb.

Exodo 20:20

Moisés tsi' jac'beyob: Mach la' cha'len bʌq'uen. Tsa' tili Dios cha'an mi' q'uel la' pusic'al. Yom mi la' bʌc'ñan Dios cha'an ma'anic mi la' cha'len mulil, che'en.

Isaias 26:3

Jatet c Yum ma' cʌntʌben i pusic'al jini mu' bʌ i ñopet cha'an ñʌch'ʌl mi' yajñel mu' bʌ i chʌn ña'tañet.

Isaias 30:15

Come lac Yum Dios, jini Ch'ujul Bʌ ti Israel, woli' yʌl: Sutq'uin a bʌ ba' añon, ñopox c t'an. Che' jini ñʌch'ʌl mi caj a wajñel. Mi caj a taj a p'ʌtʌlel yic'ot i xuc'tilel a pusic'al. Pero woli jach a ñusʌbeñon c t'an.

Isaias 35:4

Subeñob jini woliyo' bʌ ti bʌq'uen: La' ñuc'ac la' pusic'al. Mach mi la' cha'len bʌq'uen, come la' wilan talix lac Dios. Tal i jisan la' contrajob. Mi caj i tilel Dios cha'an mi' coltañetla, che'etla.

Isaias 43:11

Joñon jach Yumʌlon. Ma'anic yambʌ xColtaya.

Isaias 7:4

Suben: “Tsajilet. Yom ñʌch'ʌlet. Mach yomic ma' cha'len bʌq'uen. Mach mi' toj sajtel a pusic'al cha'an tsʌts bʌ i mich'ajel jini Rezín yic'ot jini siriajob yic'ot Peka. Lajalob bajche' cha'ts'ijt taj yomix bʌ yajpel i c'ʌc'al.

Jeremias 3:23

Mach chʌn comix lojon c cha'len ch'ujutesaya ti bujtʌl tac che' bajche' tsac mele lojon che' lotibil lojon c pusic'al. Lolom jach pejtel chuqui tsac mele lojon ti wits tac. Ya' jach ti lac Yum Dios mi caj i taj i coltʌntel Israel.

Lamentaciones 3:26

Yom mi lac ñop lac Yum. Yom mi lac chʌn pijtan ti' xuc'tilel lac pusic'al jinto mi' coltañonla.

Oseas 1:7

Pero mi caj c p'untan jini año' bʌ ti Judá. Tic bajñel p'ʌtʌlel mi caj j coltañob loq'uel ti' c'ʌb i contrajob. Ma'anic mi caj j c'ʌn soldadojob mi e'tijibʌl cha'an guerra cha'an mij coltañob. Che' tsi' yʌlʌ lac Yum.

Oseas 13:4

Joñon jach a Dioson, a Yumon, c'ʌlʌl che' bʌ tsac pʌyʌyet loq'uel ti Egipto. Ma'anic yambʌ Dios. Ma'anic yambʌ xColtaya, joñon jach.

Oseas 13:9

Che' mic jisañet, ¿majqui mi mejlel i coltañet?

Habacuc 3:13

Tsa' majliyet ti' tojel i wut a winicob cha'an ma' coltañob. Tsa' colta jini yajcʌbilo' bʌ a cha'an. Tsa' top'be i jol jini xjontolil. Tsa' wʌc'ʌ ti tsictiyel pejtel i bʌquel.

Habacuc 3:8

C Yum Dios, ¿tsa' ba a mich'le jini ja' tac che' bʌ tsa' t'oxle jini colem ñajb? Ma'anic, come tsa' jach a mele cha'an ma' coltan winicob x'ixicob. Ti pejtelelob tsi' q'ueleyob a p'ʌtʌlel che' bʌ tsa' mʌjli a cha'an. Tsa' wʌc'ʌ a t'an, tsa' pasi ja' ti lum.

Numeros 14:9

La' wocolic mach mi la' chañ'esan la' bʌ ti' tojlel lac Yum. Mach mi la' bʌc'ñan jini winicob ya' bʌ añob ti jini lum. Lajalob jax yilal bajche' waj mu' bʌ laj c'ux, come lac Yum woli' cʌntañonla. Lac Yum tsa'ix i cʌyʌ jini año' bʌ ti Canaán. Mach mi la' bʌc'ñañob, che' jini. Che' tsi' xiq'uiyob Caleb.

Mateo 28:5

Jini ángel tsi' sube x'ixicob: Mach mi la' cha'len bʌq'uen. Cujil woli la' sajcan Jesús tsa' bʌ ch'ijle ti cruz.

Deuteronomio 20:3

“Ubinla israelob: Tempʌbiletla wʌle cha'an mi la' cha'len guerra. Mach yomic mi' c'uñ'an la' pusic'al cha'an mi la' bʌc'ñanob.

1 Samuel 11:13

Pero Saúl tsi' jac'ʌ: Ma'anic majqui mi' caj ti chʌmel wʌle cha'an i mul, come lac Yum tsa'ix i colta israelob, che'en.

1 Samuel 12:16

Pijtanla jini ñuc bʌ i melbal lac Yum. Q'uelela chuqui mi caj i mel ti la' tojlel.