Exodo 13:9 - Chol: I T’an Dios

⁹ Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Chol de Tumbalá Bible

⁹ Jiñʌch i yejtal cha'an i cha'añetixla lac Yum che' bajche' jump'ejl ejtalʌl am bʌ ti la' c'ʌb mi ti la' pam, cha'an mi la' chʌn ña'tan i cʌntesʌbal lac Yum, come ti' p'ʌtʌlel lac Yum tsi' pʌyʌyetla loq'uel ti Egipto.

Jiñi Tsiji' bʌ Wen T'añ cha'añ Estudio

⁹ Ili q'uiñijel mi caj i c'ʌjñibʌyel che' bajche' i yejtal ti a c'ʌb yic'ot ti a pam cha'añ ma' chʌn ña'tan, cha'añ ma' chʌn tsictesan ti a wej i mandar lac Yum, come ti p'ʌtʌl bʌ i c'ʌb lac Yum tsi' loc'sayetla ti Egipto.

Exodo 13:9 Iomraidhean Croise

Nehemias 1:10

Jiñobʌch a winicob, a tejclumob, tsa' bʌ a colta ti ñuc bʌ a p'ʌtʌlel che' bʌ tsa' loc'sayob ti Egipto.

Salmos 136:11

Tsi' pʌyʌ loq'uel israelob ya' ba' cʌchʌlob, Come ti pejtelel ora an i yutslel i pusic'al.

Salmos 136:12

Tsi' loc'sayob ti' tojlel i contrajob ti p'ʌtʌl bʌ i c'ʌb. Come ti pejtelel ora an i yutslel i pusic'al.

Salmos 89:13

Cabʌlʌch i p'ʌtʌlel a c'ʌb, cabʌlʌch a melbal. Ma'anic i p'isol a p'ʌtʌlel.

Exodo 12:14

Jiñʌch jump'ejl q'uin yom bʌ mi la' ña'tan. Yom mi la' chʌn mel ili q'uin cha'an c ña'tʌntel yic'ot la' walobilob yic'ot pejtelel la' p'olbal mu' bʌ caj i tilelob. Yom mi la' chʌn ña'tan ili q'uin ti pejtelel ora.

Exodo 12:41

Che' bʌ ñumenix jumbajc' yic'ot lujump'ejl i cha'c'al jab, ti jini jach bʌ q'uin tsa' loq'uiyob ti' lumal egiptojob pejtelel i cha'año' bʌ lac Yum.

Exodo 13:14

Tal i yorajlel che' mi caj i c'ajtibeñetla la' walobilob: “¿Chuqui i sujmlel jini?” Mi che'ob, mi caj la' jac': “Ti' p'ʌtʌlel lac Yum tsi' pʌyʌyonla loq'uel ti Egipto, ya' ba chuculonla ti wocol e'tel.

Exodo 13:16

Jiñʌch i yejtal cha'an i cha'anetla lac Yum, che' bajche' jump'ejl ejtalʌl am bʌ ti la' c'ʌb o ti la' pam cha'an mi la' chʌn ña'tan tsi' pʌyʌyetla loq'uel ti Egipto lac Yum”. Che'i mi caj la' jac'ben la' wa'lobilob, che'en Moisés.

Exodo 13:3

Moisés tsi' sube winicob x'ixicob: Ña'tanla jini q'uin che' bʌ tsa' loq'uiyetla ti Egipto ba' chucbiletla ti to'ol e'tel, come cha'an ti' p'ʌtʌlel lac Yum tsi' pʌyʌyetla loq'uel. Jini cha'an mach yomic mi la' c'ux waj am bʌ i levadurajlel che' ti jini q'uin.

Exodo 3:20

Jini cha'an mi caj c pʌsben i p'ʌtʌlel j c'ʌb. Mi caj cʌq'ueñob wocol jini egiptojob. Mi caj c pʌsbeñob c p'ʌtʌlel ti ñuc tac bʌ c melbal. Ti wi'il mi caj i choquetla majlel.

Exodo 7:4

ma'anic mi caj i ñich'tan a t'an. Jini cha'an joñon mi caj c ju'sʌbeñob i pusic'al egiptojob. Mi caj c loc'san ti' lumal Egipto jini israelob, come c cha'añob ti mojt ti mojt. Mi caj c pʌsbeñob bʌbʌq'uen tac bʌ c melbal.

Proverbios 1:9

Come a t'ojlʌwib yilal mi tsa' jac'beyob, come jiñʌch i ch'ʌjlil a jol yic'ot a wuj yilal.

Proverbios 3:21

Calobil, yom ma' wen ña'tan pañimil. Chʌn ña'tan bajche' yom ma' mel. Mach ñajʌyic c mandar ti a pusic'al.

Proverbios 7:23

Lajalʌch bajche' te'lemut toj bʌ mi' yochel ti yac. Mach yujilic mi ya' mi' caj ti chʌmel, pero mi caj i c'un ña'tan ba' ora mi' jec'bentel i pusic'al che' bajche' ti jalʌjb.

Cantares 8:6

Pʌyʌyon ti junyajlel ti ñujpuñel. Otsañon ti a pusic'al cha'an mach loq'uicon ti pejtelel ora. Come mach jilic laj c'uxbiya che' cuxulontola. Mach yajpic che' mi lac chʌmel. Wen bʌbʌq'uen jax jini tsʌytsʌyña bʌ i pusic'al. Jini cʌlejem bʌ wen ch'ijiyem mi' cʌytʌl. Mi' lejmel i pusic'al che' bajche' c'ajc wen ticʌw bʌ tilem bʌ ti lac Yum.

Isaias 27:1

Ti jini tal to bʌ ora lac Yum mi caj i c'ʌn jini bʌbʌq'uen bʌ espada am bʌ ti' c'ʌb cha'an mi' tic'lan jini jontolo' bʌ. Mi caj i mʌjlel i cha'an.

Isaias 40:10

Come tal lac Yum Dios yic'ot cabʌl i p'ʌtʌlel cha'an mi' cha'len yumʌl. Mi caj i pʌy tilel i cha'año' bʌ tsa' bʌ i mʌñʌ. Jiñʌch i chobejtʌbal cha'an i bajñel e'tel.

Isaias 44:5

Juntiquil mi caj i yʌl: “I cha'añoñʌch lac Yum”, che'en. Yambʌ mi caj i pejcan Jacob ti' tat. Yambʌ mi caj i ts'ijban ti' c'ʌb i c'aba' lac Yum yic'ot i c'aba' Israel.

Isaias 49:16

Come ñʌp'ʌl a c'aba' tij c'ʌb ti pejtelel ora. Wolic chʌn ña'tan i ts'ajquil tac Jerusalén tsa' bʌ jejmi.

Isaias 51:9

Caña a wut c Yum, caña a wut, wa'i' yic'ot cabʌl a p'ʌtʌlel che' bajche' ti wajali. Jatet tsa' tsʌnsa jini colem bʌ ajin, jiñʌch Egipto.

Isaias 59:21

Jiñʌch jini t'an mu' bʌ cʌq'ueñob: Jini quEspíritu mu' bʌ cʌq'ueñetla ma'anic mi caj i cʌyetla. Mi caj la' mulan chuqui tac uts'at. Mi caj la' ts'a'len chuqui tac mach uts'atic, jatetla yic'ot la' walobilob ti pejtelel ora. Che' tsi' yʌlʌ lac Yum.

Jeremias 22:24

Mi caj c choc loq'uel Conías (i yalobil Josías). Mi caj i ts'ʌctiyel che' bajche' tsa cʌlʌ come cuxulon. Anquese c'uxbibil che' bajche' c mʌtc'ʌb ba' ts'ijbubil j c'aba', anquese mi lʌpʌl c cha'an ti ñoj bʌ j c'ʌb, mach c'uxic mi caj cubin.

Daniel 9:15

C Yum Dios, jatet tsa' loc'sa a tejclumob ti Egipto ti ñuc bʌ a p'ʌtʌlel. Tsa' wʌc'ʌ ti wen cʌjñel a c'aba' ti jim bʌ q'uin c'ʌlʌl wʌle, pero an lojon c mul ti a tojlel. Tsa'ix c cha'le lojon jontolil.

Joel 2:11

Lac Yum mi' pʌyob tilel ti c'am bʌ t'an che' bajche' p'ʌtʌlo' bʌ soldadojob i cha'an. Mi' jac'beñob i t'an. Come bʌbʌq'uen jax i Q'uiñilel lac Yum. ¿Majqui mi mejlel i cuch?

Numeros 15:39

Che' mi la' q'uel yom mi la' c'ajtesan ti la' pusic'al pejtelel c mandar, cha'an ts'ʌcʌl mi la' chʌn mel, cha'an mach yomic mi la' mel jini mu' bʌ la' bajñel ña'tan ti la' pusic'al. Mach yomic mi la' tsʌclan jini mu' bʌ i bajñel q'uel la' wut cha'an mi' yʌq'ueñetla la' taj la' ts'i'lel.

Mateo 23:5

Ti pejtelel i melbal tac mi' cha'leñob cha'an mi' q'uejlelob ti ñuc ti winicob. Mi' cʌchob ti' jol yic'ot ti' c'ʌb mero ñuc bʌ i yajñib ts'ijbubil bʌ i t'an Dios. Mi' melob wen tam bʌ i ch'ʌjlib rebozo mu' bʌ i xojob ti oración.

Romanos 10:8

Pero mi' yʌl: “Lʌc'ʌl an jini t'an ba' añet. An ti a wej, an ti a pusic'al ja'el”. Jiñʌch jini wen t'an mu' bʌ lac sub cha'an mi la' ñop.

Deuteronomio 30:14

Come c'ax lʌc'ʌl jax an ti a tojlel jini t'an. An ti a wej yic'ot ti a pusic'al. Yom jach ma' jac'.

Deuteronomio 5:15

Yom ma' ña'tan mozojet ti yambʌ ora ti' lumal Egipto, pero lac Yum Dios tsi' loc'sayet yic'ot pejtelel i p'ʌtʌlel. Jini cha'an lac Yum Dios mi' wersa subeñet cha'an ma' c'aj a wo.

Deuteronomio 6:21

Ti jim bʌ ora mi caj la' suben la' walobilob: “Ti yambʌ ora mozojonla ti Egipto ti' tojlel Faraón, pero lac Yum tsi' loc'sayonla ti' p'ʌtʌlel.

Deuteronomio 6:6

Ts'ijbanla cʌytʌl ti la' pusic'al pejtelel ili t'an mu' bʌ c subeñetla wʌle.

Deuteronomio 6:8

Ts'ijbanla cʌytʌl ti la' c'ʌb, yic'ot ti la' jol, cha'an mi la' chʌn ña'tan ti pejtelel ora.

Apocalipsis 18:8

Jini cha'an ti jump'ejl jach q'uin mi caj i tilel cabʌl i wocol. Mi caj i chʌmel, mi caj i cha'len uq'uel, mi caj i yubin wi'ñal. Mi caj i pulel ti c'ajc, come p'ʌtʌl lac Yum Dios mu' bʌ i mel Babilonia.

Juezob 2:12

Tsi' cʌyʌyob lac Yum, i Dios i ñojte'elob tsa' bʌ i loc'sayob ti' lumal Egipto. Tsi' tsajcayob majlel dios tac i cha'an yambʌ tejclumob am bʌ ti' joytilel. Tsi' ch'ujutesayob. Tsi' techbeyob i mich'ajel lac Yum.